سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن حیدرآباد کا اجلاس امیر تحریک یونس القادری اور ناظم علامہ جان محمد بروھی نے بلایا، جس کا آغاز تلاوت کلام پاک سے ہوا اور قاری حافظ منیر مگسی نے تلاوت کی۔ نعت مقبول علامہ جان محمد بروھی نے پڑھی۔ اجلاس میں تنظیمی فیصلہ جات کیے گیے، جس میں منہاج القرآن کے پلیٹ فارم کو مزید فعال کرنے کے لیے رکنیت سازی کے عمل کو تیز کیے جانے پر زور دیا گیا۔
تحریک منہاج القرآن کے صدر ڈاکٹر حسین محی الدین قادری کی سالگرہ کے موقع پر منہاج ٹی وی کی نئی ویب سائٹ www.minhaj.tv کا افتتاح کر دیا گیا۔ اس موقع پر ڈاکٹر حسین محی الدین قادری نے اپنے ہاتھ سے منہاج ٹی وی کی نئی ویب سائٹ لانچ کی۔ تقریب میں منہاج ٹی وی کے ڈائریکٹر احسن بابا، منہاج انٹرنیٹ بیورو کے ڈائریکٹر عبدالستار منہاجین، ڈائریکٹر آئی ٹی محمد ثناء اللہ کیساتھ منہاج ٹی وی اور MIB کی ٹیم نے بھی شرکت کی۔
تحریک منہاج القرآن کی ایگزیکٹو کونسل کا اجلاس مرکزی سیکرٹریٹ ماڈل ٹاؤن میں منعقد ہوا، جس میں کوآرڈینیشن کونسل لاہور کے عہدیداران بھی موجود تھے۔ اس مشترکہ اجلاس کی صدارت منہاج القرآن لاہور کے امیر حافظ غلام فرید نے کی، اجلاس میں لاہور کی جملہ تنظیمات کے عہدیداران کو اہم اہداف دئیے گئے، اجلاس میں استقبال ربیع الاول اور 35 ویں عالمی میلاد کانفرنس کی تیاریوں و انتظامات کے حوالے سے بھی اہم فیصلے کیے گئے۔
آغوش کے زیراہتمام خصوصی تقریب 25 اکتوبر 2018ء کو آغوش کمپلیکس ٹاون شپ میں منعقد ہوئی، جس میں تحریک منہاج القرآن کے صدر ڈاکٹر حسین محی الدین قادری نے خصوصی شرکت کی۔ ڈائریکٹر آغوش ڈاکٹر نعیم مشتاق، سردار فتح اللہ خان، میڈم رومانہ مبشر، کرنل (ر) مبشر، عمران ظفر بٹ بھی تقریب میں موجود تھے۔ اس موقع پر خطاب کرتے ہوئے انہوں نے کہا کہ سوسائٹی کو انتہا پسندی سے پاک کرنا اور یکساں نصاب تعلیم دینا معاشی بحران پر قابو پانے سے بڑا چیلنج ہے۔
تحریک منہاج القرآن ضلع راجن پور کے زیراہتمام جنوبی پنجاب میں پہلی مرتبہ 10 روزہ عرفان القرآن کورس کا افتتاح کر دیا گیا۔ کورس کی افتتاحی تقریب شادی ہال میں منعقد ہوئی۔ اس موقع پر مرکزی رہنماء نائب ناظم اعلیٰ جنوبی پنجاب سردار شاکر خان مزاری، علامہ محمد سعید رضا بغدادی اور علامہ محمود مسعود قادری نے کورس کی افتتاحی تقریب میں شرکت کی۔
