سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن ویمن لیگ میرپور آزاد کشمیر کے زیراہتمام نیو بندرال ٹاؤن میں سالانہ محفل میلاد مصطفی صلی اللہ علیہ وآلہ وسلم کا انعقاد کیا گیا جس میں خواتین کی کثیر تعداد نے شرکت کی۔ محفل کا باقاعدہ آغاز تلاوت کلام پاک سے ہوا جبکہ آقا کریم صلی اللہ علیہ وآلہ وسلم کی بارگاہ بیکس پناہ میں منہاج نعت کونسل لاہور، منہاج نعت کونسل میرپور، منہاج نعت کونسل اسلام گڑھ اور منہاج ماڈل سکول میرپور کی طالبات نے ہدیہ عقیدت کے پھول نچھاور کیے۔
ڈاکٹر محمد طاہر القادری نے کہا ہے کہ پاکستان عوامی تحریک کے لاکھوں کارکن اور ساری قوم 11 مئی کو پرامن دھرنے دے کر اس استحصالی نظام انتخاب کو مسترد کریں گے۔ پاکستان کی 65 سالہ تاریخ کا یہ پہلا واقعہ ہوگا جہاں لوگ ووٹ ڈالیں گے وہاں لاکھوں افراد پولنگ سٹیشنوں سے دور رہ کر اور امن و امان برقرار رکھتے ہوئے اس نظام کو یکسر مسترد کرینگے۔ پاکستان کے تمام شہروں میں دھرنے ہونگے۔ دھرنے کے شرکاء کسی کو ووٹ ڈالنے سے نہیں روکے گیں بلکہ صرف اس کرپٹ نظام انتخاب کے خلاف اپنا احتجاج ریکارڈ کرائیں گے اور قوم کو یہ بتائیں گے کہ کرپٹ نظام سے لڑنا ہو گا 11 مئی کو دھرنا ہو گا۔
ڈاکٹر طاہرالقادری نے کہا کہ پاکستان کی تاریخ میں پہلی بار لوگ پولنگ کے دن پورے ملک میں دھرنے کی صورت میں کرپٹ نظام کے خلاف اپنی آواز بلند کریں گے۔ انہوں نے کہا کہ ہم الیکشن کے بعد حکومت کو کارکردگی دکھانے کا وقت دیں گے تاکہ قوم سمجھ سکے، جس کے بعد ہماری جدوجہد مزید واضح ہوجائے گی۔ مئی کے اختتام تک قوم کو دھوکہ دہی پر مبنی پولنگ کے نتیجے میں بدترین معلق حکومت دیکھنے کو ملے گی۔
پاکستان عوامی تحریک کے قائد ڈاکٹر محمد طاہر القادری نے یوم پاکستان کے موقع پر اپنے پیغام میں کہا ہے کہ آج ہم تکمیل پاکستان کی جدوجہد سے تحفظ پاکستان تک اس لئے آ گئے ہیں کہ نظریہ پاکستان کی روح کمزور ترین ہو گئی ہے۔ دہشت گردی، انتہا پسندی اور نام نہاد جمہوریت کے لبادے میں نااہل سیاستدانوں کی وجہ سے پچھلے 65 سالوں سے نظریہ پاکستان پر حملے ہو رہے ہیں۔ آج پاکستان کی نظریاتی و جغرافیائی سرحدوں کو خطرات لاحق ہیں۔ چھوٹے صوبوں کا احساس محرومی بڑھ رہا ہے۔ ملک توانائی کے بحران، مہنگائی، دہشت گردی اور بے روزگاری کے مسائل کا شکار ہے۔ قوم میں عدم تحفظ اور مایوسی ہے اسکی وجہ یہ بھی ہے کہ بانی پاکستان قائداعظم محمد علی جناح رحمۃ اللہ علیہ کے بعد آنے والی غیر حقیقی لیڈر شپ نے نظریہ پاکستان سے ا نحراف کیا۔
