سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
کالج آف شریعہ اینڈ اسلامک سائنسز منہاج یونیورسٹی لاہور میں شیخ الاسلام ڈاکٹر محمد طاہرالقادری کی 64 ویں سالگرہ کے موقع پر ہفتہ تقریبات منایا جا رہا ہے۔ ہفتہ تقریبات کے پہلے روز آل پاکستان بین الکلیاتی مقابلہ حسن قرات و عربی تقریر منعقد ہوا، جس میں ملک بھر سے تعلیمی اداروں کے طلبہ نے شرکت کی۔ پروگرام کی صدارت مرکزی امیر تحریک منہاج القرآن صاحبزادہ مسکین فیض الرحمن خان درانی نے کی، جبکہ مہمانوں میں ڈاکٹر ظہور احمد اظہر، مفتی عبدالقیوم خان ہزاروی، پروفیسر نواز ظفر چشتی، پیر سیف اللہ خالد گیلانی القادری، ڈاکٹر ممتاز الحسن الباروی، کرنل (ر) راجہ فضل مہدی کے علاوہ کالج آف شریعہ کے اساتذہ شامل تھے۔
گوجرہ: پرائیویٹ سکول کے سالانہ نتائج آنے کے موقع پر تقسیم انعامات کی تقریب کا انعقاد کیا گیا جس میں سینیئر ممبر سوشل میڈیا ٹیم (ویمن ونگ) عائشہ اشرف نے وفد کے ہمراہ خصوصی شرکت کی۔ اس موقع پر انہوں نے اظہار خیال کرتے ہوئے کہا کہ ہماری دنیا اور آخرت کی کامیابی صرف اسی میں ہی ہے کہ ہم اسلام کو اپنے اوپر نافذ کریں۔ انہوں نے کہا کہ آقا صلی اللہ علیہ وآلہ وسلم کی ہستی ہمارے لئے بہترین نمونہ ہے۔ انہوں نے کہا کہ تبدیلی کی بات ہر کوئی کرتا ہے مگر نظام کی تبدیلی کی بات صرف ڈاکٹر طاہرالقادری کرتے ہیں۔
شیخ الاسلام ڈاکٹر محمد طاہرالقادری کی جانب سے منہاج القرآن انٹرنیشنل کے وفد نے حضرت خواجہ غریب نواز معین الدین چشتی اجمیری رحمۃ اللہ علیہ کے مزار مبارک پر حاضری دی۔ وفد میں راجہ زاہد محمود نائب صدر پاکستان عوامی تحریک پنجاب، سہیل احمد رضا ڈائریکٹر انٹرفیتھ ریلیشنز منہاج القرآن انٹرنیشنل، سید ناد علی صدر منہاج القرآن انٹرنیشنل بڑودھا انڈیا اور عبدالحمید خان (چاند بھائی) صدر کانپور یو پی انڈیا شامل تھے۔ وفد نے خواجہ غریب نواز کی درگاہ پر فاتحہ خوانی کی اورچادر چڑھائی۔ اس موقع پر درگاہ خواجہ غریب نواز کے خادمین جن میں پیر سید سرور چشتی، سید راحت حسین موتی والا، سید غلام کبریا دستگیر اور سید بلال چشتی سے بھی ملاقات کی۔
تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے کہا ہے کہ شہداء کے بچوں نے حکومت کی طرف سے کروڑوں روپے کی پیش کش ٹھکرا کر ثابت کیا کہ شہیدوں کے خون کی قیمت نہیں ہوتی۔ ڈاکٹر طاہرالقادری نے اپنے کارکنوں کو صرف امن کی تعلیم دی، کوئی خوف یا لالچ ہمیں ظالمانہ نظام کی تبدیلی کی جدوجہد سے نہیں ہٹا سکتا، انقلاب کے فیصلہ کن راؤنڈ کا آغاز ہونے والا ہے اس بار کارکنوں کے ساتھ ساتھ قوم کا ہر جوان اور بیٹی بھی نکلے گی، ماڈل ٹاؤن کے شہیدوں کے خون کا حساب لینے کیلئے قانونی جنگ لڑ رہے ہیں اور آخری سانس تک لڑتے رہیں گے۔ ان خیالات کا اظہار انہوں نے حضرو میں انقلاب مارچ کے شرکاء میں اسناد شجاعت کی تقسیم کی تقریب سے خطاب کرتے ہوئے کیا۔
