سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج حلقہ درود (خواتین) ناروے کے زیر اہتمام منہاج القرآن اسلامک سینٹر اوسلو میں 26 اکتوبر 2019ء کو استقبال ربیع الاول کے سلسلےمیں میلادالنبی صلی اللہ علیہ وآلہ وسلم کی محفل کا انعقاد کیا گیا۔ محفل میں منہاج القرآن ویمن لیگ کی عہدیداران و کارکنان سمیت اوسلو اور مضافاتی علاقوں سے خواتین کی بڑی تعداد نے شرکت کی۔
منہاج القرآن ویمن لیگ کے بچوں کی تربیت کے فورم ’’ایگرز‘‘ کے زیراہتمام استقبال ربیع الاول کے سلسلے میں بچوں اور بچیوں نے ماڈل ٹاؤن میں ریلی نکالی، اس منفرد استقبال ربیع الاول ریلی میں 10 سال سے کم عمر کے بچے اور بچیاں شریک تھیں۔ ریلی میں شریک بچوں نے رنگ برنگے خوبصورت فینسی لباس زیب تن کر رکھے تھے اور نگینوں سے آراستہ نعلین پاک کے بیجز لگا رکھے تھے۔
منہاج القرآن ویمن لیگ لودھراں کے زیراہتمام استقبال ربیع الاول کانفرنس منہاج القرآن اسلامک سنٹر میں منعقد ہوئی، جس میں منہاج القرآن ویمن لیگ کی ضلعی صدر مسز ارشاد منظور بیگم نے خطاب کیا۔ انہوں نے کہا کہ رسول عربی کی آمد سے خواتین کو وہ عظیم مقام ملا جس پر پوری دنیا نازاں ہے۔
منہاج ویمن لیگ کینیڈا کے زیراہتمام مولدالنبی کانفرنس 17 نومبر 2019ء کو مسی ساگا مسلم کمیونٹی سنٹر میں ہو گی، جس میں منہاج القرآن ویمن لیگ انٹرنیشنل کی صدر ڈاکٹر غزالہ حسن قادری مہمان خصوصی ہوں گی اور خطاب بھی کریں گی۔ کانفرنس میں محفل نعت، درود شریف اور اذکار بھی شامل ہیں جبکہ دیگر مقررین بھی خطاب کریں گی۔
منہاج سسٹرز یوکے کی تنظیم کے زیراہتمام برطانیہ میں تین روزہ ’’التزکیہ کیمپ 2019 ‘‘ کا انعقاد کیا گیا۔ ’’التزکیہ کیمپ 2019‘‘ میں منہاج القرآن انٹرنیشنل ویمن لیگ کی صدر ڈاکٹر غزالہ حسن قادری، ممبر پارلیمنٹ ناز نسیم شاہ، معروف سیاسی سماجی رہنما سمیعہ علی اور مختلف شعبہ ہائے زندگی سے اسکالرز خواتین نے بھی بطور مہمان کیمپ میں شرکت کی۔ اس موقع پر مقررین نے عظیم خواتین و دیگر تعلیمی تربیتی موضوعات پر لیکچرز دئیے۔ تحریک منہاج القرآن کے قائد ڈاکٹر محمد طاہرالقادری نے ’’التزکیہ کیمپ 2019 ‘‘ سے خطاب کرتے ہوئے کہا کہ اسلام مرد اور خواتین دونوں کی یکساں تعلیم و تربیت پر زور دیتا ہے۔
منہاج القرآن ویمن تحصیل جہلم کے ذیلی فورم WOICE کے زیراہتمام گزشتہ چند مہینوں میں مستحق خاندانوں کے لیے 54,700 روپے کی ویلفیئر کی۔ مختلف مستحق خاندانوں کی بچیوں کی شادیوں کے لیے جہیز کا سامان اور نقدی دی گئی۔
منہاج القرآن ویمن لیگ ضلع راجن پور کے زیراہتمام ’’سیدہ زینب کانفرنس‘‘ کا انعقاد کیا گیا، جس میں زونل ناظمہ محترمہ ادیبہ شہزادی نے خطاب کیا۔ کانفرنس میں صدر ایم ایس ایم محترمہ اقراء یوسف جامی نے ایم ایس ایم کے پراجیکٹس کو بریف کیا اور ناظمہ منہاج القرآن ویمن لیگ راجن پور محترمہ انساء دلشاد نے الہدایہ کے پراجیکٹس کو بریف کیا۔
منہاج کالج برائے خواتین کی بزم منہاج کے زیراہتمام فرسٹ ائیر کی طالبات نے منہاج القرآن انٹرنیشنل کے مرکزی سیکرٹریٹ کا وزٹ کیا۔ اس سٹڈی وزٹ کے دوران طالبات نے گوشہ درود، فرید ملت ریسرچ انسٹی ٹیوٹ، سیل سنٹر اور مرکزی سیکرٹریٹ کے مختلف دفاتر کا دورہ کیا۔ اس موقع پر طالبات نے منہاج القرآن ویمن لیگ کے مرکزی آفس کا بھی وزٹ کیا۔
