سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام ڈاکٹر محمد طاہرالقادری نے جامع مسجد منہاج القران ماڈل ٹاؤن لاہور کے تعمیراتی کام از سر نو تزئین و آرائش کے پراجیکٹ کا جائزہ لیا۔ اس موقع پر ڈاکٹر حسن محی الدین قادری اور ڈاکٹر حسین محی الدین قادری بھی آپ کے ساتھ تھے۔ اس موقع پر آپ کو جامع مسجد منہاج القرآن کے تنزئن و آرائش کے کام پر بریفنگ دی گئی۔
تحریک منہاج القرآن تحصیل پاکپتن شریف کے زیر اہتمام 11 نومبر 2018ء کو استقبال ربیع الاول شریف کا سالانہ عظیم الشان مشعل بردار جلوس نکالا گیا، جسمیں سینکڑوں عاشقان مصطفی ﷺ نے بڑے جوش و خروش کیساتھ شمولیت کی۔ ریلی کی قیادت ڈوویژنل کوآرڈنیٹر پاکستان عوامی تحریک حاجی اسلم طاہر، سرپرست اعلیٰ تحریک منہاج القرآن ڈسٹرکٹ پاکپتن شریف رانا منظور علی، ڈسٹرکٹ صدر تحریک سید ابو دائود شاہ بخاری، ڈسٹرکٹ ناظم عقیل شہباز ایڈووکیٹ، ناظم ویلفیئرشیخ محمد اشرف حیدری نائب صدر PAT رانا غلام مصطفی فریدی نے کی۔
منہاج القرآن لاہور کے زیراہتمام استقبال ربیع الاول کے سلسلے میں (عزیز بھٹی ٹاؤن) میں مغلپورہ چوک سے مین بازار باغبانپورہ تک مشعل بردار جلوس نکالا گیا، جس کی قیادت تحریک منہاج القرآن کے صدر ڈاکٹر حسین محی الدین قادری اور ناظم اعلیٰ خرم نواز گنڈاپور نے کی۔ جلوس مغلپورہ سے شروع ہو کر شالامار لنک روڈ سے ہوتا ہوا مین بازار باغبانپورہ میں اختتام پذیر ہوا۔ اہلیان علاقہ، شالا مار لنک روڈ کی تاجر برادری دیگر سیاسی، سماجی، مذہبی رہنماؤں نے جگہ جگہ شرکائے جلوس کا استقبال کیا، پھولوں کی پتیاں نچھاور کر کے شرکائے جلوس کو خوش آمدید کہا، جلوس کے راستے کو خیر مقدمی بینرز اور عمارتوں کو چراغاں کر کے سجایا گیا تھا۔
تحریک منہاج القرآن لودھراں کے زیراہتمام استقبال ربیع الاول کے سلسلہ میں مشعل بردار جلوس کا اہتمام کیا گیا۔ میلاد جلوس چلڈرن پارک سے شروع ہوکر پریس کلب پر اختتام پذیر ہوا۔ راستے میں جگہ جگہ جلوس کے شرکاء پر گل پاشی کی گئی۔ مشعل بردار جلوس میں عشاقان مصطفی صلی اللہ علیہ وآلہ وسلم نے کثیر تعداد میں شرکت کی۔
تحریک منہاج القرآن حافظ آباد کے زیراہتمام عظیم الشان مشعل بردار جلوس نکالا گیا، جس میں تحریک منہاج القرآن کے قائدین، کارکنان سمیت لوگوں کی بڑی تعداد شریک ہوئی۔ مشعل بردار جلوس شہر کی مرکزی شاہراہ سے گزرتا ہوا اختتام پزیر ہوا۔ اس موقع پر شرکاء نے فائر ورکس کا مظاہرہ کیا، جلوس کے شرکاء نے کتبے اور بینر بھی اٹھائے ہوئے تھے۔
