سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج یوتھ لیگ تحصیل جہلم کا ماہانہ تنظیمی اجلاس مؤرخہ 13 اکتوبر 2019 کو منعقد ہوا جس میں منہاج یوتھ لیگ جہلم کی تحصیلی ٹیم سمیت ضلعی قیادت نے بھی شرکت کی۔ اجلاس کی صدارت زین العابدین (جنرل سیکرٹری منہاج یوتھ لیگ شمالی پنجاب) نے کی، جبکہ دیگر عہدیداران حنیف مصطفوی (ضلعی صدر)، جہانگیر شہزاد (ضلعی جنرل سیکرٹری)، حسن محی الدین قادری (تحصیل صدر)، ریحان الطاف (تحصیل جنرل سیکرٹری)، حافظ خلیل اظہر (سیکرٹری دعوت) ، پارس محمود (سیکرٹری انفارمیشن)، طیب طاہر (سیکرٹری فنانس) اور چودھری احمد زیب (سیکرٹری سپورٹس) بھی اجلاس میں شریک ہوئے۔
مرکزی نظامت تربیت کے زیرِاہتمام ایک روزہ تنظیمی تربیتی کیمپ پنن وال منہاج ماڈل سکول پنڈ دادان خان میں منعقد ہوا۔ کیمپ میں مرکز سے نائب ناظم اعلیٰ شمالی پنجاب علامہ محمد ادریس رانا، نائب ناظم اعلیٰ تربیت پروفیسر محمد سلیم احمد چوہدری، ناظم تربیت علامہ غلام مرتضیٰ علوی، صدر پاکستان عوامی تحریک ذوالفقار چشتی اور جنرل سیکرٹری PAT ضلع جہلم قاضی نصیر نے بھی شرکت کی۔
تحریک منہاج القرآن برطانیہ کے مرکزی رہنما شاہد مرسلین 12 اکتوبر 2019ء کو نجی دورے پر کویت پہنچے، کویت انٹرنیشنل ائیرپورٹ پر منہاج القرآن انٹرنیشنل کویت صدر حاجی عبدالرشید کی سربراہی میں وفد نے ان کا پرتپاک استقبال کیا۔ شاہد مرسلین وفد کے ہمراہ ہوٹل پہنچے جہاں ان کے اعزاز میں عشائیہ کا اہتمام کیا گیا تھا۔
تحریک منہاج القرآن کراچی و پاکستان عوامی تحریک کراچی کے رہنماؤں نے کراچی میں نجی ٹی وی چینل کا دورہ کیا۔ وفد میں آصف اللہ رکھا، الیاس مغل اور نوید عالم شامل تھے۔ اس موقع پر انہوں نے چینل کے بیورو چیف سے بھی ملاقات کی اور انہیں شیخ الاسلام ڈاکٹر محمد طاہرالقادری کی کتب کا تحفہ پیش کیا۔
مرکزی نظامت تربیت کے زیرِاہتمام خوشاب میں ایک روزہ تنظیمی تربیتی کیمپ منعقد ہوا، جس میں مرکزی نائب ناظم اعلیٰ شمالی پنجاب علامہ محمد ادریس رانا، ناظم تربیت علامہ غلام مرتضیٰ علوی نے شرکت کی۔ تنطیمی تربیتی کیمپ میں ضلعی ناظم خوشاب محمد تنویر خان اور 80 سے زائد عہدہداران شریک تھے۔
مرکزی نظامت تربیت کے زیرِاہتمام کوہات میں 10 روزہ ڈپلومہ ان قرآن سٹڈی کورس کا آغاز ہوا۔ کورس کی افتتاحی کلاس میں 12 اکتوبر 2019ء کو ہوئی، جس میں کثیر تعداد میں مرد وخواتین نے شرکت کی۔ کورس میں مرکزی کوآرڈینیٹرکورسز علامہ محمود احمد مسعود، ڈپٹی کوآرڈینیٹر کورسز علامہ محمد سرفراز احمد تدریس کے فرائض سر انجام دیں گے۔
کالج آف شریعہ اینڈ اسلامک سائنسز کے زیر اہتمام طلباء کے درمیان’’ عصر حاضر میں تعلیمات اولیاء کی اہمیت‘‘ کے عنوان سے تقریری مقابلے کا انعقاد کیا گیا۔ تقریب میں اساتذہ اور طلباء نے بڑی تعداد میں شرکت کی۔ طلباء نے اپنی تقاریر میں صوفیاء کرام کی پاک زندگیوں اور تعلیمات پر روشنی ڈالی۔ طلباء نے کہا کہ تعلیمات صوفیاء معاشرے میں پائی جانیوالی انتہاء پسندی اور دہشتگردی کے خاتمے کےلئے تریاق کی حیثیت رکھتی ہیں۔
تحریک منہاج القرآن پر تحریک منہاج القرآن کے دیرینہ رفیق محمد آصف منہاس کی زوجہ مرحومہ کیلئے ایصالِ ثواب کی محفل مرکزی سیکرٹریٹ میں منعقد ہوئی، جس میں صدر منہاج القرآن انٹرنیشنل ڈاکٹر حسین محی الدین قادری نے خصوصی شرکت کی۔ اس موقع پر صدر منہاج القرآن انٹرنیشنل نے مرحومہ کے انتقال پرافسوس کا اظہار کرتے ہوئے انکی بخشش، درجات کی بلندی اور لواحقین کے لئے صبر جمیل کی دعا کی۔