دولتالہ: تحریک منہاج القرآن، پاکستان عوامی تحریک، منہاج القرآن یوتھ لیگ اور منہاج القرآن ویمن لیگ پی پی 4 کا پارٹی الیکشن کے سلسلہ میں مشترکہ تنظیمی اجلاس منعقد ہوا جس کی صدارت انار خان گوندل امیر تحریک منہاج القرآن ضلع راولپنڈی نے کی۔ اجلاس کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اجلاس میں چوہدری محمد جمیل قادری صدر منہاج ایشین کونسل ساؤتھ کوریا، صابر خان ریٹرننگ آفیسر مرکزی الیکشن سیل تحریک منہاج القرآن لاہور نے کی۔
تحریک منہاج القرآن برنالہ آزاد کشمیر کے زیراہتمام سفیر امن سیمینار کا انعقاد کیا گیا جس میں کارکنان کی کثیر تعداد نے شرکت کی۔ سیمینار سے ڈاکٹر طاہر حمید تنولی نے خطاب کرتے ہوئے کہا کہ اسلام امن کا دین ہے اور ڈاکٹر طاہرالقادری وطن عزیز سمیت دنیا بھر میں پیغام امن کو عام کرنے کے لیے ہمہ تن مصروف ہیں۔ ان کا کہنا تھا کہ مسلم معاشرہ میں جب سے حقیقی تصوف نکلا ہے، معاشرہ تشدد کی جانب بڑھتا گیا ہے۔ انہوں نے کہا کہ یہی وجہ ہے کہ آج مسلمان دوسرے ہی مسلمان کا گلہ کاٹ رہا ہے۔
مجلس وحدۃ المسلمین کے سیکرٹری جنرل علامہ راجہ ناصر عباس جعفری اور سید شفقت حسین شیرازی کے دورہ کویت کے دوران ان کے اعزاز میں منہاج القرآن سوشل ویلفیئر سوسائٹی (کویت) کی جانب سے کویت کانٹینینٹل ہوٹل میں ظہرانہ دیا گیا جس میں سوسائٹی کی ایگزیکٹو کونسل، تنظیمات کے عہدیدران کے علاوہ ماجد دہلوی ناظم انڈین کمیونٹی اور سید عرفان کاظمی صدر ماتمی کونسل کویت نے بھی شرکت کی۔
تحریک منہاج القرآن فاروق آباد کے زیراہتمام پارٹی الیکشن کے سلسلہ میں اجلاس منعقد ہوا، جس میں مرکز سے چوہدری ریاست نے خصوصی شرکت کی۔ اجلاس کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر تحریک کے جملہ فورمز کے عہدیداران و کارکنان بھی شریک تھے۔ اجلاس کے اختتام پر عمر ریاض عباسی کی والدہ کے انتقال کر گہرے دکھ اور غم کا اظہار کیا گیا اور مرحومہ کی بخشش و مغفرت اور بلندئ درجات کے لیے خصوصی دعا کی گئی۔
(اے کے راؤ) مرکز منہاج القرآن فرانس میں رات گئے تک جاری رہنے والے پاکستان عوامی تحریک فرانس کے اجلاس میں 15 مارچ کی تقریب حلف برداری کی تقریب کو ہتمی شکل دے دی گئی۔ مرکزی صدر پاکستان عوامی تحریک ڈاکٹر رحیق عباسی 15 مارچ کو پیرس پہنچیں گے۔ صدر PAT فرانس حاجی محمد اسلم کی سربراہی میں ہونے والے اجلاس میں صدر منہاج القرآن فرانس اظہر صدیق نے خصوصی شرکت کی جبکہ پاکستان عوامی تحریک فرانس کے علاقائی ذمہ داران بھی موجود تھے۔
منہاج القرآن علماء کونسل کے زیراہتمام شیخ الاسلام ڈاکٹر محمد طاہرالقادری کے 64 ویں یوم پیدائش کے سلسلہ میں بعنوان ’’انسداد دہشتگردی کے لیے علماء و مشائخ اہلسنت اور بالخصوص شیخ الاسلام ڈاکٹر محمد طاہرالقادری کی خدمات‘‘ سیمینار منعقد ہوا۔ سیمینار سے ناظم منہاج القرآن علماء کونسل سید فرحت حسین شاہ نے خطاب کرتے ہوئے کہا کہ ملک میں امن و امان کی صورتحال بے حد تشویشناک ہے۔ آئے روز معصوم اور بے گناہوں کا خون بہایا جا رہا ہے۔ قاتل گرفتار ہوتے ہیں نہ ذمہ داران کو سزا دی جاتی ہے۔ وفاقی و صوبائی حکومتیں شہریوں کے جان و مال کے تحفظ میں ناکام ہو چکی ہیں۔