منہاج القرآن اپر سندھ کھپرو ضلع سانگھڑ کے زیراہتمام حلقہ درود کا اہتمام کیا گیا، جسمیں منہاج القرآن سندھ کے رہنماء سید زاہد علی شاہ نے ربیع الاول کی خوشی میں اپنی رہائش گاہ کو پورے مہینے کیلیے حلقہ درود کے لیے وقف کردیا اور اسکے تمام انتظامات بھی اپنے ذمے لیے۔ اس موقع پر رہنماء عبدالستار چوہان اور دیگر بھی موجود تھے۔
تحریک منہاج القرآن کراچی کے زیراہتمام گلشن اقبال میں استقبال ربیع الاول کے سلسلہ میں اجتماع منعقد ہوا، جس میں منہاج القرآن کراچی کے صدر نعیم انصاری نے خطاب کیا۔ انہوں نے کہا ہے کہ تاجدار کائنات کی آمد سے انسانیت کو جینے کا سلیقہ اور حقوق ملے۔ تاجدار کائنات صرف مسلمانوں کیلئے ہی آخری رسول بن نہیں آئے بلکہ تمام انسانیت کیلئے خاتم النبین بن کر دنیا میں تشریف لائے۔
تحریک منہاج کی سپریم کونسل کے چیئرمین ڈاکٹر حسن محی الدین قادری نے ڈائریکٹر فریدِ ملت ریسرچ انسٹیٹیوٹ محمد فاروق رانا سے ان کے والد گرامی کے انتقال پر اظہار تعزیت کیا ہے۔ فرید ملت ریسرچ انسٹی ٹیوٹ میں ڈاکٹر حسن محی الدین قادری نے محمد فاروق رانا کے لیے والد گرامی کے لیے فاتحہ خوانی اور بلندی درجات کی دعا کی۔
تحریک منہاج القرآن کے مرکزی سیکرٹریٹ ماڈل ٹاؤن لاہور میں حضور نبی اکرم ﷺ کے ماہ ولادت ربیع الاول کی آمد کے ساتھ ہی چراغاں کا اہتمام کیا گیا ہے۔ تحریک منہاج القرآن کی روایت ہے کہ ماہ میلاد اور حضور ﷺ کی ولادت باسعادت کے دن کو دنیا بھر میں انتہائی شان و شوکت سے منایا جاتا ہے۔ اس سلسلہ میں تحریک کے مرکزی سیکرٹریٹ، گوشہ درود، جامع مسجد منہاج القرآن، کالج آف شریعہ اینڈ اسلامک سٹڈیز اور ادارہ منہاج القرآن سے متصلہ گلی بازاروں میں بھی خصوصی چراغاں اور لائٹنگ کا اہتمام کیا گیا ہے۔
چئیرمین سپریم کونسل تحریک منہاج القرآن ڈاکٹر حسن محی الدین قادری یورپ کے تنظیمی دورہ کے بعد پاکستان پہنچ گئے۔ علامہ اقبال انٹرنیشنل ایئر پورٹ پر تحریک منہاج القرآن کے ناظم اعلیٰ و سیکرٹری جنرل پاکستان عوامی تحریک خرم نواز گنڈاپور، سیکرٹری اطلاعات نوراللہ صدیقی، امیر تحریک لاہور حافظ غلام فرید، ڈائریکٹر منہاج ویلفیئر فاؤنڈیشن سید امجد علی شاہ، ڈائریکٹر پبلک ریلیشنز شہزاد رسول، حاجی محمد اسحاق، حاجی فرخ و دیگر راہنماؤں نے ان کا پرتپاک استقبال کیا۔
