سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
05 دسمبر 2012ء کو نظامت تربیت تحریک منہاج القرآن کے زیراہتمام ایوبیہ لرننگ ایجوکیشن سکول سسٹم کرباٹھ بیدیاں روڈ لاہور میں عرفان القرآن کورس کی تقریب تقسیم اسناد منعقد ہوئی۔ جس میں مرکزی ناظم عرفان القرآن کورس علامہ محمد شریف کمالوی، ناظم دعوت لاہور محمد رمضان ایوبی، قادری معلم کورس علامہ عبدالمختار اور محمد حسین ایوبی پرنسپل ایوبیہ لرننگ ایجوکیشن سکول سسٹم کرباٹھ کے علاوہ شرکاء کورس نے شرکت کی۔
5 دسمبر 2012ء کو نظامت تربیت تحریک منہاج القرآن کے زیراہتمام ایوبیہ لرننگ سکو ل سسٹم دھلہ بیدیاں روڈ لاہور میں عرفان القرآن کورس کی تقریب تقسیم اسناد منعقد ہوئی۔ جس میں علامہ محمد شریف کمالوی مرکزی ناظم عرفان القرآن کورس، محمد رمضان ایوبی ناظم دعوت لاہور، علامہ عبدالمختار قادری معلم کورس اور محمد عباس ایوبی پرنسپل ایوبیہ لرننگ ایجوکیشن سکول سسٹم دھلہ کے علاوہ شرکاء کورس نے شرکت کی۔
5 دسمبر 2012ء کو منہاج القرآن یوتھ لیگ اور مصطفوی سٹوڈنٹس موومنٹ لودھراں کے زیراہتمام ریاست بچاؤ یوتھ ریلی نکالی گئی۔ جس میں خصوصی شرکت مرکزی نائب صدر منہاج القرآن یوتھ لیگ محمد طیب ضیاء نے کی۔ اس ریلی میں تحریک منہاج القرآن، منہاج القرآن یوتھ لیگ اور مصطفوی سٹوڈنٹس موومنٹ کے عہدیداران و کارکنان سمیت علاقے بھر سے نوجوانوں کی بڑی تعداد نے شرکت کی۔
تحریک منہاج القرآن تحصیل سید والا کے زیراہتمام پریس کلب میں صحافیوں کے اعزاز میں ایک پروگرام کا انعقاد کیا گیا، جس میں پریس کلب کے صدر رائے محمد نواز کھرل نے خصوصی شرکت کی۔ تحریک منہاج القرآن سیدوالا کے قائدین کے علاوہ پریس کلب سے صحافی بھی اس موقع پر موجود تھے۔ پروگرام میں منہاج القرآن کے قائدین نے صحافیوں کو شیخ الاسلام کی پاکستان آمد کے حوالے سے بریفنگ دی۔ صدر پریس کلب رائے محمد نواز کھرل نے شیخ الاسلام کو پاکستان آمد پر خوش آمدید کہتے ہوئے اپنے مکمل تعاون کا یقین دلایا۔ انہوں نے کہا کہ موجودہ حالات میں شیخ الاسلام جیسی شخصیات ہی حقیقی نجات دہندہ ثابت ہو سکتی ہیں۔ پروگرام کا اختتام دعائے خیر سے ہوا۔
تحریک منہاج القرآن تحصیل سیدوالا کے زیراہتمام شیخ الاسلام ڈاکٹر محمد طاہرالقادری کی پاکستان آمد کے حوالے سے عوامی آگاہی مہم تیزی سے جاری ہے۔ اس سلسلے میں منہاج القرآن تحصیل سیدوالا کے قائدین اپنے علاقے میں گاؤں گاؤں جا کر کام کر رہے ہیں۔ تحریک منہاج القرآن پنجاب کے نائب ناظم ملک حق نواز اعوان، منہاج القرآن سیدوالا کے نائب صدر رانا مسعود، منہاج القرآن تحصیل سیدوالا کے ناظم محمد حنیف ڈوگر، ناظم مالیات محمد صابر جٹ، ناظم نشر و اشاعت اقصد مصطفوی اور یوسی ناظم ڈاکٹر محمد اعظم نے تحصیل سید والا کے مختلف گاؤں جا کر شیخ الاسلام کی پاکستان آمد کے حوالے سے ورکرز کنونشن اور پروگرام منعقد کر رہے ہیں۔