پاکستان عوامی تحریک شعبہ خواتین کے تحت مرکزی سیکرٹریٹ میں خواتین کے عالمی دن کے موقع پر سیمینار کا انعقاد کیا گیا جس میں مختلف شعبہ ہائے زندگی سے تعلق رکھنے والی سینکڑوں خواتین نے شرکت کی۔ پاکستان عوامی تحریک شعبہ خواتین کی مرکزی صدر راضیہ نوید نے سیمینار سے خطاب کرتے ہوئے کہا ہے کہ پاکستان میں 90فی صد سے زائد عورتیں گھریلو تشدد کا شکار ہیں۔ آبادی کا بڑا حصہ غربت کی لکیرسے نیچے زندگی گزار رہا ہے۔ غربت کے باعث لاکھوں خواتین اور بچے گھروں میں کام کر رہے ہیں مگر حکمران بے حس ہو چکے ہیں اور خواتین کو کوئی قانونی تحفظ حاصل نہیں۔
کانفرنس سے علامہ محمد شکیل ثانی نے تحفظ ناموس رسالت صلی اللہ علیہ وآلہ وسلم کے موضوع پر مدلل خطاب کیا۔ انہوں نے کہا کہ حضور صلی اللہ علیہ وآلہ وسلم کی خلقت عالم نور میں ہوئی جبکہ ولادت حضور صلی اللہ علیہ وآلہ وسلم کی بشریت کی معراج ہے۔ لہذا حضور صلی اللہ علیہ وآلہ وسلم کی دونوں شانوں کا اعلان عظمت رسول صلی اللہ علیہ وآلہ وسلم ہے۔ انہوں نے کہا کہ حضور صلی اللہ علیہ وآلہ وسلم کی بارگاہ میں گستاخی اللہ تعالی کو گوارہ نہیں۔ جب اللہ تعالی نے اپنے حبیب صلی اللہ علیہ وآلہ وسلم کی بارگاہ کے آداب خود سکھائے ہوں تو پھر اُن کی شان کیا ہوگی۔
پیرس (اے کے راؤ) صدر پاکستان عوامی تحریک فرانس حاجی محمد اسلم چوہدری کی Stephane Troussel صدر مشیر عام حکومت فرانس سے ملاقات پیرس کے شمالی مضافات لابرجے میں ہوئی۔ اس ملاقات میں فرانس میں ہونے والے صوبائی الیکشن جس کا 22 مارچ کو پہلا ٹور اور 29 کو دوسرے ٹور ہورہا ہے پر باہمی دلچسپی کے ساتھ گفتگو ہوئی۔ صدر عوامی تحریک فرانس نے مسٹر Stephane Troussel کو عوامی تحریک فرانس کی حلف برداری کی تقریب جو کہ 15 مارچ کو ہونا قرار پائی ہے میں بھی مدعو کیا۔
منہاج القرآن انٹرنیشنل انڈیا کولکتہ کے زیراہتمام محمد جان ہائیر سیکنڈری سکول میں فری میڈیکل کیمپ کا انعقاد کیا گیا جس میں مریضوں کا فری چیک اپ کرنے کے ساتھ ساتھ میڈیسن بھی فری دی گئیں۔ اس موقع پر ڈاکٹروں کی ٹیم نے 1568 مریضوں کا فری چیک اپ کیا اور وہ مریض جن کی حالت زیادہ خراب تھی ان کے لیے فری میڈیکل ٹیسٹ کا بھی انتظام کیا گیا تھا۔
تحریک منہاج القرآن کے زیراہتمام بلوچستان کے ضلع ڈیرہ بگٹی کی تحصیل سوئی میں میلاد مصطفیٰ صلی اللہ علیہ وآلہ وسلم کانفرنس کا انعقاد کیا گیا، جس میں عوام الناس کی کثیر تعداد نے شرکت کی۔ اس عظیم میلاد کانفرنس کی صدارت معروف عالمِ دین علامہ منظور احمد عباسی الحسینی نے کی۔ علاوہ ازیں مقامی تنظیم کی خصوصی دعوت پر مرکزی سیکرٹری کوآرڈینیشن تنظیمات محمد طیب ضیاء نے بطور مہمان خصوصی شرکت کی۔ کانفرنس سے علامہ مفتی ممتاز حسین صدیقی ناظم منہاج القرآن علماء کونسل لاہور نے خصوصی خطاب کیا، جبکہ لاہور سے آئے ہوئے معروف نعت خواں محمد شکیل قادری نے بارگاہ رسالت صلی اللہ علیہ وآلہ وسلم میں عقیدت کے پھول نچھاور کیے۔
4M
فیس بک
2M
ٹوٹر
© 1994 - 2026 Minhaj-ul-Quran International.
