سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن ویمن لیگ جہلم کے زیراہتمام رمضان پیکج کی تقسیم کا اہتمام کیا گیا۔ رمضان پیکج کی تقسیم کرنے کے سلسلہ میں 11 مئی 2018ء کو منہاج ماڈل سکول جادہ جہلم میں خصوصی تقریب کا انعقاد کیا گیا۔ جس میں سماجی رہنماء ہ شاہدہ شاہ اور نبیلہ اظہر نے خصوصی شرکت کی۔ منہاج القرآن ویمن لیگ جہلم کی یونین کی عہدیداروں نے بھی تقریب میں موجود تھیں۔ منہاج القرآن ویمن لیگ جہلم نے صرف ایک ہفتہ کے شارٹ نوٹس پر 60 سے زائد مستحق گھرانوں کے لیے مہینے بھر کے راشن کا انتظام کیا ہے۔
تحریک منہاج القرآن جہلم کے ضلعی دفتر جادہ میں تحریک منہاج القرآن اور اس کے جملہ فورمز کے عہدیداران کا اجلاس منعقد ہوا جس میں منہاج القرآن ویمن لیگ جہلم کی صدر اور ناظمہ نے شرکت کی۔ اجلاس میں ویمن لیگ کی عہدیداران نے تنظیمی کارکردگی کی رپورٹ پیش کی اور آئندہ کے لائحہ عمل سے آگاہ کیا۔
منہاج القرآن ویمن لیگ جہلم کی عہدیداران کا اجلاس 29 اپریل 2018 کو ہوا جس میں جہلم شہر، تحصیل جہلم اور اس کی یونین کونسلز کی عہدیداران نے شرکت کی۔ اجلاس میں مرکزی سیکرٹریٹ پر منعقدہ 5 روزہ تربیتی و تنظیمی ورکشاپس بارے شرکاء کو بریفنگ دی گئی۔
تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے منہاج القرآن ویمن لیگ کے زیراہتمام منعقدہ ’’عرفان الہدایہ ریفریشر کورس‘‘ میں شریک خواتین سے خطاب کرتے ہوئے کہا کہ تحریک منہاج القرآن قرآن و سنت کا علم، امن، رواداری اور احترام آدمیت و تکریم انسانیت پر مبنی پیغام دنیا میں عام کررہی ہے، سوشل میڈیا پر نوجوان طلباء وطالبات اسلام اور پاکستان کی آئیڈیالوجی پر ہونے والے مذموم حملوں کا دفاع بھی کریں اور اسلام کی سچی تعلیمات کے فروغ کیلئے اپنا اسلامی، ملی کردار ادا کریں۔
منہاج القرآن ویمن لیگ جہلم کے زیراہتمام شب برات کے مقدس و بابرکت موقع پر یکم مئی 2018ء کی شب سعیلہ جہلم کینٹ میں ’’شب بیداری‘‘ کا اہتمام کی گیا، جس کی صدارت صفیہ رفعت صدر ویمن لیگ تحصیل جہلم نے کی۔ پروگرام کا آغاز تلاوت کلام مجید سے ہوا، آقائے دوجہاں صلی اللہ علیہ وآلہ وسلم کی بارگاہ میں گلہائے عقیدت پیش کیے گئے، تسبیحات، صلوٰۃ التسبیح، ذکر الٰہی اور آہوں اور سسکیوں سے بھرپور دُعا بھی کی گئی۔
منہاج یونیورسٹی لاہور کی ممبر بورڈ آف گورنرز ڈاکٹر غزالہ حسن قادری نے کہا ہے کہ عورت کی عزت اس کا پردہ ہے، اسلام نے معاشرے کو پرامن بنانے اور بگاڑ سے بچانے کیلئے مرد و زن کیلئے حدود و قیود متعین کی ہیں، اسلام کے متعین کردہ ضابطہ اخلاق میں عورت کی تکریم اور باوقار آزادی ہے۔ ان خیالات کا اظہار انہوں نے منہاج یونیورسٹی لاہور میں ’’منہاج سسٹرز سیکرز کلب‘‘ کے زیراہتمام ’’یونیورسٹی کی زندگی میں خواتین کا تشخص‘‘ کے عنوان سے منعقدہ سیمینار سے خطاب کرتے ہوئے کیا۔