اس وقت تک کے حالات اور جد و جہد کا ایک مختصر تجزیہ کرنا چاہتا ہوں تا کہ زیادہ وقت میں Hope پر، Vision پر، Change پر اور procedure پر دے سکوں۔ آپ کو معلوم ہے کہ میں نے 2004ء میں اسمبلی سے استعفیٰ دے دیا۔ اس نظام کو اندر سے دیکھا اور اس نتیجے پر پہنچا، اس وقت پارلیمنٹ ایک فوجی آمریت کے تحت تھی، اس نتیجے پر پہنچا کہ پارلیمنٹ میں منتخب ہوکے آنے والے More or Less یہی لوگ تھے۔
ڈاکٹر طاہرالقادری نے 19 مارچ پاکستان عوامی تحریک کے سیکرٹریٹ میں میڈیا سے خصوصی پریس کانفرنس کرتے ہوئے کہا کہ موجودہ نظام اس وقت تک تبدیل نہیں ہو سکتا جب تک انہی نااہل لوگوں کو باربار اقتدار میں لانے کیلئے راستہ دیا جائے گا۔ انہوں نے کہا کہ ہم قوم کیلئے پاکستان میں جو تبدیلی چاہتے ہیں وہ موجودہ کرپٹ نظام کو تباہ کئے بغیر ممکن نہیں۔ یہ کرپٹ انتخابی نظام تبدیلی کیلئے قوم کی راہ میں سب سے بڑی رکاوٹ ہے۔
شیخ الاسلام ڈاکٹر محمد طاہرالقادری نے کہا ہے کہ نئے کاغذات نامزدگی میں قرضہ معاف کرانے والوں اور ٹیکس چوروں کو محفوظ راستہ دے کر الیکشن کمیشن عوام کی آنکھوں میں دھول جھونک رہا ہے۔ نئے نامزدگی فارم اصل میں نیا چور دروازہ کھولنے کے مترادف ہے۔ حقیقت میں الیکشن کمیشن سپریم کورٹ کی 8 جون 2012ء کو آنے والی Judgement کی دھجیاں بکھیر رہا ہے، مگر تاثر یہ دیا جا رہا ہے کہ شفاف الیکشن کرانے کے تمام انتظامات کو حتمی شکل دے دی گئی ہے۔ پری پول رگنگ عروج پر ہے اور اس حوالے سے الیکشن کمیشن کے احکامات کو ہوا میں اڑایا جا رہا ہے۔ وہ گذشتہ روز پاکستان عوامی تحریک کی ایگزیکٹو کونسل کے اجلاس میں گفتگو کر رہے تھے۔
10 مارچ 2013ء کو منہاج القرآن ویمن لیگ جہلم کے زیراہتمام یونین کونسل لنگر پور میں محفل میلاد مصطفیٰ صلی اللہ علیہ وآلہ وسلم کا اہتمام کیا گیا، جس میں خصوصی خطاب حافظہ سلمیٰ صابر ناظمہ تربیت منہاج القرآن ویمن لیگ جہلم نے کیا۔ ناظمہ منہاج القرآن ویمن لیگ محترمہ صفیہ رفعت نے اظہار خیال کرتے ہوئے خواتین کو 17 مارچ کو لیاقت باغ میں ہونے والے جلسہ عام کے بارے میں خصوصی ہدایات دیں اور انہیں بھرپور شرکت کی دعوت دی۔
تحریک منہاج القرآن کے زیراہتمام جہلم میں ورکرز کنونشن بسلسلہ جلسہ عام 17 مارچ لیاقت باغ راولپنڈی منعقد کیا گیا جس میں تحریک منہاج القرآن جہلم کے جملہ فورمز کے عہدیداران و یونین کونسلز کی تنظیمات کے اراکین نے شرکت کی۔ خصوصی شرکت ناظم اعلیٰ تحریک منہاج القرآن شیخ زاہد فیاض نے کی، انہوں نے 17 مارچ کو لیاقت باغ میں ہونے والے جلسہ عام کے بارے میں خصوصی ہدایات بھی دیں اور جملہ فورمز کی سابقہ کارکردگی رپورٹ کا جائزہ لیتے ہوئے دادِتحسین سے بھی نوازا۔
