سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
17 دسمبر 2012ء کو منہاج القرآن ویمن لیگ کراچی کے زیراہتمام عوام دشمن اور ظالمانہ انتخابی نظام کے خلاف ’ریاست بچاؤ‘ ریلی کا انعقاد کیا گیا، جس میں منہاج القرآن ویمن لیگ اور مصطفوی سٹوڈنٹس موومنٹ سسٹرز کی جملہ عہدیداران و کارکنان سمیت علاقے بھر سے خواتین نے بچوں سمیت شرکت کی۔ شرکاء ریلی نے نظام انتخاب سے نفرت کا اظہار کرتے ہوئے پلے کارڈ اور بینرز اٹھا رکھے تھے جن پر نظام انتخاب کے خلاف نعرے درج تھے۔ انہوں نے نظام انتخاب کے خلاف نعرے بھی لگائے
منہاج القرآن ویمن لیگ لیاری ٹاون کراچی کے زیراہتمام محرم الحرام کی مناسبت سے سالانہ شہادت امام حسین رضی اللہ عنہ کانفرنس کا انعقاد کیا گیا۔ یہ پروگرام لیاری کراچی کے علاقے گلشن کالونی میں منعقد کیا گیا۔ جس میں منہاج القرآن ویمن لیگ کراچی کی قائدین کے علاوہ علاقہ بھر سے تمام مکتبہ فکر کی سینکڑوں خواتین نے بھرپور شرکت کی۔
منہاج القرآن ویمن لیگ سندھ کی نگران محترمہ مسرت ہارون نے کانفرنس سے اپنے صدارتی خطاب میں پیکرِ صبر و شجاعت حضرت سیدہ زینب رضی اللہ عنہا کی سیرت ِ طیبہ پر تفصیلی روشنی ڈالی۔ انہوں نے اپنے خطاب میں کہا کہ سیدہ کائنات رضی اللہ عنہا کی آغوش میں پرورش پانے والی حضرت زینب رضی اللہ عنہا نے اس موقع پر وہ مثالی کردار ادا کیا، جو رہتی دنیا تک تمام خواتین کے لئے سرچشمہ ہدایت ہے۔
مصطفوی سٹوڈنٹس موومنٹ سسٹرز نے مصطفوی سٹوڈنٹس موومنٹ کے یوم تاسیس کے موقع پر نہایت پُرمسرت پارٹی کا انعقاد کیا، جس میں بلند و بالا جذبات کے ساتھ مصطفوی سٹوڈنٹس سسٹرز کی عہدیداران اور کارکنان نے مل کر یوم تاسیس کا کیک کاٹا گیا اور سب کو مبارک باد دی۔
تحریک منہاج القرآن کے ڈویژنل سیکرٹریٹ گلشن اقبال کراچی میں مصطفوی سٹوڈنٹس موومنٹ کے یوم تاسیس کے موقع پر نہایت پُرمسرت تقریب منعقد کی گئی، جس میں تحریک منہاج القرآن، منہاج القرآن یوتھ لیگ اور مصطفوی سٹوڈنٹس موومنٹ کے عہدیداران نے شرکت کی، جن میں امیر تحریک کراچی حاجی اقبال میمن، ناظم تحریک منہاج القرآن کراچی لطافت محمود قادری، جنرل سیکرٹری منہاج القرآن یوتھ لیگ راؤ طیب، سیکرٹری دعوت راؤ کامران محمود اور دیگر احباب شامل تھے۔
ریلی کی قیادت تحریک منہاج القرآن سندھ کے صوبائی ناظم مفتی ارشاد حسین سعیدی اور دیگر قائدین تحریک منہاج القرآن کراچی نے کی۔ اس ریلی میں تحریک منہاج القرآن کراچی، منہاج القرآن علماء کونسل، پاکستان عوامی تحریک، منہاج القرآن ویمن لیگ، منہاج القرآن یوتھ لیگ اور مصطفوی سٹوڈنٹس موومنٹ سمیت تمام فورمز کے قائدین اور اراکین نے بھی شرکت کی۔