تحریک منہاج القرآن کے ناظم دعوت علامہ محمد لطیف مدنی نے الہ آباد کے نواحی علاقہ رسول پور میں حضرت بابا ولی محمد سرکار کے سالانہ عرس 2019ء میں خصوصی شرکت کی اور خطاب کیا۔ اس موقع پر اولاد سچیار پاک صاحبزادہ سلطان شاہد ربانی مہمان خصوصی تھے۔ عرس تقریب میں آستانہ عالیہ بابا ولی سرکار کے سجادہ نشین بابا ظفر اقبال قادری نوشاہی، شیخ محمد نواز شریف، مختلف مکاتب فکر کے علمائے کرام، تحریک منہاج القرآن الہ آباد کے قائدین و کارکنان اور اہل علاقہ نے بڑی تعداد میں شرکت کی۔
مرکزی نظامت تربیت کے زیراہتمام پرنسپل تحفیظ القرآن انسٹی ٹیوٹ میاں محمد عباس نقشبندی کی دعوت پر منہاج ماڈل سکول ٹاؤن شپ میں میٹرک کے طلبا کے کیے عرفان القرآن اور فنِ خطابت کورس کا آغاز کیا گیا۔ کورس میں پچاس سے زائد طلباء نے کلاس میں شرکت کی۔
منہاج القرآن لاہور پی پی 144 کے زیراہتمام پیغام امام حسین علیہ السلام کانفرنس منعقد ہوئی، جس میں منہاج القرآن نظامت تربیت کے رہنما علامہ فیاض احمد بشیر نے خطاب کیا۔ علامہ فیاض بشیر نے کہا کہ ظالم کے خلاف صدائے احتجاج بلند کرنا سید الشہداء امام حسین علیہ السلام کی سنت اور دین مصطفی ﷺ کی اصل تعلیمات ہیں۔ ظلم پر خاموشی اختیار کرنے والے یا ظالم کے اثر ورسوخ، مال و دولت سے مرعوب ہونے والے حسین علیہ السلام نہیں یزید کے راستے پر ہیں۔
منہاج لائبریری ڈنمارک کی طرف سے ڈائریکٹر منہاج القرآن ویلبی علامہ محمد اعجاز ملک کے اعزاز میں استقبالیہ ڈنر کا اہتمام کیا گیا۔ انچارج لائبریری راجہ محمد افضل نے علامہاعجاز ملک کو گلدستہ پیش کیا اور انہیں ڈنمارک کی سرزمین پر تشریف لانے پر خوش آمدید کہا۔ انہوں نے علامہ اعجاز ملک کو منہاج القرآن ویلبی کی نئی ذمہ داریاں سنبھالنے پر مبارکباد بھی پیش کی۔
منہاج القران انٹرنیشنل فری اسٹیٹ ساوتھ افریقہ کے زیر اہتمام Bethlehem شہر میں باقاعدہ ماہانہ حلقۂ درود کا آغاز کر دیا گیا اور اس سلسلہ میں افتتاحی پروگرام منعقد ہوا۔ پروگرام میں تلاوت قرآن کریم اور نعت رسول مقبول صلی اللہ علیہ وسلم پیش کی گئی۔
تحریک منہاج القرآن کی نظامت تربیت کے زیراہتمام مظفرگڑھ میں ڈپلومہ اِن قرآن سٹڈیز کی اختتامی تقریب منعقد ہوئی جس میں ممبر پنجاب اسمبلی عون حمید ڈوگر مہمان خصوصی تھے جبکہ ناظم اعلیٰ تحریک منہاج القرآن خرم نواز گنڈاپور نے خصوصی شرکت کی۔ تقریب میں 150 قرآن سکالرز کو اسناد دی گئیں۔
مصطفوی سٹوڈنٹس موومنٹ کے قیام کے 25 سال مکمل ہونے پر سلور جوبلی کی تقریب ’’قومی طلبہ کنونشن‘‘ اسلام آباد میں منعقد ہوا، جس میں مرکزی ناظم اعلیٰ خرم نواز گنڈاپور نے خصوصی شرکت کی۔ تقریب میں ایم ایس ایم کے صدر چوہدری عرفان یوسف، منہاج القرآن یوتھ لیگ کے صدر مظہر محمود علوی، ایم ایس ایم کے سابقہ صدور و مرکزی قائدین سمیت منہاج القرآن و پاکستان عوامی تحریک کے رہنماوں، عہدیداروں نے بھی شرکت کی۔ اس موقع پر ملک بھر سے کالجز اور یونیورسٹیز کے طلباء بھی بڑی تعداد میں سلور جوبلی تقریب میں شریک ہوئے۔
4M
فیس بک
2M
ٹوٹر
© 1994 - 2026 Minhaj-ul-Quran International.