منہاج القرآن یوتھ لیگ زون 1 فیڈرل ایریا اسلام آباد کے زیراہتمام "آؤ پاکستان بچائیں" تیزی سے جاری ہے۔ شیخ الاسلام ڈاکٹر محمد طاہرالقادری کی پاکستان آمد کے سلسلہ میں یہ تشہیری اور آگاہی کمپین ملک بھر میں جاری ہے۔ اس سلسلہ میں فیڈرل ایریا اسلام آبادمیں منہاج القرآن یوتھ لیگ زون 1 کی طرف سے بذریعہ پروجیکٹر پروگرام منعقد کیے جا رہے ہیں۔ یکم دسمبر 2012 کو ضیاء مسجد نیو شکریال کے مقام پرایک پروگرام کا انعقاد کیا گیا۔
مورخہ 2 دسمبر 2012 بروز اتوار تحریک منہاج القرآن تحصیل پاکپتن U.C 12,13,14 کی کارنر میٹنگز یونین کونسل 4 1 کے دفتر میں ہوئیں۔ جن میں تحصیل ناظم تحریک منہاج القرآن فخر سعید جٹ اور تحصیل نائب ناظم تحریک منہاج القرآن محمد عقیل شہباز کے علاوہ UC 13,14 کے ناظمین و عہدیداران نے شرکت کی۔
مورخہ یکم دسمبر 2012 بروز ہفتہ تحریک منہاج القرآن تحصیل پاکپتن U.C 4 کی کارنر میٹنگ یونین کونسل 4 کے دفتر میں ہوئی جسمیں صدر تحصیل پاکپتن تحریک منہاج القرآن شیخ محمد اشرف حیدری، ناظم تحصیل پاکپتن تحریک منہاج القرآن فخر سعید جٹ، نائب ناظم محمد عقیل شہباز اور ناظم مالیات وحید شہزاد بھٹہ تحریک منہاج القرآن تحصیل پاکپتن کے علاوہ UC 4 کے ناظمین و عہدیداران نے شرکت کی۔
ضلع قصور کی تحصیل چونیاں میں تحریک منہاج القرآن کی تنظیم سازی کا عمل تیزی سے جاری ہے۔ اس سلسلہ میں الہ آباد ٹھینگ موڑ کے نواحی گاؤں موضع رسول پور پوہلیکے میں تحریک منہاج القرآن اور منہاج القرآن یوتھ لیگ کی تنظیم سازی کی گئی ہے۔ اس سلسلے میں رسول پور پوہلیکے میں بابا ولی محمد دربار کی درگاہ میں ایک پروگرام منعقد کیا گیا، جس میں مرکزی نائب منہاج القرآن پنجاب اشتیاق حنیف مغل مہمان خصوصی تھے۔
منہاج القرآن یوتھ لیگ پی پی 13 کا یوم تاسیس چاہ سلطان راولپنڈی میں منعقد ہوا۔ جس میں منہاج القرآن یوتھ لیگ پی پی 13 کے عہدیداران نے شرکت کی۔ عہدیداران میں صدر محمد عثمان، جنرل سیکرٹری محمد نعمان، سیکرٹری فنانس محمد اویس، سیکرٹری دعوت مبشر خان، سیکرٹری ممبر شپ محمد رضوان اور سیکرٹری ویلفئیر محمد سجاد شامل تھے۔