مودنہ (اٹلی) اور رجو ملیا یونیورسٹی کے زیراہتمام استنبول یونیورسٹی کے اشتراک سے پہلی ترکش اٹالین ’’پبلک اینڈ کرمنل لاء کانفرنس‘‘ منعقد ہوئی، جس کا موضوع ’’جمہوری سیکولر ملک میں دہشت گردی اور منظم جرائم کی روک تھام کے لیے قانونی تجاویز‘‘ تھا۔ کانفرنس میں منہاج القرآن سسٹر لیگ اٹلی کی رہنما حفصہ علی (دختر چوہدری محمد علی بھاگت ناظم منہاج القرآن ایجوکیشن اٹلی) نے منہاج القرآن انٹرنیشنل اٹلی کی نمائندگی کی۔
منہاج القرآن ویمن لیگ کے زیر اہتمام اپنی نوعیت کی پہلی ’’ویمن پارلیمنٹ‘‘ کی 500 اراکین نے مؤرخہ 15 اپریل 2018 کو منہاج القرآن کے مرکزی سیکرٹریٹ میں منعقدہ خصوصی تقریب میں حلف اٹھایا، تقریب میں سندھ، بلوچستان، خیبرپختونخواہ، پنجاب، گلگت بلتستان، آزاد کشمیر سمیت بیرون ملک سے تعلق رکھنے والی عہدیدار خواتین نے شرکت کی، فرح ناز کو ویمن پارلیمنٹ کا سپیکر اور افنان بابر کو سیکرٹری نامزد کیا گیا۔ تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے ویمن پارلیمنٹ کی ممبران سے حلف لیا اور انہیں ایک عظیم مقصد کے حصول کیلئے جمع ہونے پر مبارکباد دی۔
شیخ الاسلام ڈاکٹر محمد طاہرالقادری کا منہاج القرآن مرکزی سیکرٹریٹ میں منعقدہ منہاج القرآن ویمن لیگ کے 5 روزہ تنظیمی و تربیتی سیشن سے خطاب کرتے ہوئے کہا کہ مشن پر کاربند رہتے ہوئے اہداف کے 100 فیصد حصول کیلئے فرد اور تنظیم کے مابین احترام پر مبنی رشتہ استوار کرنا ناگزیر ہے۔ اچھی ریلیشن شپ ولایت کا بیج ہے۔ نیت ہو تو بندے کا اللہ سے رشتہ قائم کرنا آسان ہے مگر بندے کا بندے سے رشتہ استوار کرنا اور نبھانا مشکل ہے۔
چیئرمین سپریم کونسل ڈاکٹر حسن محی الدین قادری نے ویمن لیگ کے 5 روزہ تربیتی سیشن کے چوتھے روز خطاب کرتے ہوئے کہا کہ منہاج القرآن احیائے اسلام اور تجدید دین کی عالمگیر تحریک ہے، یہ تحریک دینی، سماجی، عائلی، انفرادی، اجتماعی امور و اقدار میں اسلامی تقاضوں کے مطابق اپنی ذمہ داریاں انجام دے رہی ہے۔ تحریک منہاج القرآن شرق و غرب میں اپنے وسیع و عریض تنظیمی ڈھانچے کے ذریعے اسلام کا علمی، تحقیقی، اصلاحی، فلاحی پر امن پیغام امت مسلمہ اور بنی نوع انسانیت تک پہنچا رہی ہے، جسکے ثمرات نوجوان نسل کی طرف سے اسلام کی طرف تیزی سے بڑھتی ہوئی رغبت کی صورت میں سامنے آ رہے ہیں۔
