سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن ویمن لیگ بارسلونا کے زیراہتمام 11 دسمبر 2016 کو سپورٹس ہال Can Ricart میں سالانہ محفلِ میلاد النبی صلی اللہ علیہ وآلہ وسلم کا انعقاد کیا گیا جس میں خواتین اور بچوں نے کثیر تعداد میں شرکت کی۔ محفل کا آغاز تلاوتِ کلامِ پاک سے ہوا جس کی سعادت حافظہ فائزہ نے حاصل کی، جبکہ منہاج القرآن یوتھ سسٹرز نے بارگاہِ رسالتمآب صلی اللہ علیہ وآلہ وسلم میں گلہائے عقیدت پیش کیے۔ بچوں کے گروپس نے شاندار انداز میں دف کے ساتھ نعتیں پڑھیں۔
منہاج القرآن ویمن لیگ ڈنمارک کے زیراہتمام 3 دسمبر 2016 کو منہاج القرآن اسلامک سینٹر ویلبی میں محفلِ میلاد النبی صلی اللہ علیہ وآلہ وسلم کا انعقاد کیا گیا جس میں خواتین اور بچوں کی بڑی تعداد نے شرکت کی۔ محفل کا آغاز تلاوتِ قرآنِ پاک سے ہوا جس کی سعادت میمونہ رحمٰن نے حاصل کی۔ شبانہ احمد نے حمد باری تعالیٰ پیش کی، جبکہ کوکب اپل، مریم ارشاد اور وحیدہ ملک نے آقائے کائنات صلی اللہ علیہ وآلہ وسلم کی بارگاہ میں عقیدت کے پھول نچاور کیے۔ نقابت کے فرائض شازیہ رانا نے احسن انداز میں سرانجام دئیے۔
منہاج القرآن ویمن لیگ پی پی 70کے زیراہتمام 7 دسمبر 2016 کو میلاد مصطفے ٰکانفرنس منعقدہوئی۔ جس کی صدارت منہاج القرآن ویمن لیگ ضلع فیصل آباد کی نائب صدر فرحت دلبر قادری نے کی، جبکہ مہمانوں میں ایم پی اے مدیحہ رانا، منہاج القرآن ویمن لیگ کی مرکزی رہنما عائشہ شبیر، انیلاڈوگر، فریدہ اکبر، تسنیم افضال، رخسانہ قمر، ڈاکٹرادیبہ ناز، حراء دلبر اور ثناء دلبر شامل تھیں۔ کانفرنس میں منہاج القرآن ویمن لیگ کی کارکنان سمیت خواتین کی بڑی تعداد شریک تھیں۔
منہاج القرآن ویمن لیگ کے زیراہتمام نو منتخب تنظیمات کی تقریب حلف برداری 7 دسمبر 2016ء کو مرکزی سیکرٹریٹ میں ہوئی، جس کی صدارت شیخ الاسلام ڈاکٹر محمد طاہرالقادری نے کی۔ تقریب میں چیئرمین سپریم کونسل ڈاکٹر حسن محی الدین قادری اور صاحبزادہ احمد مصطفی العربی بھی شریک ہوئے۔ پروگرام کا آغاز تلاوت قرآن مجید سے ہوا جس کے بعد طیارہ حادثہ کے نتیجے میں جاں بحق ہونے والے مسافروں کیلئے فاتحہ خوانی کی گئی۔ حادثہ میں جنید جمشید اور ان کی اہلیہ کی ناگہانی موت پر بھی گہرے رنج و الم کا اظہار کیا گیا۔ ڈاکٹر طاہرالقادری نے خطاب کرتے ہوئے کہا کہ قوم کی یہ بیٹیاں گود سے گور تک قربانی ہی قربانی ہیں۔ میرا پختہ یقین ہے کہ پاکستان میں جب بھی تبدیلی آئی اس کی روح رواں خواتین ہوں گی۔