مینار پاکستان لاہور میں شیخ الاسلام ڈاکٹر محمد طاہرالقادری کے عوامی استقبال میں شرکت کرنے کی غرض سے اسلام آباد سے لاہور کا پیدل سفر کرنے والے غلام حیدربٹ کا پیدل کارواں گوجر خان پہنچ گیا۔ تحریک منہاج القرآن تحصیل گوجرخان کے ناظم میڈیا کے مطابق پیدل کارواں دوپہر 2 بجے گوجر خان پہنچا، جہاں منہاج القرآن گوجرخان، مصطفوی سٹوڈنٹس موومنٹ اور منہاج یوتھ لیگ کے علاوہ زندہ دلان گوجرخان نے انہیں بھرپور انداز میں خوش آمدید کہا۔
وادی سون، ضلع خوشاب کی عظیم روحانی شخصیت سجادہ نشین آستانہ عالیہ کھوڑہ سید ضمیر حیدر گیلانی نے اپنے مریدین کے ساتھ تحریک منہاج القرآن میں شمولیت کا اعلان کیا ہے اور تمام مریدین کو 23 دسمبر 2012ء کو مینار پاکستان پر ہونے والے ’سیاست نہیں ریاست بچاؤ عوامی اجتماع‘ میں شامل ہونے کی ہدایت بھی کی ہے۔ انہوں نے علی الاعلان یہ بات بھی کہی کہ میرے مریدین میں سے اگر کوئی شخص تحریک منہاج القرآن کی مخالفت کرتا ہے تو وہ میرا مرید ہی نہیں۔
شیخ الاسلام ڈاکٹر محمد طاہرالقادری نے کہا کہ بدقسمتی سے ہمارے ہاں جمہوریت کے معنی اور مفہوم کو بگاڑ کے رکھ دیا گیا ہے، پاکستان میں جمہوریت اس کی اصل روح کے مطابق نافذ نہیں ہے، انہوں نے کہا کہ دنیا میں اس وقت 25 ممالک ایسے ہیں جہاں پر جمہوریت کا پھل عوام کو مل رہا ہے، جبکہ دنیا کے 53 ممالک میں ناقص جمہوری نظام قائم ہے، جہاں پر انتخابات کو جمہوریت کہا جاتا ہے، لیکن بدقسمتی سے ان 78 ممالک میں پاکستان کا نام شامل نہیں ہے، پاکستان جمہوری لحاظ سے سب سے کم درجے پر فائز ہے، انہوں نے کہا کہ اگر ملک کو بچانا ہے تو اس ظالمانہ نظام کا خاتمہ کر کے ایسا نظام رائج کرنا ہوگا، جس سے غریب کو روزگار، تعلیم، صحت اور دیگر بنیادی سہولیات بآسانی میسر آ سکیں۔
منہاج القرآن یوتھ لیگ کے زیراہتمام کارنر میٹنگز کا سلسلہ جاری ہے۔ اب تک 4 یونین کونسلز میں 25 کارنر میٹنگز کی جا چکی ہیں۔ جن میں بریفنگ کے فرائض صدر منہاج القرآن یوتھ لیگ گلبرگ بی طیب خاں رند اور سینئر نائب صدر نذر نور نے ادا کئے، جبکہ دیگر انتظامات میں اجمل کیانی، زاہد بشیر اور مقرب سلطان نے ادا کئے۔
امیر تحریک منہاج القرآن آزاد جموں وکشمیر سید ابرار سرور شاہ نے 23 دسمبر کو استقبال قائد کے حوالے سے مظفر آباد ڈویژن کا تفصیلی دورہ کیا۔ جس میں انہوں نے تنظیمات کو مزید متحرک کیا اور ان کے کام کا جائزہ لیا۔ اس اہم دورہ میں ناظم تحریک منہاج القرآن آزاد جموں وکشمیر حافظ احسان الحق بھی ان کے ہمراہ تھے۔
4M
فیس بک
2M
ٹوٹر
© 1994 - 2026 Minhaj-ul-Quran International.
