سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج یونیورسٹی لاہور کا کانووکیشن 2018ء منہاج یونیورسٹی لاہور ٹاون شپ میں منعقد ہوا، جس کی صدارت چیرمین بورڈ آف گورنرز شیخ الاسلام ڈاکٹر محمد طاہرالقادری نے کی۔ کانووکیشن میں گورنر پنجاب چوہدری محمد سرور مہمان خصوصی تھے۔ حجۃ الاسلام چانسلر آف رضوی اسلامک سائنس یونیورسٹی ایران ڈاکٹر سید محمد حسن وحدتی شبیری، ڈپٹی چیئرمین بورڈ آف گورنرز (MUL) ڈاکٹر حسین محی الدین قادری اور چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے بھی کانووکیشن میں خصوصی شرکت کی۔ گورنر پنجاب چوہدری محمد سرور نے کانووکیشن سے خطاب کرتے ہوئے کہا کہ حکومت اعلیٰ تعلیم کے فروغ کے لئے پر عزم ہے اور اس کے لئے تمام وسائل مہیا کرے گی۔
مصطفوی سٹوڈنٹس موومنٹ خانپور کے زیراہتمام عظیم الشان میلاد مارچ کا انعقاد کیا گیا۔ جس مین خصوصی شرکت میر احسن ڈپٹی سیکرٹری جنرل ایم ایس ایم نے کی۔ اس موقع پر بہت بڑی تعداد میں عاشقان رسول ﷺ نے مارچ میں شرکت کی۔
منہاج القرآن انٹرنیشنل ساؤتھ کوریا اپنی سابقہ روایات کو برقرار رکھتے ہوئے اس سال بھی حضور تاجدار کائنات ﷺ کے میلاد کا جشن شایان شان سے منا رہی ہے، ملک بھر میں مجالس میلاد منعقد ہو رہی ہیں۔ اس سلسلے میں مرکزی سالانہ میلاد کانفرنس کا انعقاد 25 نومبر 2018 کو ساؤتھ کوریا کے شہر شیوا میں واقع یونیورسٹی کے ہال میں کیا گیا۔ ہال کو بہت خوبصورتی سے سجایا گیا تھا، مختلف عنوانات کے بینرز آویزاں تھے، ہال کے شروع میں شیخ الاسلام ڈاکٹر محمد طاہرالقادری کی کتب کا اسٹال بھی لگایا گیا تھا جو تمام شرکاء کی توجہ کا مرکز رہا۔
منہاج القرآن انٹرنیشنل انڈیا کے ذیلی فورم منہاج یوتھ لیگ کے زیراہتمام میسور شہر کے میلاد باغ اشوکہ روڈ میں جشن عید میلاد النبی صلی اللہ علیہ وآلہ وسلم کے سلسلہ میں پروگرام منعقد ہوا، جس کی صدارت قاری علامہ محمد مقبول نظامی الآمری آلقادری نے کی۔ پروگرام کی مہمان شخصیات میں سید عمران حسینی القادری، احمد مصطفیٰ قادری، سید نعمت اللہ الحسینی، محمد اربازالقادری شامل تھے۔
مؤرخہ 24 نومبر 2018 بروز ہفتہ بعد نماز عصر میاں محمد افضل اینڈ فیملی اور پاکستان ساؤتھ افریقہ ایسوسی ایشن کے تحت ویزٹول ڈربن میاں افضل کی رہائشگاہ پر جشن عید میلاد النبی صلی اللہ علیہ وآلہ وسلم کے سلسلہ میں ایک پروقار تقریب کا انعقاد کیا گیا جس میں منہاج القرآن انٹرنیشنل نٹال کے قرآء حضرات، نعت خواں اور مقررین نے بھر پور حصہ لیا اور علاقائی تنظیمات اور ممبرز نے شرکت بھی کی۔
منہاج القرآن انٹرنیشنل امریکہ کے زیراہتمام سالانہ میلادالنبی صلی اللہ علیہ وآلہ وسلم کانفرنس 24 نومبر 2018 ء کو منہاج القرآن النور اسلامک سنٹر کنیکٹیک میں منعقد ہوئی، جس کی صدارت علامہ شہباز احمد قادری، مفتی صغیر احمداور محمداشرف بھورا نے کی۔ شام 5 بجے پروگرام کا باقاعدہ آغاز تلاوت قرآن مجید سے ہوا، جس کی سعادت عدیلہ شریف، فاطمہ ماجد اور معراج ماجد نے حاصل کی۔
ڈاکٹر محمد طاہرالقادری نے سانحہ ماڈل ٹاؤن کے شہید میاں عمر صدیق کے بڑے بھائی میاں احمد صدیق کی دعوت ولیمہ میں شرکت کی اور اس موقع پر میڈیا سے گفتگو کرتے ہوئے کہا کہ سانحہ ماڈل ٹاؤن کے قاتلوں کا عبرتناک انجام دنیا دیکھے گی، سانحہ کے ماسٹر مائنڈ کی رسوائی ابھی ابتداء ہے، بے گناہوں کا خون بہانے والے اس دنیا میں بھی سزا بھگتیں گے اور آخرت میں بھی ان قاتلوں سے بہائے جانے والے معصوم خون کے قطرے قطرے کا حساب لیا جائے گا۔