محترمہ باجی ڈاکٹر غزالہ حسن قادری (ممبر سپریم کونسل منہاج القرآن انٹرنیشنل، ممبر بورڈ آف گورنر منہاج یونیورسٹی لاہور) کو یونیورسٹی آف برمنگھم یوکے سے ’’پاکستان میں قانون خُلع میں اصلاحات‘ ‘کے موضوع پر پی ایچ ڈی کی ڈگری حاصل کرنے پر مبارکباد پیش کرتے ہیں۔
منہاج القرآن ویمن لیگ فیصل آباد نے 17 نومبر 2016 کو خواتین کے لیے تربیتی ورکشاب کا انعقاد کیا۔ ورکشاپ میں منہاج القرآن ویمن لیگ فیصل آباد کی ناظمہ روبینہ خاکی، نائب صدر فرحت دلبر قادری، قمرعلی خاکی، مصباح افتخار اور ثناء دلبر سمیت منہاج القرآن ویمن لیگ کی کارکنان اور عہدیداران نے بڑی تعداد منیں شرکت کی۔
منہاج القرآن ویمن لیگ کے زیر اہتمام 3 روزہ تربیتی و تنظیمی، اخلاقی، روحانی، اصلاحی کیمپ 11 سے 13 نومبر 2016ء تک مرکزی سیکرٹریٹ ماڈل ٹاون میں منعقد ہوا۔ کیمپ میں چاروں صوبوں سے ضلعی اور تحصیلی عہدیدار خواتین نے شرکت کی۔ پروگرام کا باقاعدہ آغاز تلاوت قرآن مجید اور نعت مبارکہ سے ہوا۔ جس کی سعادت نظامتِ اطفال کی ڈائریکٹر حافظہ ایمن یوسف نے حاصل کی۔ پشاور سے سیدہ زرتاج بخاری نے ہدیہ نعت پیش کیا۔ افتتاحی سیشن میں مرکزی ناظمہ تربیت عائشہ مبشر نے استقبالیہ پیش کیا اور کیمپ کے شیڈول پر بریفنگ دی۔
منہاج القرآن انٹرنیشنل سپین کے زیراہتمام محرم الحرم کی مناسبت سے بادالونا، بارسلونا اور ہسپتالت میں منہاج یوتھ سسٹرز کے تربیتی کیمپ منعقد کیے گئے۔ جس میں سسٹرز، خواتین اور بچوں کی بڑی تعداد نے شرکت کی۔ ورکشاپ میں دورہ یورپ پر آئے نائب ناظم اعلیٰ منہاج القرآن فرحت حسین شاہ مہمان خصوصی تھے۔
منہاج القرآن ویمن لیگ ہالینڈ کے زیراہتمام ’’پیغام کربلا کانفرنس‘‘ 23 اکتوبر 2016ء کو روٹرڈیم میں منعقد کی گئی، جس میں خواتین کی کثیر تعداد نے شرکت کی۔ پروگرام کا باقاعدہ آغاز مسز عائشہ نذیر قادری نے تلاوت قرآن مجید سے کیا۔ منہاج سسٹرز لیگ کی طرف سے گروپ شکل میں قصیدہ بردہ شریف پیش کیا گیا۔
منہاج القرآن ویمن لیگ ڈنمارک کے زیراہتمام شہدائے کربلا کی یاد میں سالانہ ’’شہادت امام حسین کانفرنس‘‘ 22 اکتوبر 2016ء نارتھ ویسٹ میں منعقد ہوئی۔ محفل میں کوپن ہیگن کے گرد و نواح سے خواتین اور چھوٹے بچوں نے کثیر تعداد میں شرکت کی۔ کانفرنس کا باقاعدہ آغاز تلاوت قرآن مجید سے ہوا، جس کی سعادت موسی مصطفی اور سجل خان نے حاصل کی۔ خدیجہ سجاد نے حمد باری تعالیٰ شبانہ احمد نے نعت مبارکہ پڑھی۔