منہاج القرآن ویمن لیگ گلستان کالونی لیاری، کراچی کے زیراہتمام مورخہ 20 ستمبر بروز جمعرات دوپہر 2 بجے توہین رسالت صلی اللہ علیہ وآلہ وسلم کے خلاف احتجاج اور گذشتہ دنوں کراچی میں ہونے والے سانحہ آتشزدگی میں شہید ہونے والوں کے ایصال ثواب کے لیے خصوصی پروگرام کا انعقاد کیا گیا۔
کراچی اور لاہور میں جان بحق ہونے والے افراد کیلئے فاتحہ خوانی کی گئی اور سوگواران کے لیے صبر کی دعا کی گئی۔ منہاج القرآن ویمن لیگ کی عہدیداران نے کہا کہ کراچی اور لاہور کی فیکٹریوں میں آتشزدگی انتہائی افسوس ناک ہے۔ سیلاب اور ایسے واقعات خدا کی طرف سے ہم پر عذاب ہیں، ہمیں قران وسنت کی طرف لوٹنا ہو گا۔
پاکستان عوامی تحریک صوبہ سندھ کے مینارٹی ونگ کی جانب سے مرکزی ڈپٹی سیکرٹری جنرل پاکستان عوامی تحریک و ڈائریکٹر انٹرفیتھ ریلیشنز سہیل احمد رضا نے سندھ کے دیگر علاقوں بالخصوص کراچی کا دورہ کیا جہاں پاکستان عوامی تحریک صوبہ سندھ کے مینارٹی ونگ نے ان کے اعزاز میں تقریب منعقد کی۔
ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا کے اعزاز میں مرکزی انجمن نوجوانان اسلام پاکستان کے سینئر نائب صدر ملک نذیر احمد کی جانب سے لاڑکانہ ریسٹورینٹ گلشن اقبال کراچی میں ظہرانہ کا اہتمام کیا گیا۔
منہاج القرآن انٹرنیشنل کینیڈا کے راہنما محمد آدم بھٹی کے والد لیاری ٹاؤن کراچی میں قضائے الہی سے انتقال کر گئے جس پر تحریک منہاج القرآن کراچی کے عہدیداران اور ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا نے لیاری ٹاؤن کراچی میں ان کی رہائش گاہ پر تعزیت کی۔
تحریک منہاج القرآن برطانیہ کے رہنما حافظ اظہر سعید اسلامک فاؤنڈیشن اسکول شریف آباد کے پرنسپل ملک جنید بابر ملک کو شیخ الاسلام ڈاکٹر محمد طاہرالقادری کا مترجم عرفان القرآن پیش کر رہے ہیں۔
تحریک منہاج القرآن کراچی کے سیکرٹریٹ میں سیاچن اور طیارہ حادثے کے شہداء کے ایصال ثواب کے لئے خصوصی دعا کا اہتمام کیا گیا جس میں تحریک منہاج القرآن کے مرکزی رہنما اور انٹرفیتھ ریلیشنز کے ڈائریکٹر سہیل احمد رضا نے خصوصی طور پر شرکت کی۔
منہاج القرآن یوتھ لیگ کراچی کے زیراہتمام "بیداری شعور اور نوجوان" کے عنوان سے سیمینار منعقد ہوا۔ جہاں صدر راؤ طیب، زاہد حسین، ارشد مقصود، زاہد چوہدری، فہیم خان، عماد الدین، بشیر مروت، سید اقبال قادری اور راؤ کامران محمود نے کثیر تعداد میں نوجوانوں سے خطاب کیا۔
تحریک منہاج القرآن کراچی کے زیراہتمام 8ویں سالانہ میلاد مصطفیٰ صلی اللہ علیہ وآلہ وسلم کانفرنس 18 ربیع الاول کی شب (بمطابق 11 فروری 2012ء) کو منعقد ہوئی۔ جس میں شیخ الاسلام ڈاکٹر محمد طاہرالقادری نے کینیڈا سے ویڈیو کانفرنس کے ذریعے براہ راست خصوصی خطاب کیا۔
3.4M
فیس بک
1.9M
ٹوٹر
© 1994 - 2023 Minhaj-ul-Quran International.
