سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن رسول پور ضلع قصور کے زیراہتمام پانچویں سالانہ میلاد کانفرنس 16 دسمبر 2018ء کو جامع مسجد کھجور والی پولیکے میں منعقد ہوئی۔ یہ پروگرام محمد سلیم منہاجین کے والد گرامی کی سالانہ برسی کے سلسلہ میں منعقد ہوا، جس میں تحریک منہاج القرآن کے مرکزی ناظم دعوت علامہ محمد لطیف مدنی مہمان خصوصی تھے۔ پروگرام کی صدارت علامہ محمد رمضان نقشبندی نے کی جبکہ سجادہ نشین آستانہ عالیہ بابا ولی سرکار رسول پور حضرت بابا ظفر اقبال قادری نوشاہی نے بھی کانفرنس میں خصوصی شرکت کی۔
سانحہ اے پی ایس پشاور کے ننھے شہدا اور اساتذہ کی چھوتھی برسی کے موقع پر مصطفوی سٹوڈنٹس موومنٹ کے زیراہتمام ماڈل ٹاؤن ڈگری کالج سے ماڈل ٹاؤن کرکٹ گراؤنڈ تک طلباء امن ریلی نکالی گئی۔ ریلی میں شریک طلباء نے شہدائے آرمی پبلک سکول کی یاد میں کتبے، بینرز اٹھا رکھے تھے۔ پلے کارڈز پردہشتگردی کی مذمت کے ساتھ ساتھ ننھے شہدا کو خراج تحسین پیش کرنے کے پیغامات درج تھے۔ ریلی میں شریک طلباء ملی نغموں پر اپنے لہو کو گرماتے رہے اور دہشتگردوں کو پیغام دیتے رہے کہ ہم دہشتگردی سے ڈرنے والے نہیں، ہم بزدل دہشتگردوں کا علم کی روشنی سے مقابلہ کرینگے۔ شدید سردی میں طلباء امن ریلی اس بات کا ثبوت ہے کہ ننھے شہداء کی یاد کو بھلایا نہیں جا سکتا۔
منہاج القرآن کھپرو کے زیراہتمام ماہ ربیع الاول میں مختلف تحریکی رفقاء کے گھروں میں حلقہ درود کا انعقاد ہوا، جن میں سید زاھد علی شاہ، عبدالستار چوھان، جاوید چوھان، ڈاکٹر محمد امین بھیو، شھباز ھنگورو، عبداللہ کنبھار اور امداد کنبھار شامل ہیں۔
تحریک منہاج القرآن ڈہرکی کے عہدیداروں کا اجلاس کیڈٹ کالج گھوٹکی میں ہوا۔ تحریک منہاج القرآن کے تاحیات رفیق پروفیسر غلام مجتبیٰ کلوڑ اور دیگر شرکاء نے اجلاس میں شرکت کی۔ اس موقع پر تحریک کے لائحہ عمل اور حکمت عملی پر غور کیا گیا۔
منہاج القرآن ڈھرکی سٹی کے زیراہتمام 13 دسمبر بروز جمعرات کو حلقہ درود کا اہتمام کیا گیا، جسمیں تحریک منہاج القرآن سکھر ڈویژن کے کوارڈینیٹر محمد اسحاق سمیجو کی کاوشوں کی وجہ سے حلقہ درود کی تزئین و آرائش اور اسکو مستقل کرنے کے لیے انکی خدمات کو سرایا گیا۔
منہاج القرآن گھوٹکی سٹی میں گوشہ درود پاک کا قیام کر دیا گیا، اہلیان گھوٹکی شہر کو مبارکباد۔ تحریک منہاج القرآن ڈہرکی سٹی کی طرح ہر ہفتے اور جمعرات بعد نماز مغرب حلقہ درود و فکر منعقد ہو گا اور روزانہ شام بعد نماز عصر بھی مختصر محفل درود پاک ہوتی رہے گی۔
کالج آف شریعہ اینڈ اسلامک سائنسز منہاج یونیورسٹی لاہور کے زیراہتمام ایم فل اور پی ایچ ڈی سکالرز کی شیخ الاسلام ڈاکٹر محمد طاہرالقادری کے ساتھ خصوصی علمی و فکری نشست کا اہتمام ہوا۔ نشست میں ڈاکٹر ممتاز الحسن باروی، پرنسپل شریعہ کالج ڈاکٹر محمد خان، حاجی محمد ارشد، حاجی محمد امین، رانا محمد شکیل اور شاہد لطیف نے خصوصی شرکت کی۔
منہاج القرآن یوتھ لیگ کے 30 ویں یومِ تاسیس کے سلسلہ میں مرکزی سیکرٹریٹ میں محفلِ سماع کا انعقاد کیا گیا۔ محفل سماع میں شیخ الاسلام ڈاکٹر محمد طاہرالقادری نے خصوصی شرکت کی۔ محفلِ سماع میں چئیرمین سپریم کونسل ڈاکٹر حسن محی الدین قادری، صدر منہاج القران انٹرنیشنل ڈاکٹر حسین محی الدین قادری، شیخ احمد مصطفیٰ العربی القادری، ناظم اعلی تحریک منہاج القران خرم نواز گنڈاپور اور منہاج یوتھ لیگ کے صدر مظہر محمود علوی اور یوتھ قائدین نے بھی شرکت کی۔ اس موقع پر آصف علی سنتو قوال نے قوالیاں پیش کیں۔