منہاج القرآن ویمن لیگ میرپور کے زیراہتمام ’’سیدہ زینب سلام اللہ علیھا کانفرنس‘‘ 30 اکتوبر 2016ء کو منعقد ہوئی، جس کی صدارت مرکزی ناظمہ افنان بابر نے کی۔ کانفرنس میں میرپور آزاد کشمیر کی تنظیم سے رفقاء و کارکنان کے علاوہ علاقہ کی خواتین نے بھی شرکت کی۔ پروگرام کا آغاز تلاوت و نعت سے ہوا، جس کے بعد منقبت بھی پیش کی گئی۔
منہاج القرآن ویمن لیگ کے زیراہتمام منہاج کالج ٹاون شپ میں سہ روزہ نفلی و تربیتی اعتکاف ہوا۔ 31 اکتوبر 2016ء کو اعتکاف کے دوسرے روز منہاج القرآن ویمن لیگ کی طرف سے منعقدہ سیشن میں ’’النصیحہ‘‘ کے موضوع پر تربیتی لیکچر دیا۔ مرکزی ناظمہ ویمن لیگ افنان بابر نے خواتین کی اخلاقی معاشرتی اور روحانی کردار کی تشکیل پر روشنی ڈالی۔
منہاج القرآن ویمن لیگ ٹیکسلا کے زیراہتمام ’’سیدہ زینب سلام اللہ علیھا کانفرنس‘‘ 16 اکتوبر 2016ء کو منعقد ہوئی۔ کانفرنس میں پروفیسر افضل جان مہمان خصوصی تھے۔ ناظمہ راولپنڈی ناہید مظہر نے اپنی ایگزیکٹو جبکہ واہ کینٹ کی نائب صدر مسز فرحت اظہر نے بھی خصوصی شرکت کی۔
منہاج القرآن ویمن لیگ سپین کے زیرِاہتمام 9 اکتوبر 2016 کو منہاج اسلامک سنٹر بارسلونا میں ذکر شہادت امام حسین رضی اللہ تعالی عنہ کے عنوان سے محفل کا انقعاد کیا گیا، جس میں سینکڑوں خواتین نے شرکت کی۔ محفل کا آغاز تلاوت کلام مجید اور نعت رسول مقبول صلی اللہ علیہ وسلم سے ہوا۔ منہاج سسٹرز کی بچیوں اور بچوں نے خو بصورت انداز میں سیدنا خسین رضی اللہ تعالی عنہہ کی بارگاہ میں منقبت پیش کی- محفل میں شیخ الاسلام ڈاکٹر محمد طاہرالقادری کا خطاب دکھایا گیا۔ علامہ غلام عربی نے محفل سے خطاب کیا جس میں انھوں نے شہدائے کربلا کی عظیم قربانیوں کا تذکرہ کیا اور انہیں سلامِ عقیدت پیش کیا۔
بارسلونا: منہاج القرآن ویمن لیگ سپین کے زیراہتمام 03 اکتوبر 2016 کو منہاج القرآن اسلامک سنٹر بارسلونا میں بچوں کے لیے خصوصی پروگرام منعقد کیا جس میں اسلامی کیلینڈر کی اہمیت، نئے سال کی عبادات اور واقعہ کربلا پر روشنی ڈالی گئی۔ تلاوت اور حمد باری تعالی کے بعد بچوں کے گروپ نے حضرت امام حسین علیہ اسلام کی شان میں منقعبت پیش کی۔ پروگرام کا ایک سیگمنٹ ہسپانوی زبان میں تھا جس میں شہدائے کربلا کی قربانیوں اور عزم و شجاعت کو بچیوں نے مکالمے کی صورت میں انتہائی خوبصورت انداز میں پیش کیا۔ چھوٹے بچوں نے معصومانہ انداز میں اہل بیتِ اطہار کی شان میں اخادیث مبارکہ پیش کیں۔
4M
فیس بک
2M
ٹوٹر
© 1994 - 2026 Minhaj-ul-Quran International.
