سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مورخہ 18 نومبر 2012ء بروز اتوار تحریک منہاج القرآن تحصیل شکرگڑھ کے زیراہتمام 23 دسمبر کو مینار پاکستان پر شیخ الاسلام ڈاکٹر محمد طاہرالقادری کی پاکستان آمد کے حوالے سے عوامی استقبال کی تیاریوں کے سلسلے میں نظام بدلو ورکرزکنونشن کا انعقاد کیا گیا۔ جس میں سینئر نائب ناظم اعلیٰ تحریک منہاج القرآن شیخ زاہد فیاض، نائب امیر تحریک منہاج القرآن پنجاب سردار بشیر خان لودھی، مرکزی ناظمہ دعوت منہاج القرآن ویمن لیگ محترمہ گلشن ارشاد صاحبہ اور مرکزی نائب صدر مصطفوی سٹوڈنٹس موومنٹ چوہدری عاصم رشید ایڈووکیٹ نے شرکت کی۔ اس کنونشن میں تحصیل شکر گڑھ کی تمام یونین کونسلز سے ہر فورمز کے عہدیداران اور کارکنان نے شرکت کی۔
مورخہ 30 اکتوبر تا 11 نومبر مرکزی نائب ناظمہ محترمہ ساجدہ صادق اور میڈیا کوآرڈینیٹر محترمہ نبیلہ یوسف نے ضلع جڑانوالہ، فیصل آباد اور ضلع ننکانہ صاحب کی تحصیلات (جڑانوالہ، کھڑانوالہ، بچیانہ، تاندلیانوالہ، ماموں کانجن، سمندری، آو اگہت، سید والا، سانگلہ ہل، ننکانہ صاحب، کمالیہ، شورکوٹ سٹی، اٹھارہ ہزاری، شورکوٹ کینٹ، گوجرہ، لالیاں، منڈی شاہ جیونہ اور رجانہ کا پندرہ روزہ وزٹ کیا۔ جس میں تنظیمی نشست، ورکرز کنونشن اور تنظیم سازیاں عمل میں لائی گئیں۔
بدھ 14 نومبر 2012ء کو منہاج القرآن ویمن لیگ ضلع جہلم کا ورکرز کنونشن منہاج القرآن اسلامک سنٹر جادہ میں انعقاد پذیر ہوا، جس میں خصوصی شرکت مرکزی سیئنر نائب ناظمِ اعلیٰ شیخ زاہد فیاض نے کی۔ اس تقریب میں ضلع بھر سے خواتین کی بڑی تعداد نے شرکت کی۔
منہاج القرآن اسلامک سنٹر چک بھون چکوال کے زیراہتمام خواتین کے لیے تین روزہ آئین دین سیکھیں کورس کا انعقاد کیا گیا۔ جس کے آخری دن اختتامی تقریب منعقد ہوئی۔ جس میں عورتوں اور طالبات کی کثیر تعداد نے شرکت کی۔
اگر آپ تحریک سے منسلک ہیں توآپ کو دعوت دی جاتی ہے کہ مرکز کی طرف سے پیغامات کے حصول کے لیے آپ اپنی تحصیل کے کوآرڈینیٹر سے منسلک ہو جائیں اور موصول ہونے والے پیغامات کو اپنی SIM میں موجود تمام غیر تحریکی افراد کو فارورڈ کرنا شروع کر دیں۔ (اس نیٹ ورک میں شامل ہونے کے لیے اپنی تحصیل / ٹاؤن کے صدر / ناظم سے رابطہ کریں۔)
منہاج القرآن ویمن لیگ جہلم اور ایم ایس ایم (سسٹرز) جہلم کی طرف سے جہلم کے کالجز (برائے طالبات) کے مابین تقریری مقابلہ بعنوان گستاخانہ فلم اور امتِ مسلمہ کی ذمہ داریاں انعقاد پذیر ہوا۔ یہ تقریری مقابہ مورخہ 3 نومبر 2012 (بروز ہفتہ) صبح نو بجے فرسٹ مون میرج ہال جہلم میں ہوا۔
مورخہ 22 اکتوبر 2012ء کو 354/2/c1 بغداد ٹاؤن (ٹاؤن شپ) لاہور میں تقریب تقسیم انعامات (آئیں دین سیکھیں کورس) کا انعقاد کیا گیا جس میں شرکاء کورس نے اور بالخصوص پیر سید محمد امین سیفی، بشیرخان لودھی ڈپٹی ڈائریکٹر منہاج ٹریننگ اکیڈمی، غلام مرتضی علوی مرکزی ناظم تربیت، خواجہ خالد محمود، مسز سعادت اشرف چوہدری اور محمد شریف کمالوی مرکزی ڈائریکٹر عرفان القرآن کورس تحریک منہاج القرآن انٹرنیشنل نے شرکت کی۔
