سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن ویمن لیگ کے زیراہتمام ایگرز کے بچوں کی چوتھی سالانہ میلاد کینڈل واک کا اہتمام کیا گیا، جس میں ننھے منھے بچوں نے منہاج القرآن ویمن لیگ کے مرکزی آفس سے القادریہ ہاوس تک مشعل بردار ریلی نکالی۔ اس موقع پر بچوں نے الیکٹرک مشعلیں اور غبارے اٹھا رکھے تھے۔ ریلی میں شریک بچے عربی نعتیں بھی پڑھ رہے تھے۔ ریلی کے القادریہ ہاوس پہنچنے پر چیئرمین سپریم کونسل ڈاکٹر حسن محی الدین قادری نے بچوں کا استقبال کیا اور شرکاء پر پھولوں کی پتیاں نچھاور کیں۔
منہاج القرآن ویمن لیگ کی رضا کاران ٹیم نے منہاج ویلیفئر فاؤنڈیشن کے تعاون سے سندھ کے ضلع دادو کے علاقہ سیدہ آباد میں سیلاب متاثرین کیلئے امدادی کارروائیوں میں حصہ لیا۔ منہاج ویلیفئر فاونڈیشن کے تعاون سے سیدہ آباد میں خیمہ بستی آباد کر دی گئی ہے اور متاثرین کو دو وقت کا کھانا بھی مہیا کیا جا رہا ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے منہاج القرآن ویمن لیگ کی طرف سے استقبالِ ربیع الاول و میلاد مہم 2022 کے انتظامی اجلاس سے خطاب کیا۔ اس موقع پر انہوں نے کہا کہ پاکستان کو مصطفوی معاشرہ کے قالب میں ڈھالنے کے لیے خواتین کا دینی، تعلیمی، سماجی، دعوتی و فلاحی کردار ناگزیر ہے۔
منہاج القرآن ویمن لیگ کے زیراہتمام ’’میلاد مہم 2022‘‘ کا سلوگن جاری کر دیا گیا۔ مغز قرآن، روح ایمان، جانِ دین ہست حُب رحمۃ اللعالمینﷺ اس سال منہاج القرآن ویمن لیگ اس سلوگن کے تحت مرکزی سطح پر سیرت نبوی صلی اللہ علیہ وسلم کی روشنی میں آن لائن سیشنز، کورسز اور فیلڈ کی سطح پر سینکڑوں مرکزی کانفرنسز، ہزار ہا کی تعداد میں محافل میلادالنبی منعقد کروائے گی۔
سیلاب کی تباہ کاریوں کے وقت کے خوف ناک حالات و واقعات سیلاب متاثرہ بچوں کے ذہنوں میں نقوش ہو چکے ہیں۔ ملک بھر کے 3 کروڑ سیلاب متاثرین بے یار و مددگار 20 کروڑ عوام کی امداد کے منتظر ہیں۔ آئیے ان معصوم چہروں پر مسکراہٹیں بکھیرنے میں ہمارا ساتھ دیں اور سیلاب متاثرین کی بحالی میں بحیثیت قوم اپنا کردار ادا کریں۔ منہاج ویلفیئر فاؤنڈیشن کی ٹیمیں ملک بھر میں سیلاب سے متاثرہ علاقوں میں عوام کی خدمت کے لئے مصروفِ عمل ہیں۔ نیچے دیئے گئے اکاؤنٹس اور لنک پر عطیات دے کر زندگیاں بچانے میں ان کا ساتھ دیں۔
منہاج ویلفیئر فاؤنڈیشن کے زیراہتمام منہاج ویمن لیگ فیصل آباد کی ٹیم نے جنوبی پنجاب کے سیلاب سے متاثرہ مختلف علاقوں بصیرہ جدید، ببٹ مونگڑ، بستی کھوکھراں اور دیگر مقامات پر میڈیکل کیمپس کا انعقاد کیا۔ ان کیمپس میں 1200 خواتین اور بچوں کو طبی سہولیات اور مفت ادویات فراہم کی گئیں۔ اس موقع پر منہاج ویمن لیگ کی میڈیکل ٹیم کا کہنا تھا کہ متاثرین کی خدمت کرنا ہم سب کا دینی و اخلاقی فریضہ ہے۔
