سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن اور اس کے تمام فورمز کے زیراہتمام شیخ الاسلام ڈاکٹر محمد طاہرالقادری کی پاکستان آمد کے حوالے سے مختلف تحصیلات میں تشہیری مہم مکمل کر لی گئی ہے، اس تشہیری مہم کے دوران علاقے بھر میں وال چاکنگ، فلیکس بورڈ، رکشہ ڈیزائن، پوسٹرز اور گزرگاہوں پر ہولڈنگ بورڈز آویزاں کیے گئے ہیں، جبکہ عوامی رابطہ مہم مسلسل جاری ہے، جس میں لوگوں کو 23 دسمبر کو مینار پاکستان پر ہونے والے ’سیاست نہیں ریاست بچاؤ عوامی اجتماع‘ میں شرکت کی دعوت دی جا رہی ہے۔
تحریک منہاج القرآن عباس پور کے زیراہتمام شیخ الاسلام ڈاکٹر محمد طاہرالقادری کے استقبال کے حوالے سے خطہ کشمیر کی خوبصورت وادی عباس پور میں تشہیری مہم کا باقاعدہ آغاز ہو گیا ہے۔ اس تشہیری مہم کا آغاز تحریک منہاج القرآن یوتھ لیگ، مصطفوی سٹوڈنٹ موومنٹ، منہاج القرآن ویمن لیگ کے متحدہ پلیٹ فارم سے کیا گیا ہے۔
مصطفوی سٹوڈنٹس موومنٹ (طالبات) کی صدر شاکرہ چوہدری نے کہا ہے کہ موجودہ انتخابی نظام کے بت کدے میں ڈاکٹر طاہرالقادری کی آمد کے اعلان سے ارتعاش پیدا ہو گیا۔ کرپشن، برادری ازم، غنڈہ گردی، وننگ ہارسز اور ایک حلقے پر کروڑوں کے خرچ پر کھڑا نظام انتخاب زمین بوس ہونے کا آغاز 23 دسمبر کو ہو جائے گا۔ 23 دسمبر مستحکم اور خوشحال پاکستان کی تکمیل کیلئے بنیاد ثابت ہو گا۔ ڈاکٹر طاہر القادری مینار پاکستان میں قومی ایجنڈے کا اعلان کر کے پوری قوم کو لائحہ عمل دیں گے۔
شیخ الاسلام ڈاکٹر محمد طاہرالقادری نے کہا کہ بدقسمتی سے ہمارے ہاں جمہوریت کے معنی اور مفہوم کو بگاڑ کے رکھ دیا گیا ہے، پاکستان میں جمہوریت اس کی اصل روح کے مطابق نافذ نہیں ہے، انہوں نے کہا کہ دنیا میں اس وقت 25 ممالک ایسے ہیں جہاں پر جمہوریت کا پھل عوام کو مل رہا ہے، جبکہ دنیا کے 53 ممالک میں ناقص جمہوری نظام قائم ہے، جہاں پر انتخابات کو جمہوریت کہا جاتا ہے، لیکن بدقسمتی سے ان 78 ممالک میں پاکستان کا نام شامل نہیں ہے، پاکستان جمہوری لحاظ سے سب سے کم درجے پر فائز ہے، انہوں نے کہا کہ اگر ملک کو بچانا ہے تو اس ظالمانہ نظام کا خاتمہ کر کے ایسا نظام رائج کرنا ہوگا، جس سے غریب کو روزگار، تعلیم، صحت اور دیگر بنیادی سہولیات بآسانی میسر آ سکیں۔