عید الاضحی کے پُرمسرت موقع پر ہر سال کی طرح امسال بھی شیخ الاسلام ڈاکٹر محمد طاہرالقادری کی سرپرستی میں مرکزی منہاج القرآن ویمن لیگ نے عید کی خوشیاں بے سہارا خواتین، یتیم اور غریب بچوں، ناداروں اور مریضوں کے ساتھ منائیں۔ جس میں محترمہ ڈاکٹر نوشابہ حمید، محترمہ ساجدہ صادق، محترمہ سدرہ کرامت، محترمہ انیلہ الیاس، محترمہ شاکرہ چوہدری، محترمہ گلشن ارشاد، محترمہ نبیلہ یوسف، محترمہ ارشاد اقبال، محترمہ ریحانہ بخاری، اور میل کوآرڈینیٹرز میں سے محترم الیاس ڈوگر اور محترم عبدالرحمن نے شرکت کی۔
شیخ الاسلام ڈاکٹر محمد طاہر القادری نے مصر سے پاکستانی قوم کے نام اپنے پیغام میں کہا ہے کہ عید الاضحی معاشرے کے پسے ہوئے استحصال زدہ طبقے کو اپنی خوشیوں میں شریک کرنے کا درس دیتی ہے۔قوم مواخات کے عظیم رویوں کو زندہ کرے تا کہ محروم طبقات حقیقی خوشی سے مستفید ہو سکیں۔انہوں نے کہا کہ نفسانی خواہشات کے خلاف بند باندھنا ہر مسلمان کا فریضہ ہے اس عمل سے فلاحی رویے پھوٹتے ہیں اور معاشرے سے انتہا پسندانہ منفی رجحانات کے خاتمے میں مدد ملتی ہے۔ انہوں نے کہا کہ حضرت ابراہیم ؑ کی سنت پر عمل پیرا ہو کر مسلمانوں میں معاشرے کے پسے ہوئے طبقات کی تکلیف کا احساس اجاگر ہوتا ہے جومعاشرے میں مثبت قدروں کا باعث بنتا ہے۔
منہاج القرآن ویمن لیگ ومنہاج سسٹر لیگ (فرانس) کے زیر اہتمام مورخہ 14 اکتوبر 2102ء کو منہاج القرآن کے مرکز لاکورونیو پر ماہانہ گیارہویں شریف کا پروگرام منعقد کیا گیا جس میں خواتین کی کثیر تعداد نے شرکت کی۔
ریلی کے دوران تحریک منہاج القرآن علی پور کے قائدین نے شہر کے مختلف مقامات پر خطابات کرتے ہوئے امت مسلمہ کے حکمرانوں اور OIC کی بے حسی کی بھی پر زور مذمت کی۔
اس تقریب سعید سے امیر تحریک منہاج القرآن پنجاب احمد نواز انجم نے خطاب کرتے ہوئے کہا کہ شیخ الاسلام ڈاکٹر محمد طاہرالقادری کی مذہبی، تعلیمی اور فلاحی خدمات قابلِ تقلید ہیں۔ بانی تحریک منہاج القرآن امن و سلامتی کے حقیقی سفیر ہیں۔ انہوں نے نفرتوں کو محبتوں سے بدلنے کا جو مشن شروع کیا ہے، وہ پوری دنیا میں انہیں ممتاز کرتا ہے۔
تحریک منہاج القرآن کا 32 واں یوم تاسیس دنیا کے 100 سے زائد ممالک میں جوش و خروش سے منایا گیا۔ شیخ الاسلام ڈاکٹر محمد طاہر القادری کی تین دھائیوں پر مشتمل انتھک جدوجہد کو خراج عقیدت پیش کرنے کیلئے دنیا کے 6 بر اعظموں میں سیمینارز اور تاسیسی تقاریب کا انعقاد کیا گیا جس میں ہر جگہ ہزاروں، سینکڑوں وابستگان نے شرکت کی اور تجدید عہد کیا۔ اس موقع پر شیخ الاسلام ڈاکٹر محمد طاہر القادری کی صحت اور درازی عمر کی دعا ئیں کی گئیں اور کیک کاٹے گئے۔
شیخ الاسلام ڈاکٹر محمد طاہر القادری نے اِحترامِ مذاہب کے حوالے سے UN ،OIC سمیت پوری دنیا کے ممالک کے سربراہان کو تاریخی مراسلہ لکھا ہے، جس میں انہوں نے باور کرایا ہے کہ کسی بھی مذہب کی ذواتِ مقدسہ کے خلاف توہین آمیز اقدامات سے نہ صرف اَمن عالم تباہ ہوگا بلکہ دہشت گردی و انتہاء پسندی کے خلاف کی جانے والی کوششوں کو بھی شدید دھچکا پہنچے گا۔
شیخ الاسلام نے کہا ہے کہ تبدیلی دجالی اور کرپٹ نظام کا حصہ بننے سے نہیں بلکہ اس سے ٹکرانے سے آئے گی۔ موجودہ انتخابی نظام ملک اور عوام کا سب سے بڑا دشمن ہے۔ پاکستان کے مقتدر طبقے کی نفسیات فراعین مصر جیسی ہے، وہ عوام کو غلام سمجھتے ہیں۔ کارکن سن لیں امسال 23 دسمبر کو پاکستان آ رہا ہوں۔
4M
فیس بک
2M
ٹوٹر
© 1994 - 2026 Minhaj-ul-Quran International.