منہاج القرآن ویمن لیگ جہلم کے زیراہتمام تنظیمی ٹریننگ ورکشاپ منعقد ہوئی، جس میں مرکزی کوارڈینٹر کورسز علامہ محمود مسعود اور منہاج القرآن ویمن لیگ کے مرکزی وفد نے خصوصی شرکت کی۔ وفد میں منہاج القرآن ویمن لیگ کی علینہ الیاس، ڈائریکٹر ایگرز آئمن مغل، ڈائریکڑ WOICE ثناء وحید، ایم ایس ایم سسٹرز کی صدر اقراء یوسف جامی اور ڈپٹی ڈائریکٹر الھدایہ اقرا مبین اور سوشل میڈیا ڈائریکٹر حلیمہ عارف شامل تھیں۔
منہاج القرآن ویمن لیگ فتح جنگ کے زیراہتمام سیدہ زینب کانفرنس کا انعقاد کیا گیا جس میں خواتین کی کثیر تعداد نے شرکت کی۔ کانفرنس سے خطاب کرتے ہوئے ناظمہ منہاج القرآن ویمن لیگ حبیبہ حنا نے کہا کہ مسلمان عورتوں کو سیرت سیدہ زینب سلام اللہ علیہا اپنانے کی ضرورت ہے، آج بھی کشمیری خواتین میں کردار زینب کی جھلک نظر آتی ہے جو وقت کے یزیدیوں کو للکار رہی ہیں، زینب سلام اللہ علیھا نے امن، صبر اور استقامت کا پیغام دیا، دنیا آج بھی علی کی بیٹی کی شجاعت پر داد دیتی ہے، رہتی دنیا تک آپ کا نام حریت، غیرت، بہادری اور سامراجی حکمرانوں کے خلاف اعلائے کلمہ حق بلند کرنے والوں میں یاد رکھا جائے گا۔
منہاج القران ویمن لیگ تحصیل جہلم کے زیراہتمام سیدہ زینب (سلام اللہ علیہا) کانفرنس 22 ستمبر کو مسجد المنہاج جادہ میں منعقد ہوئی۔ کانفرنس میں جہلم کی مختلف یونین کونسلز سے منہاج القرآن ویمن لیگ کی عہدیداران، ورکرز، رفقاء اور قرآن سکالرز کے علاوہ سول سوسائٹی سے تعلق رکھنے والی خواتین بھی نے بھرپور شرکت کی۔
منہاج القرآن ویمن لیگ واہ کینٹ کے زیراہتمام سلیمانیہ اسلامک سینٹر نواب آباد میں سیدہ زینب سلام اللہ علیہا کانفرنس کا انعقاد کیا گیا، جس میں خواتین کی کثیر تعداد نے شرکت کی۔ محفل میں سیاسی وسماجی رہنما محترمہ مدیحہ کوکب مہمان خصوصی تھیں۔
منہاج القرآن ویمن لیگ لودھراں کے زیراہتمام سیدہ زینب بنت فاطمہ کانفرنس کا انعقاد کیا گیا جس میں بہت بڑی تعداد میں خواتین شریک ہوئیں۔ کانفرنس کا آغاز تلاوت قرآن مجید اور نعت رسول مقبول ﷺ سے ہوا۔ ضلعی صدر ویمن لیگ ارشاد منظور بیگم نے خطاب کرتے ہوئے سیدہ زینب سلام اللہ علیہا کے فضائل پر روشنی ڈالی۔ اس تقریب میں شیخ الاسلام ڈاکٹر محمد طاہرالقادری کے خطابات بھی بڑی سکرین پر دیکھائے گئے۔ جس کے بعد محفل ذکر کا انعقاد ہوا۔
منہاج القرآن ویمن لیگ ملتان کا اجلاس منعقد ہوا، جس میں صدر منہاج القرآن ویمن لیگ ملتان ہما اسماعیل نے خطاب کیا۔ اجلاس میں منہاج ویمن لیگ ملتان کی رہنماء نازیہ، صدف نقوی، ندا اشتیاق، صباء صفدر، انعم مصطفےٰ، مسز خالد محمود، مسرت عابد، مسز احمد قریشی، اسماء جاوید، عسیرہ، ماریہ، عائشہ سلیم، نتاشہ اقبال، سحرش حبیب اور دیگر خواتین نے شرکت کی۔
تحریک منہاج القرآن کی مرکزی نظامت تربیت کے زیراہتمام 10 روزہ ’’ڈپلومہ ان قرآن سٹڈی کورس‘‘ کی اختتامی تقریب 3 سمتبر 2019ء کو منعقد ہوئی، اس تقریب کا اہتمام منہاج القرآن ویمن لیگ خیبرپختونخوا کی طرف سے کیا گیا، قونصل جنرل خانہ فرہنگ ایران پشاور محمد باقر بیگی مہمان خصوصی تھے جبکہ مرکزی ناظم اعلیٰ خرم نواز گنڈاپور نے بھی خصوصی شرکت کی۔ پروگرام میں تاجر اتحاد پشاور کے رہنما خالد ایوب، خالد محمود درانی، محسن اور مرکزی ناظم تنظیمات برائے خیبرپختونخوا عبدالحئی علوی نے بھی شرکت کی۔
4M
فیس بک
2M
ٹوٹر
© 1994 - 2026 Minhaj-ul-Quran International.