9 محرم الحرام کو منہاج القرآن ویمن لیگ مانکیالہ مسلم گوجر خان کے زیراہتمام تحصیل گوجر خان کے عظیم مرکز علم و عرفان منہاج القرآن اسلامک سنٹر میں عظیم الشان سالانہ مجلس ذکر حسین علیہ اسلام ہوئی، جس میں گاؤں مانکیالہ مسلم سے کثیر تعداد میں خواتین نے شرکت کی۔ شعبہ حفظ کی طالبہ حافظہ نورا صباح نے تلاوت قرآن مجید سے محفل کا آغاز کیا۔ پوری جماعت نے درود پاک خوبصورت انداز سے پڑھا۔ منقبت امام حسین علیہ السلام کے لیے حافظہ صوفیہ نے بڑے پرسوز انداز سے اپنی عقیدت کا اظہار کیا۔
منہاج القرآن ویمن لیگ اور مصطفوی سٹوڈنٹس موومنٹ سسٹرز کھڑی شریف کے زیراہتمام تین روزہ آئیں دین سیکھیں کورس کی اختتامی تقریب تحریک منہاج القرآن کھڑی شریف کے تحصیلی دفتر میں انعقاد پزیر ہوئی، جس میں خصوصی شرکت مرکزی کوآرڈینیٹر منہاج القرآن ویمن لیگ پاکستان اور معلمہ کورس محترمہ شمائلہ عباس، صدر منہاج القرآن ویمن لیگ دینہ محترمہ سلمہ شبیر اور علاقے کی موثر شخصیات نے کی۔
مورخہ 30 نومبر 2012ء کو منہاج القرآن ویمن لیگ جہلم کے زیراہتمام سیدہ زینب رضی اللہ عنہا کانفرنس کا انعقاد کیا گیا، اس پروگرام میں خصوصی خطاب مرکزی نگران ضلع جہلم محترمہ شمائلہ عباس صاحبہ نے کیا، پروگرام کا انعقاد فاطمہ جناح گرلز کالج ویسٹ کالونی جہلم میں کیا گیا جس میں 200 سے زائد طالبات اور خواتین نے شرکت کی۔
منہاج القرآن ویمن لیگ سندھ کی نگران محترمہ مسرت ہارون نے کانفرنس سے اپنے صدارتی خطاب میں پیکرِ صبر و شجاعت حضرت سیدہ زینب رضی اللہ عنہا کی سیرت ِ طیبہ پر تفصیلی روشنی ڈالی۔ انہوں نے اپنے خطاب میں کہا کہ سیدہ کائنات رضی اللہ عنہا کی آغوش میں پرورش پانے والی حضرت زینب رضی اللہ عنہا نے اس موقع پر وہ مثالی کردار ادا کیا، جو رہتی دنیا تک تمام خواتین کے لئے سرچشمہ ہدایت ہے۔
صدر فیڈرل کونسل منہاج القرآن انٹرنیشنل ڈاکٹر حسین محی الدین قادری نے خطاب کرتے ہوئے کہا کہ شیخ الاسلام ڈاکٹر محمد طاہرالقادری کی ولولہ انگیز قیادت میں وطن عزیز میں تبدیلی جلد آئیگی جو پاکستان کو ایشیاء کا باوقار اور خوشحال ملک بنا دے گی۔ انہوں نے کہا کہ تبدیلی وقت کی ضرورت بن چکی ہے، مینارِ پاکستان پر ہونیوالے تاریخی اجتماع میں لاکھوں محبِ وطن پاکستانی ملک سے کرپشن کے محافظ مقتدر طبقے کے خاتمے کا عہد کریں گے۔ موجودہ انتخابی نظام سے سوسال تک بھی کوئی تبدیلی نہیں آئیگی۔ تبدیلی کیلئے موجودہ انتخابی نظام کے خلاف بغاوت کرنا ہوگی۔
مورخہ 23 نومبر 2012ء کو منہاج القرآن ویمن لیگ نواب شاہ کے زیراہتمام ناظمہ فرزانہ فیصل کے گھر ممتاز کالونی میں شہداء کربلا کے ایصال ثواب کیلئے قرآن خوانی وحلقہ درود کا اہتمام کیا گیا، جس میں ناظمہ تربیت محترمہ رخشندہ رزاق، ناظم دعوت محترمہ غزالہ صغیر، ناظم نشرو اشاعت محترمہ ثنیہ محفوظ علی قادری، ویمن لیگ کی کارکن سدرہ کاشف، شازیہ سمیت علاقہ بھر سے خواتین نے شرکت کی۔