منہاج القرآن انٹرنیشنل نٹال، ساؤتھ افریقہ کے صدر اور ایگزیکٹیو ممبر علامہ طاہر رفیق کے بہنوئی اور منہاج القرآن انٹرنیشنل تابنکولو، ساؤتھ افریقہ کے صدر محمد خالق گذشتہ روز رضائے الٰہی سے فیصل آباد میں انتقال کرگئے۔ بانی سرپرست اعلیٰ منہاج القرآن انٹرنیشنل شیخ الاسلام ڈاکٹر محمد طاہرالقادری نے محمد خالق کے انتقال پر گہرے رنج و غم کا اظہار کیا۔
شیخ الاسلام ڈاکٹر محمد طاہرالقادری نے منہاج یونیورسٹی لاہور میں اسلامی فن تعمیر کی شاہکار مسجد کا افتتاح کیا۔ افتتاحی تقریب میں صوبائی وزیر پبلک پراسیکیوشن چوہدری ظہیرالدین خان خصوصی دعوت پر شریک ہوئے۔ اس موقع پر ڈاکٹر حسن محی الدین، ڈاکٹر حسین محی الدین، ڈاکٹر محمد اسلم غوری، ڈاکٹر شاہد سرویا، خرم نواز گنڈاپور، بریگیڈئیر (ر) محمد اقبال، نور اللہ صدیقی موجود تھے۔
تحریک منہاج القرآن کراچی کے زیراہتمام 12 ربیع الاول کے موقع پر میلاد جلوس نکالا گیا، جلوس کی قیادت تحریک منہاج القرآن کے مرکزی قائدین مرزا جنید علی، قیصر اقبال قادری، راو کامران محمود، سید ظفراقبال اور راو محمد تاج نے کی جلوس لیاقت آباد اور شہر کی مرکزی شاہراوں سے گزرتا ہوا اختتام پزیر ہوا۔ اس موقع پر شرکاء کی بڑی تعداد جلوس میں شریک تھی۔
سابق وزیراعظم آزادکشمیر اور تحریک انصاف آزاد کشمیر کے صدر بیرسٹر سلطان محمود چوہدری ان دنوں کشمیر ویک کے سلسلے میں یورپ کے دورے پر ہیں، بیرسٹر سلطان محمود چوہدری جب آئرلینڈ پہنچے تو اس دوران تحریک منہاج القرآن آئرلینڈ کے صدر وسیم بٹ نے ان سے خصوصی ملاقات کی یہ ملاقات نہایت خوشگوار ماحول میں ہوئی۔
تحریک منہاج القرآن چکوال کے زیر اہتمام استقبال ربیع الاول کی ریلی منعقد ہوئی، جس کی قیادت سجادہ نشین پیر سید اجلال شاہ بخاری آف خانپور نے کی۔ ریلی میں محمد احسان ریڈر ایڈیشنل ڈسٹرکٹ جج اور پی ٹی آئی کے راہنما عرفان حسین نے خصوصی شرکت کی۔ اس موقع پر حافظ منصب ساقی، مدنی تحریک کے سربراہ، شیخ عبد الغفور، حاجی محمدصابر، ابو فہیم البرکات، ساجد حسین اعوان، طاہر اعوان دلہہ، اعجاز اگرال، حاجی محمدصفدر، حافظ محمد خان، ہارون حید ر، ارسلان ملک، جہانگیر حسین، توفیق عباس، سجاول حسین بھیں، سجاول مغل ولانہ، سجاول حسین، یوسف جنداعوان، صفدر بلوچ نے جلوس کی قیادت کی۔
منہاج القرآن انٹرنیشنل انڈیا کولکاتا مغربی بنگال کے زیراہتمام 12 ربیع الاول کے موقع پر میلاد النبی صلی اللہ علیہ وآلہ وسلم کا جلوس نکالا گیا۔ جلوس میں منہاج القرآن کے عہدیداروں، قائدین، کارکنان کے علاوہ سینکڑوں لوگوں نے بھی شرکت کی۔ اس موقع پر شرکاء نے بینرز اور کتبے اٹھا رکھے تھے۔ میلاد جلوس کے شرکاء کا جگہ جگہ خیرمقدم کیا گیا۔ لوگوں نے شرکاء پر پھول نچھاور کیے۔
تحریک منہاج القرآن کے زیراہتمام مینار پاکستان لاہور میں منعقدہ عالمی میلاد کانفرنس 2018ء میں شرکت کرنے والی غیر ملکی مہمان شخصیات، تحریک منہاج القران کے مرکزی قائدین اور عہدیداروں کے اعزاز میں میلاد ڈنر (ضیافتِ میلاد) کا اہتمام کیا گیا۔ یہ پروگرام شیخ الاسلام ڈاکٹر محمد طاہرالقادری کی ماڈل ٹاون میں رہائش گاہ کے باہر پارک میں منعقد ہوا۔ تقریب میں شیخ الاسلام ڈاکٹر محمد طاہرالقادری، ڈاکٹر حسن محی الدین قادری، ڈاکٹر حسین محی الدین قادری نے خصوصی شرکت کی۔
منہاج القرآن حیدرآباد کے زیراہتمام حیدرآباد کی دو تحصیلوں حیدرآباد سٹی اور لطیف آباد میں عید میلادالنبی میلاد منایا گیا، جسمیں مرکز لاہور سے تشریف لانے والے علامہ ندیم مظفر اعوان منہاجین (راولپنڈی) نے خطاب کیا۔ پروگراموں میں مردوں کیساتھ حیدرآباد کی تحصیل لطیف آباد میں خواتین کی بڑی تعداد نے بھی شرکت کی۔
4M
فیس بک
2M
ٹوٹر
© 1994 - 2026 Minhaj-ul-Quran International.