منہاج یونیورسٹی لاہور اور ہائر ایجوکیشن کمیشن پنجاب کے تعاون سے منعقدہ دو روزہ عالمی کانفرنس کے اختتامی سیشن میں ڈپٹی چیئرمین ڈاکٹر حسین محی الدین نے ڈیکلیریشن پیش کرتے ہوئے کہاکہ انسانیت کی فلاح ہی امن کی راہ ہے۔ شرکائے کانفرنس اور بین الاقوامی سکالرز نے اسے ''سماجی ذمہ داریوں میں مذاہب عالم کے کردار'' کی دو روزہ کانفرنس کا سلوگن اور لب لباب قرار دیا اور اسکی متفقہ طور پر منظور دی۔
شیخ الاسلام ڈاکٹر محمد طاہرالقادری نے منہاج ویلفیئر فاؤنڈیشن لاہور کی طرف سے موبائل کلینک اینڈ لیب وین کی افتتاحی تقریب کے موقع پر گفتگو کرتے ہوئے کہا کہ ملک کی نصف سے زیادہ آبادی کو صحت عامہ کی بنیادی سہولتیں میسر نہیں ہیں، غریب مریض کو ہسپتال داخل ہوتے وقت علاج نہیں ادویات کی پرچی ملتی ہے، علاج دور کی بات غریب آدمی علاج کی تشخیص کے اخراجات برداشت کرنے کی سکت بھی نہیں رکھتا۔ منہاج ویلفیئر فاؤنڈیشن لاہور کے عہدیداروں نے جدید موبائل کلینک اینڈ لیب کے ماڈل منصوبے کو اپنی مدد آپ کے تحت مکمل کر کے ایک بڑی انسانی خدمت انجام دی ہے اس پر وہ مبارکباد کے مستحق ہیں۔
منہاج یونیورسٹی لاہور میں انٹرنیشنل کانفرنس ’’سماجی ذمہ داریوں کے حوالے سے مذاہب عالم کا کردار‘‘ کے موقع پر منہاج القرآن پبلی کیشنز نے شیخ الاسلام ڈاکٹر محمد طاہرالقادری اور ڈاکٹر حسین محی الدین قادری کی کتب کا اسٹال لگایا۔ دو روزہ کانفرنس میں شریک وفود، معزز مہمانوں، اسکالرز اور مقالہ نگاروں نے شیخ الاسلام ڈاکٹر محمد طاہرالقادری اور ڈاکٹر حسین محی الدین قادری کی کتب کے اسٹال کا وزٹ کیا۔
منہاج یونیورسٹی لاہور کی دو روزہ عالمی کانفرنس ’’سماجی ذمہ داریوں کے حوالے سے مذاہب عالم کا کردار‘‘ میں شریک غیر ملکی مہمانوں کے وفد نے تحریک منہاج القرآن کے مرکزی سیکرٹریٹ کا دورہ کیا۔ صدر منہاج القرآن ڈاکٹر حسین محی الدین قادری اور ناظم اعلیٰ خرم نواز گنڈاپور نے غیر ملکی مہمانوں کو وزٹ کرایا۔ اس موقع پر انہوں نے تحریک منہاج القرآن کے مختلف شعبہ جات کے دفاتر، گوشہ درود اور فرید ملت ریسرچ انسٹی ٹیوٹ کو دیکھا۔
منہاج القرآن انٹرنیشنل ساوتھ بیچ ڈربن کے زیراہتمام تنظیمی و تربیتی نشست21 اکتوبر 2018ء کو بعد از نماز مغرب صدر MQI ساوتھ بیچ عابد منیر کی رہائش گاہ پر منعقد ہوئی۔ جس میں علامہ طاہر رفیق نقشبندی نے خصوصی شرکت کی۔ پروگرام میں میں عمیر صابر فینکس سے، علی قریشی کلئیر وڈ سے، فقیر حسین بھوٹر اور پورٹ سے اپنے دوستوں کے ہمراہ جبکہ سنٹرل ڈربن سے صوفی ظفر اقبال نقشبندی، محمد آزاد، ثاقب نثار اور علامہ ایوب طفیل قادری نے بھی پروگرام میں بھی پروگرام میں شریک ہوئے۔