منہاج القرآن ویمن لیگ لنگڑیال کے زیراہتمام محفل میلاد النبی صلی اللہ علیہ وآلہ وسلم کا انعقاد کیا گیا۔ جس میں خواتین کی کثیر تعداد نے شرکت کی۔ محفل کا باقاعدہ آغاز تلاوت کلام پاک سے ہوا جبکہ منہاج نعت کونسل سسٹرز نے بارگاہ رسالت مآب صلی اللہ علیہ وآلہ وسلم میں عقیدت کے پھول نچھاور کیے۔
تلاوت کلام پاک کے بعد صفیہ رفعت (ناظمہ منہاج القرآن ویمن لیگ جہلم) نے 23 دسمبر استقبال قائد اور 14 تا 17 جنوری لانگ مارچ کے حوالے سے خصوصی رپورٹ پیش کی۔ جبکہ محترمہ افنان بابر (مرکزی نائب ناظمہ تربیت) نے جلسہ عام لیاقت باغ 17 مارچ 2013 کے حوالے سے بریفنگ دی اور بذریعہ سی ڈی شیخ الاسلام ڈاکٹر محمد طاہرالقادری کا پیغام سنایا۔
پاکستان عوامی تحریک کے مرکزی صدر ڈاکٹر رحیق احمد عباسی نے کہا ہے کہ دہشت گردی کو صرف بدامنی کہنا بددیانتی ہے، پانچ سال صرف اپنے مفادات کے لئے قانون سازی ہوتی رہی،کراچی سانحہ سے ثابت ہو گیا کہ سیاسی جماعتوں کے پاس دہشت گردی سے نبٹنے کا نہ حوصلہ ہے اور نہ ہی کوئی لائحہ عمل ہے۔ انہوں نے کہا پاکستان عوامی تحریک دہشت گردی کی ہر شکل کی مذمت کر تی ہے۔ ڈاکٹر طاہر القادری کی جہدوجہد کی بدولت قوم میں آئین کا شعور پیدا ہوا۔الیکشن کمیشن کے تجویز کردہ فارم کی حمایت کر تے ہیں لیکن وہ دس روز سے صدرمملکت کی منظوری کا منتظر پڑا ہے۔
منہاج القرآن ویمن لیگ کے زیراہتمام 03 مارچ کو سوہاوہ میں محفل میلاد مصطفیٰ صلی اللہ علیہ وآلہ وسلم کا انعقاد کیا گیا، جس میں علاقہ بھر سے خواتین نے شرکت کی۔ محفل پاک کا باقاعدہ آغاز تلاوت کلام مجید اور نعت رسول مقبول صلی اللہ علیہ وآلہ وسلم سے ہوا، جبکہ خصوصی خطاب محترمہ سمیعہ ظفر صاحبہ نے کیا۔ منہاج نعت کونسل نے دف کےساتھ حضور نبی اکرم صلی اللہ علیہ وآلہ وسلم کی بارگاہ میں مدح سرائی کی جسے سن کر حاضرین پر وجد کی کیفیت طاری ہوگئی۔
آزاد کشمیر: منہاج القرآن ویمن لیگ کے زیرِ اہتمام نیو بندرال ٹاؤن میرپور میں عظیم الشان غوث الاعظم رحمۃ اللہ تعالی علیہ کانفرنس صدر منہاج القرآن ویمن لیگ میرپور رخسانہ زبیر قریشی کی رہائش گاہ پر منعقد ہوئی۔ کانفرنس کا باقاعدہ آغاز روبینہ احسان ناظمہ تربیت کی تلاوتِ پاک سے ہوا۔ ہدیہءِ نعت بحضور سرور کائنات صلی اللہ علیہ وآلہ وسلم ظّلِ بتول نے پیش کی۔
24 فروری 2013ء کو منہاج القرآن ویمن لیگ جہلم کے زیراہتمام محمدی چوک میں محفل میلاد النبی صلی اللہ علیہ وآلہ وسلم کا انعقاد کیا گیا، جس میں خواتین کی بڑی تعداد نے شرکت کی۔ پروگرام کا باقاعدہ آغاز تلاوت کلام مجید اور نعت رسول مقبول صلی اللہ علیہ وآلہ وسلم سے ہوا، جس کی سعادت منہاج نعت کونسل جہلم نے حاصل کی۔ بعدازاں حافظہ سمیعہ ظفر نے خصوصی خطاب کیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