پیر سید ارشاد حسین شاہ کے 21 ویں سالانہ عرس کی تقریب دربار عالیہ چراغیہ پیر کالونی والٹن لاہور میں 10 دسمبر 2018ء کی شب منعقد ہوئی۔ قائد تحریک منہاج القرآن شیخ الاسلام ڈاکٹر محمد طاہرالقادری نے صوبائی وزیر مذہبی امور پنجاب صاحبزادہ سید سعید الحسن شاہ کی خصوصی دعوت پر ان کے والد گرامی کے سالانہ عرس کی تقریب میں شرکت کی اور شان اولیاء پر خصوصی خطاب۔ عرس تقریب میں ڈائریکٹر جنرل خانہ فرہنگ اسلامی جمہوریہ ایران آغائی علی اکبر رضائے فرد، علماء و مشائخ، صو فیاء کرام، قراء حضرات اور نعت خوان حضرات بھی شریک ہوئے۔
تحریک منہاج القرآن پی پی 144 کے زیر اہتمام سانحہ ماڈل ٹاؤن میں شہید ہونے والی تنزیلہ امجد، شازیہ مرتضی اور دیگر تمام شہداء کیلئے دعائیہ تقریب کا انعقاد کیا گیا۔ تقریب میں سیکرٹری جنرل پاکستان عوامی تحریک خرم نواز گنڈاپور نے شرکت کی اور شہدائے سانحہ ماڈل ٹاؤن (تنزیلہ امجد اور شازیہ مرتضی) کی قبروں پر پھولوں کی چادر چڑھائی۔
تحریک منہاج القرآن کراچی کے زیراہتمام ڈسٹرکٹ ایسٹ میں ضیافتِ میلاد کے عنوان سے کارکنان کے اعزاز میں ستائشی پروگرام کا انعقاد کیا گیا، جس میں تحریک منہاج القران اور منہاج القرآن ویمن لیگ ڈسٹرکٹ ایسٹ کی تمام ذمہ داران عہدیداران سمیت یونین کونسلز کی تمام ورکرز کو مدعو کیا گیا۔ پروگرام میں ناظمہ منہاج القرآن ویمن لیگ محترمہ ثناء حفیظ نے خصوصی شرکت کی۔
قائد تحریک منہاج القرآن شیخ الاسلام ڈاکٹر محمد طاہرالقادری سے ان کی رہائش گاہ پر معروف عالم دین مذہبی سکالر مولانا طارق جمیل نے ملاقات کی اور انہیں 5 ہزار موضوعات اور 8 جلدوں پر مشتمل جامع قرآنی انسائیکلو پیڈیا تالیف کرنے پر مبارکباد دی۔ مولانا طارق جمیل نے کہا کہ انسائیکلوپیڈیا کی تقریب رونمائی میں شرکت کا دعوت نامہ مل گیا تھا مگر پہلے سے طے شدہ مصروفیت کی وجہ سے شریک نہ ہو سکا۔ مولانا طارق جمیل نے ڈاکٹر طاہرالقادری کو علوم قرآن و سنت پر علمی تحقیقی کتب تحریر کرنے پر مبارکباد دی اور کہا کہ ڈاکٹر طاہر القادری کا علمی کام عالم اسلام اور انسانیت کی خدمت ہے۔
تحریک منہاج القرآن ملتان کے رہنما محمد عمر چشتی کی رہائشگاہ پر محفل نعت منعقد ہوئی، جس میں لاہور سے مرکزی منہاج نعت کونسل کے صدر ظہیر بلالی اور ان کے گروپ نے دف کے ساتھ اپنے پیارے آقا کی بارگاہ میں ہدیہ نعت پیش کیا۔ محفل میں معروف روحانی شخصیت سید شوکت حسین بخاری مہمان خصوصی تھے۔ انہوں نے خطاب کرتے ہوئے کہا کہ محافل نعت فروغِ عشق رسول کا خوبصورت اور بہترین ذریعہ ہے۔
تحریک منہاج القرآن کے مرکزی سیکرٹریٹ کے ڈائریکٹر ایڈمن اور سانحہ ماڈل ٹاون کیس کے مستغیث جواد حامد کی والدہ مرحومہ کے ایصال ثواب کے لیے قل خوانی کا پروگرام مرکزی سیکرٹریٹ میں منعقد ہوا۔ قل خوانی میں شیخ الاسلام ڈاکٹر محمد طاہرالقادری نے خصوصی شرکت کی اور دعا کرائی۔ چئیرمین سپریم کونسل ڈاکٹر حسن محی الدین قادری، تحریک منہاج القرأن کے ناظم اعلیٰ خرم نواز گنڈاپور، جواد حامد ان کے فیملی ممبران، مرکزی سیکرٹریٹ کی نظامتوں کے سربراہان، مرکزی سٹاف اور کارکنان نے بھی شرکت کی۔
منہاج انسٹیٹیوٹ برائے قرأت و تحفیظ القرآن کے زیراہتمام تکمیل حفظ قرآن کرنے والے طلباء و طالبات کے اعزاز میں 8 دسمبر 2018ء کو تقسیم اسناد کی تقریب منعقد ہوئی، جس کی صدارت شیخ الاسلام ڈاکٹر محمد طاہرالقادری نے کی جبکہ ڈائریکٹر جنرل خانہ فرہنگ اسلامی جمہوریہ ایران آغائی علی اکبر رضائے فرد مہمان خصوصی تھے۔ تقریب میں قرآن کریم حفظ کرنے والے طلبہ و طالبات میں اسناد، میڈلز و دیگر انعامات تقسیم کیے گئے۔
4M
فیس بک
2M
ٹوٹر
© 1994 - 2026 Minhaj-ul-Quran International.