تربیتی سیشن سے خطاب کرتے ہوئے تحریک منہاج القرآن کے صدر ڈاکٹر حسین محی الدین قادری نے کہا کہ اسلام دین فطرت اور مکمل ضابطہ حیات ہے، دیگر تہذیبوں کی بنیاد مفاد اور جذبات پر جبکہ اسلام کی بنیاد اخلاص اور حکمت پر قائم ہے۔ اسلام جذبات کی بجائے اخلاص کی مضبوط بنیادوں پر قائم ہے، مخالفانہ پروپیگنڈے کا سبب کم علمی ہے یا بدنیتی، اسلام کی حقیقی تعلیمات سے آگاہی کیلئے قرآن و سنت کا براہ راست مطالعہ کیا جائے اور طالبات، خواتین حصول علم پر توجہ مرکوز کریں۔
منہاج القرآن ویمن لیگ کے زیراہتمام پانچ روزہ تنظیمی تربیتی کیمپ 11 اپریل 2018ء سے مرکزی سیکرٹریٹ ماڈل ٹاؤن لاہور میں جاری ہے، جس میں ملک بھر سے زونل، ضلع اور تحصیل سطح کی تنظیمات شریک ہیں۔ کیمپ کے دوسرے روز تحریک منہاج القرآن کی سپریم کونسل کے چیئرمین ڈاکٹر حسن محی الدین القادری، ممبر سپریم کونسل منہاج القرآن انٹرنیشنل ڈاکٹر غزالہ حسن قادری، ڈاکٹر فضہ حسین قادری، نظامت تربیت منہاج القرآن کے ڈپٹی ڈائریکٹر سعید رضا بغدادی اور مرکزی ناظمہ منہاج القرآن ویمن لیگ افنان بابر نے شرکاء سے تربیتی امور پر گفتگو کی۔
منہاج القرآن ویمن لیگ کے زیراہتمام کارکنان و عہدیداروں کے لیے پانچ روزہ تنظیمی و تربیتی ٹریننگ کیمپ 11 اپریل 2018ء کو مرکزی سیکرٹریٹ ماڈل ٹاون میں شروع ہو گیا۔ افتتاحی سیشن کی صدارت منہاج القرآن انٹرنیشنل کی ممبر سپریم کونسل ڈاکٹر غزالہ حسن قادری نے کی۔ ڈاکٹر غزالہ حسن قادری نے گفتگو کرتے ہوئے ویمن لیگ کی کارکردگی کو سراہا اور انہیں ویژن 2025 کے اہداف کے متعلق رہنمائی دی۔
منہاج القرآن ویمن لیگ کا پانچ روزہ تنظیمی و تربیتی ٹریننگ کیمپ مرکزی سیکرٹریٹ ماڈل ٹاون میں آج شروع ہو گا، کیمپ 11 سے 15 اپریل 2018ء تک شیڈول ہے، جس میں ملک بھر سے منہاج القرآن ویمن لیگ کی ملک بھر سے عہدیداران و کارکنان شریک ہوں گی۔ کیمپ میں ڈاکٹر غزالہ حسن قادری، ڈاکٹر فضہ حسین قادری، ڈاکٹر حسن محی الدین قادری، ڈاکٹر حسین محی الدین قادری اور دیگر دانشور و اسکالرز مختلف موضوعات پر لیکچرز دیں گے۔
عالمی یوم خواتین پر پاکستان عوامی تحریک ویمن لیگ کے زیراہتمام خصوصی مذاکرہ مرکزی سیکرٹریٹ میں منعقد ہوا، مذاکراہ میں منہاج ویمن لیگ کی مرکزی رہنماؤں عائشہ مبشر، زینب ارشد، ایمن یوسف، میمونہ شفاعت، کلثوم طفیل اور دختران اسلام کی ایڈیٹر ام حبیبہ نے شرکت کی۔ مرکزی رہنماوں نے خواتین کے حقوق پر گفتگو کرتے ہوئے کہا کہ موجودہ دور حکومت میں خواتین کا بدترین استحصال ہوا، خواتین کیلئے مخصوص کیے گئے نوکریوں کے کوٹہ پر عمل نہیں ہوا۔
4M
فیس بک
2M
ٹوٹر
© 1994 - 2026 Minhaj-ul-Quran International.