شیخ الاسلام ڈاکٹر محمد طاہرالقادری نے ربیع الاول کا چاند نظر آنے پر اپنے بیان میں کہا کہ حضور نبی اکرم ﷺ کی ولادت باسعادت سے انسانیت کو شخصی غلامی اور دنیا کوکفر و الحاد کے اندھیروں سے نجات ملی۔ آپ ﷺ کی ولادت اور بعثت مبارک انسانیت کے لیے اللہ کا احسان عظیم ہے۔ آپ ﷺ کی مبارک آمد سے غلاموں، کمزوروں، مظلوموں، بچوں، عورتوں اور بوڑھوں کو حقوق ملے، انہوں نے کہا کہ ربیع الاول کی آمد پر ملت اسلامیہ کو مبارکباد پیش کرتے ہیں۔
منہاج القرآن انٹرنیشنل کے صدر، منہاج یونیورسٹی لاہور کے ڈپٹی چیئرمین ڈاکٹر حسین محی الدین قادری نے حکیم الامت علامہ محمد اقبال رحمۃ اللہ علیہ کے مزار پر حاضری دی، پھولوں کی چادر چڑھائی اور ملک وقوم کی سلامتی کے لیے دعا کی۔ اس موقع پر گفتگو کرتے ہوئے کہا کہ اللہ رب العزت جب کسی قوم پر اپنی نعمتیں نچھاور کرنے کا ارادہ کرتا ہے تو اس مسائل زدہ قوم میں علامہ اقبال رحمۃ اللہ علیہ جیسی شہ دماغ شخصیات پیدا کر دیتا ہے۔
قائد تحریک منہاج القرآن شیخ الاسلام ڈاکٹر محمد طاہرالقادری سے جامعہ نعیمیہ کے سینئر کلاسز کے طلباء و اساتذہ کی خصوصی ملاقات آپ کی رہائش گاہ پر ہوئی۔ اس موقع پر علامہ فرحت حسین شاہ، علامہ امداد اللہ خان قادری، علامہ میر آصف اکبر، علامہ محمد خلیل حنفی، علامہ عثمان سیالوی اور دیگر اساتذہ بھی موجود تھے۔ اس موقع پر شیخ الاسلام ڈاکٹر محمد طاہرالقادری نے گفتگو کرتے ہوئے کہا کہ علماء انبیا کے وارث اور اسلاف کی علمی اقدار کے محافظ ہیں، عالم دنیاوی حرص میں مبتلا ہو جائے تو دینی، اخلاقی اقدار مسخ ہو جاتی ہیں اور اسکا نقصان ملک، معاشرے اور نسلیں بھگتتی ہیں۔
سجادہ نشین اجمیر شریف (انڈیا) پیر سید بلال چشتی نے قائد تحریک منہاج القرآن شیخ الاسلام ڈاکٹر محمد طاہرالقادری سے ان کی رہائش گاہ پر ملاقات کی۔ اس موقع پر پیر سید شمس الرحمن مشہدی کاظمی اور علامہ میر آصف اکبر موجود تھے۔ ملاقات میں اسلام کے فروغ میں صوفیاء کے کردار پر گفتگو ہوئی۔ شیخ الاسلام ڈاکٹر محمد طاہرالقادری نے کہا کہ صوفیاء نے اسلام کی آفاقی تعلیمات کو عام کرنے میں اہم کردار ادا کیا۔
تحریک منہاج القرآن لاہور کے زیراہتمام استقبال ربیع الاول کنونشن مرکزی سیکرٹریٹ میں منعقد ہوا، جس میں صدر منہاج القرآن ڈاکٹر حسین محٰی الدین قادری نے خصوصی خطاب کیا۔ انہوں نے اپنے خطاب میں کہا کہ حضور نبی اکرم صلی اللہ علیہ وآلہ وسلم کی تعلیمات اور پیغام امن و محبت سے دہائیوں سے دست و گریبان قبائل شیر و شکر ہو گئے، جو ایک دوسرے کے خون کے پیاسے تھے وہ ایک دوسرے کے محافظ بن گئے۔
4M
فیس بک
2M
ٹوٹر
© 1994 - 2026 Minhaj-ul-Quran International.