نائب امیر تحریک منہاج القرآن علامہ محمد صادق قریشی نے کہا کہ یزیدنے اسلام کی تعلیمات کو مسخ کرنے کی کوشش کی جو امام حسین علیہ السلام کو گوارہ نہ ہوا اور انہوں نے اپنے خاندان کی قربانی دے کر اسلام کو ہمیشہ کیلئے زندہ کردیا۔ انہوں نے کہا کہ حضرت امام حسین کے عمل سے صبر و رضا، استقامت اور قربانی کے عظیم رویوں نے جنم لیا اور آج ساری انسانیت ان مثبت رویوں سے فیضیاب ہورہی ہے۔ حضرت امام حسین علیہ السلام آج غیر مسلموں کیلئے بھی اتنے ہی معزز ہیں جتنے مسلمانوں کیلئے، ایسا اس لیے ہے کہ انہوں نے اپنے عمل سے انسانیت کا سر فخر سے بلند کردیا۔
منہاج القرآن ویمن لیگ دی ہیگ (ہالینڈ) کے زیر اہتمام مورخہ 25 نومبر 2012ء کو یوم عاشور مذہبی جذبات کے ساتھ انتہائی عقیدت واحترام کے ساتھ منایا گیاجس میں سینکڑوں خواتین نے شرکت کی۔
مورخہ 12 نومبر 2012, کو منہاج القرآن ویمن لیگ نواب شاہ کے زیراہتمام مہاجر کالونی میں ناظمہ نشر و اشاعت محترمہ ثنیہ محفوظ علی قادری کی رہائش گاہ پر عظیم الشان محفل میلاد مصطفی صلی اللہ علیہ وآلہ وسلم کا انعقاد ہوا، جس میں خواتین کی کثیر تعداد نے شرکت کی۔ اس روح پرور اجتماع میں نگران منہاج القرآن ویمن لیگ سندھ محترمہ مسرت ہارون قادری، صدر نواب شاہ منہاج ویمن لیگ محترمہ ڈاکٹر نگہت حسن، ناظم محترمہ فرزانہ فیصل، ناظم تربیت محترمہ رخشندہ رزاق اور ناظم دعوت محترمہ غزالہ صغیر نے بھی شرکت کی۔
منہاج القرآن ویمن لیگ لیاری ٹاون کراچی کے زیراہتمام محرم الحرام کی مناسبت سے سالانہ شہادت امام حسین رضی اللہ عنہ کانفرنس کا انعقاد کیا گیا۔ یہ پروگرام لیاری کراچی کے علاقے گلشن کالونی میں منعقد کیا گیا۔ جس میں منہاج القرآن ویمن لیگ کراچی کی قائدین کے علاوہ علاقہ بھر سے تمام مکتبہ فکر کی سینکڑوں خواتین نے بھرپور شرکت کی۔
23 دسمبر 2012ء کے عوامی استقبال کے سلسلے میں 20 نومبر 2012 کو نگران منہاج القرآن ویمن لیگ آزاد کشمیر محترمہ فریحہ خان نے کھڑی شریف کے تحصیلی دفتر کا دورہ کیا، جہاں انہوں نے منہاج القرآن ویمن لیگ کے اجلاس کی صدارت کی۔ نو منتخب عہدیداران نے 23 دسمبر 2012ء کو مینار پاکستان پر ہونے والے ’سیاست نہیں ریاست بچاؤ‘ کنونشن کے سلسلے میں کثیر تعداد میں خواتین کی شرکت کو یقینی بنانے کا عزم کیا۔
4M
فیس بک
2M
ٹوٹر
© 1994 - 2026 Minhaj-ul-Quran International.