پنجاب ہائر ایجوکیشن کمیشن اور منہاج یونیورسٹی لاہور کے مشترکہ تعاون سے ’’سماجی ذمہ داریوں کے حوالے سے مذاہب عالم کا کردار‘‘ کے موضوع پر انعقاد پذیر دو روزہ عالمی کانفرنس کے پہلے روز مہمان خصوصی وفاقی وزیر مذہبی امور ڈاکٹر نورالحق قادری نے خطاب کرتے ہوئے کہا کہ حکومت پاکستان بین المذاہب رواداری کے فروغ کیلئے منعقدہ اس کانفرنس کے ایجنڈا سے مکمل طور پر اتفاق کرتی ہے، حکومت مذہبی رواداری، ہم آہنگی اور برداشت کے اصولوں پر گامزن ہے۔
تحریک منہاج القرآن ضلع راجن پور کے زیرانتظام اسکالرز و معلمین کے لیے 10 روزہ عرفان القرآن کورس منعقد ہوا، جس میں خواتین اسکالرز نے بھی شرکت کی۔ اس موقع پر محمد سعید رضا بغداری اور علامہ محمود مسعود قادری نے خصوصی شرکت کی۔ کورس کے دوسرے روز علامہ محمود مسعود نے کورس کے شرکاء کو لیکچر دیا۔
تحریک منہاج القرآن کے شعبہ پبلک ریلیشنز نے کاروباری شخصیات و تاجروں اور تحریک منہاج القرآن کے اہم رہنماؤں کے اعزاز میں عشائیہ کا اہتمام کیا۔ مرکزی سیکرٹریٹ میں منعقدہ عشائیہ میں تحریک منہاج القرآن کے صدر ڈاکٹر حسین محی الدین قادری نے خصوصی شرکت کی۔ ناظم اعلیٰ تحریک منہاج القرآن خرم نواز گنڈا پور، ڈائریکٹر پبلک ریلیشنز شہزاد رسول چودھری، حاجی محمد اسحق معروف کاروباری شخصیات ملک عارف، ارشد مغل، میاں رضا لطیف، جنید وارثی، احمد صادق، اظہار حسین شاہ، شفقت محمود کموکا، شیخ آفتاب، راشد چودھری، عامر اسحاق، شیخ عامر رفیع، مدثر گوندل اور دیگر بھی تقریب میں موجود تھے۔
منہاج القرآن علماء کونسل کے زیرِاہتمام شیخ الاسلام ڈاکٹر محمد طاہرالقادری کی علماءکرام کے ساتھ خصوصی علمی و فہقی نشست ’’بدلتے احوال و واقعات کے تناظر میں شرعی احکام میں رعایت اور تبدیلی‘‘ کے موضوع پر منعقد ہوئی، جس میں شیوخ الحدیث، شیوخ التفیسر، شیوخ الفقہ، علماء و خطبا، اسکالرز، جامعات کے اساتذہ کرام، طلباء اور محققین نے کثیر تعداد میں شرکت کی۔
شیخ الاسلام ڈاکٹر محمد طاہرالقادری نے تحریک منہاج القرآن کے 38ویں یوم تاسیس کے موقع پر کیک کاٹنے کی خصوصی تقریب سے خطاب کرتے ہوئے کہا کہ یہ پاکستان کی واحد تحریک ہے جس نے 38 سال کی جدوجہد میں دنیا کے 90 سے زائد ملکوں میں اپنا فعال تنظیمی نیٹ ورک قائم کیا، تحریک کے کام کو پوری دنیا میں پذیرائی ملی، منہاج القرآن کے دائرہ کار میں احیائے دین، تجدید دین، روحانیت اور خدمت انسانیت شامل ہے، منہاج ویلفیئر فاؤنڈیشن، آغوش اور ملک گیر سکولوں کا نیٹ ورک اس کی قابل ذکر کامیابیاں ہیں۔
4M
فیس بک
2M
ٹوٹر
© 1994 - 2026 Minhaj-ul-Quran International.
