سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام ڈاکٹر محمد طاہرالقادری کا منہاج القرآن مرکزی سیکرٹریٹ میں منعقدہ منہاج القرآن ویمن لیگ کے 5 روزہ تنظیمی و تربیتی سیشن سے خطاب کرتے ہوئے کہا کہ مشن پر کاربند رہتے ہوئے اہداف کے 100 فیصد حصول کیلئے فرد اور تنظیم کے مابین احترام پر مبنی رشتہ استوار کرنا ناگزیر ہے۔ اچھی ریلیشن شپ ولایت کا بیج ہے۔ نیت ہو تو بندے کا اللہ سے رشتہ قائم کرنا آسان ہے مگر بندے کا بندے سے رشتہ استوار کرنا اور نبھانا مشکل ہے۔
منہاج القرآن ویمن لیگ کے زیر اہتمام اپنی نوعیت کی پہلی ’’ویمن پارلیمنٹ‘‘ کی 500 اراکین نے مؤرخہ 15 اپریل 2018 کو منہاج القرآن کے مرکزی سیکرٹریٹ میں منعقدہ خصوصی تقریب میں حلف اٹھایا، تقریب میں سندھ، بلوچستان، خیبرپختونخواہ، پنجاب، گلگت بلتستان، آزاد کشمیر سمیت بیرون ملک سے تعلق رکھنے والی عہدیدار خواتین نے شرکت کی، فرح ناز کو ویمن پارلیمنٹ کا سپیکر اور افنان بابر کو سیکرٹری نامزد کیا گیا۔ تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے ویمن پارلیمنٹ کی ممبران سے حلف لیا اور انہیں ایک عظیم مقصد کے حصول کیلئے جمع ہونے پر مبارکباد دی۔
تحریک منہاج القرآن کی سپریم کونسل کے چیئرمین ڈاکٹر حسن محی الدین القادری نے مرکزی سیکرٹریٹ میں منعقدہ ’’معراج النبی ﷺ کانفرنس و ماہانہ مجلس ختم الصلوٰۃ علی النبی ﷺ‘‘ سے خطاب کرتے ہوئے کہا کہ طائف کے بازاروں میں سنگ باری نے اللہ کے محبوب ﷺ کو ملول کر دیا تھا، رب کائنات نے اپنے محبوب ﷺ کی دلجوئی فرماتے ہوئے آپ ﷺ کا دامن عظمتوں اور رفعتوں سے بھر دیا اور منصب رسالتﷺ کو نئی شان عطا کی۔ شب معراج تاجِ عظمت حضور ﷺ کے سر اقدس پر رکھا گیا، معراج کی شب فضیلتیں قدم قدم پر آپ ﷺ کے ہم رکاب رہیں۔ سفرِ معراج حضور ﷺ کا ایک معجزہ ہے اور معجزہ رب کائنات کی قدرت کا مظہر ہوتا ہے۔
سپریم کورٹ نے سانحہ ماڈل ٹاؤن پر باقر نجفی رپورٹ عدالتی ریکارڈ کا حصہ بنانے کا حکم د ے دیا جبکہ انسداد دہشت گردی عدالت کے جج اعجاز اعوان کی چھٹی منسوخ کرتے ہوئے انہیں روزانہ کی بنیاد پر سماعت کرنے اور ہائیکورٹ میں زیر التوا مقدمات 2 ہفتوں میں نمٹانے کے احکامات جاری کردیئے۔ ہفتہ کو سپریم کورٹ لاہور رجسٹری میں چیف جسٹس پاکستان جسٹس میاں ثاقب نثار کی سربراہی میں 2 رکنی بینچ نے سانحہ ماڈل ٹاؤن نوٹس کیس کی سماعت کی۔
چیئرمین سپریم کونسل ڈاکٹر حسن محی الدین قادری نے ویمن لیگ کے 5 روزہ تربیتی سیشن کے چوتھے روز خطاب کرتے ہوئے کہا کہ منہاج القرآن احیائے اسلام اور تجدید دین کی عالمگیر تحریک ہے، یہ تحریک دینی، سماجی، عائلی، انفرادی، اجتماعی امور و اقدار میں اسلامی تقاضوں کے مطابق اپنی ذمہ داریاں انجام دے رہی ہے۔ تحریک منہاج القرآن شرق و غرب میں اپنے وسیع و عریض تنظیمی ڈھانچے کے ذریعے اسلام کا علمی، تحقیقی، اصلاحی، فلاحی پر امن پیغام امت مسلمہ اور بنی نوع انسانیت تک پہنچا رہی ہے، جسکے ثمرات نوجوان نسل کی طرف سے اسلام کی طرف تیزی سے بڑھتی ہوئی رغبت کی صورت میں سامنے آ رہے ہیں۔
پاکستان عوامی تحریک ساؤتھ افریقہ کے صدر جاوید اقبال اعوان اور دیگر عہدیداران نے پریٹوریا مسلم ٹرسٹ کے ممبر احمد (امو) سےملاقات کی۔ وفد نے انہیں شیخ الاسلام ڈاکٹر محمد طاہرالقادری کی کتاب بھی تحفہ دی۔
شیخ الاسلام کے پرسنل اسسٹنٹ بصیر احمد اور کالج آف شریعہ میں آئی ٹی منیجیر تنویر احمد کی پھوپھی جان گذشتہ رات قضائے الہی سے انتقال کر گئیں تھیں۔ شیخ الاسلام ڈاکٹر محمد طاہرالقادری نے مرحومہ کی وفات پر گہرے دکھ کا اظہار کر تے ہوئے ان کی مغفرت و بخشش و بلندئ درجات اور پسماندگان کے لیے صبر جمیل کی دعا کی ہے۔
تربیتی سیشن سے خطاب کرتے ہوئے تحریک منہاج القرآن کے صدر ڈاکٹر حسین محی الدین قادری نے کہا کہ اسلام دین فطرت اور مکمل ضابطہ حیات ہے، دیگر تہذیبوں کی بنیاد مفاد اور جذبات پر جبکہ اسلام کی بنیاد اخلاص اور حکمت پر قائم ہے۔ اسلام جذبات کی بجائے اخلاص کی مضبوط بنیادوں پر قائم ہے، مخالفانہ پروپیگنڈے کا سبب کم علمی ہے یا بدنیتی، اسلام کی حقیقی تعلیمات سے آگاہی کیلئے قرآن و سنت کا براہ راست مطالعہ کیا جائے اور طالبات، خواتین حصول علم پر توجہ مرکوز کریں۔
منہاج القرآن انٹرنیشنل آسٹریلیا کے زیراہتمام منہاج سٹی (منہاج القرآن اسلامک سنٹر میلبورن، وکٹوریہ) میں ماہانہ درس قرآن کا انعقاد کیا گیا، جس میں امیر منہاج ایشیا پیسفیک کونسل علامہ الشیخ رمضان قادری نے خصوصی خطاب کیا۔ ماہانہ درس قرآن میں شرکاء کی بڑی تعداد موجود تھی۔
منہاج القرآن انٹرنیشنل ساؤتھ افریقہ کے زیراہتمام اور منہاج ویلفیئر فاونڈیشن کے تعاون سے عام لوگوں کے لیے 13 اپریل 2018ء کو بھی ہفتہ وار ضیافت کا اہتمام کیا گیا۔ یہ ضیافت جوہانسبرگ میں ہر جمعۃ المبارک کو لگائی جاتی ہے۔ جمہ کی نماز کے بعد سینکڑوں افراد منہاج ویلیفئر فاونڈیشن کے دستر خوان سے کھانا کھاتے ہیں۔
منہاج القرآن ویمن لیگ کے زیراہتمام پانچ روزہ تنظیمی تربیتی کیمپ 11 اپریل 2018ء سے مرکزی سیکرٹریٹ ماڈل ٹاؤن لاہور میں جاری ہے، جس میں ملک بھر سے زونل، ضلع اور تحصیل سطح کی تنظیمات شریک ہیں۔ کیمپ کے دوسرے روز تحریک منہاج القرآن کی سپریم کونسل کے چیئرمین ڈاکٹر حسن محی الدین القادری، ممبر سپریم کونسل منہاج القرآن انٹرنیشنل ڈاکٹر غزالہ حسن قادری، ڈاکٹر فضہ حسین قادری، نظامت تربیت منہاج القرآن کے ڈپٹی ڈائریکٹر سعید رضا بغدادی اور مرکزی ناظمہ منہاج القرآن ویمن لیگ افنان بابر نے شرکاء سے تربیتی امور پر گفتگو کی۔
کویت کے مشہور و معروف راجدھانی پیلس، خیطان، میں جمعرات کی رات 12 اپریل 2018 منہاج القرآن انٹرنیشنل کویت کے زیرِاہتمام ایک عظیم الشان سالانہ ’’معراج النبی ﷺ کانفرنس‘‘ کا انعقاد کیا گیا۔ جس میں کویت بھر کی پاکستانی و انڈین کمیونٹی اور تمام تر مسالک اور مذہبی، سیاسی وسماجی تنظیمات کے وفود نے شرکت کی۔ خواتین ومرد حضرات کی بھر پور شرکت سے وسیع وعریض ہال میں تل دھرنے کی جگہ نہ رہی۔
مصطفوی سٹوڈنٹس موومنٹ فیصل آباد کے زیراہتمام فیصل آ باد کی معصوم عابدہ اور نور فاطمہ کی شہادت پر احتجاجی مظاہرہ کیا گیا۔ جس کی قیادت ضلعی صدرمیاں آصف عزیز، زین العابدین، شاہدسلیم، میاں کاشف حسین، آصف بلال، ضیاء الدین، حمزہ شیخ، محمداویس، محمدذیشان صدیق، اعجاز ڈھلوں، محمد شہزاد نے کی۔
تحریک منہاج القرآن کی سپریم کونسل کے چیئرمین ڈاکٹر حسن محی الدین قادری کی کالج آف شریعہ اینڈ اسلامک سائنسز کے طلباء سے ساتھ تربیتی نشست صفہ ہال میں ہوئی۔ نشست میں کالج کے تمام طلباء نے شرکت کی۔ اس موقع پر پرنسپل کالج پروفیسر ڈاکٹر محمد خان ملک، ایڈمنسٹریڑ کرنل ریٹائرڈ راجہ فضل مہدی، وائس پرنسپل ڈاکٹر ممتاز الحسن باروی اور کالج کے اساتذہ کرام بھی موجود تھے۔
پریٹوریا اور کلیئرووڈ سے وفد نے10 اپریل 2018ء کو منہاج القرآن انٹرنیشنل ڈربن ساؤتھ افریقہ کا وزٹ کیا۔ وفد میں محمد اقبال عبدالکریم، چاند بھائی اور محمد علی شامل تھے۔ وفد نے منہاج القرآن اسلامک اینڈ کمیونٹی سنٹر ڈربن کا دورہ کیا اور صدر منہاج القرآن نٹال علامہ طاہر رفیق سے خصوصی ملاقات کی۔
4M
فیس بک
2M
ٹوٹر
© 1994 - 2026 Minhaj-ul-Quran International.