منہاج القرآن ویمن لیگ جرمنی کے زیراہتمام بچوں کی آنلائن ’’امام حسین علیہ السلام‘‘ کانفرنس 28 اگست 2022 کو منعقد ہوئی، جسمیں بچوں نے گوگل میٹ کے ذریعے شرکت کی۔ اس موقع پر محفل میں دنیا بھر سے بچوں اور بچیوں نے شر کت کی۔
پاکستان میں حالیہ سیلابی صورتحال کے پیش نظر منہاج القرآن ویمن لیگ کے ذیلی شعبہ ایگرز کے زیرِاہتمام بچوں میں جذبہ ایثار و قربانی اور جذبہ انسانیت کو پروان چڑھانے کے لیے قطرہ قطرہ نیکی کے عنوان سے ملک گیر فنڈ ریزنگ مہم کا آغاز کیا گیا ہے۔ اس مہم کے تحت بچے اپنے جیب خرچ سے سیلاب متاثرین بہن بھائیوں کے لیے عطیات اور کھانے پینے کی اشیاء دے رہے ہیں۔
منہاج القرآن ویمن لیگ کی مرکزی ٹیم سیلاب متاثرین کی امداد کے ضلع لیہ پہنچ گئی، جہاں انہوں نے منہاج ویلفیئر فاؤنڈیشن کے زیراہتمام سیلاب متاثرین کے لیے امدادی سرگرمیوں میں حصہ لیا۔ اس موقع پر منہاج ویمن لیگ ٹیم کی طرف سے متاثرین میں امدادی سامان تقسیم کیا گیا۔
منہاج ویمن لیگ سینٹرل پنجاب بی رجانہ اور گوجرانوالہ کے زیراہتمام سیلاب زدگان کی امداد کے لیے ضروریات زندگی کی اشیاء کو جمع کیا گیا، اس سلسلہ میں منہاج ویمن لیگ کی ٹیم نے سیلاب زدگان کی مدد کے لیے سلے ہوئے کپٹرے، فوڈ پیکج اور دیگر اشیاء کے بنڈل تیار کیے ہیں، جو متاثرہ علاقوں میں سیلاب زدگان کو پہنچائے جائیں گے۔
منہاج القرآن ویمن لیگ کی مرکزی ٹیم کے جہلم وزٹ کے دوران سرائے عالمگیر کی ذمہ داران و کارکنان کے ساتھ تنظیمی و تربیتی اجلاس منعقد ہوا، جس میں ناظمہ زونز اے محترمہ انیلا الیاس ڈوگر اور ڈائریکٹر نظامتِ دعوت و تربیت محترمہ سحر عنبرین نے خصوصی شرکت کی۔
منہاج ویمن لیگ جرمنی کے زیراہتمام ’’امام حسین علیہ السلام کانفرنس‘‘ 20 اگست 2022 کو کوبلنز میں منعقد ہوئی، جس میں محترمہ خدیجہ نواز نے واقعہ کربلا کی داستان خطاب کی شکل میں بیان کی۔ انہوں نے کہا کہ 9 محرم الحرام کو جب رات کا اندھیرا چھا چکا تھا تو امام عالی مقام نے سب چراغ بجھا دیئے اور فرمایا کہ اے میرے اصحاب، دوستو، بچو، بوڑھوں، مومنین بھائیوں، یہ لوگ میرے خون کے پیاسے ہیں۔
بانی و سر پرست تحریک منہاج القرآن شیخ الاسلام ڈاکٹر محمد طاہرالقادری نے منہاج القرآن ویمن لیگ کی مرکزی ناظمہ شعبہ جات عائشہ مبشر کی والدہ محترمہ کے انتقال پر اظہار تعزیت کرتے ہوئے اپنے تعزیتی پیغام میں کہا ہے کہ عائشہ مبشر کی والدہ ماجدہ متقی، پرہیزگار اور نیک سیرت خاتون تھیں۔ اللہ رب العزت مرحومہ کی بخشش و مغفرت فرمائے، جنت الفردوس میں اعلیٰ مقام عطا فرمائے۔
منہاج القرآن ویمن لیگ کے فورم ایگرز کے زیراہتمام ”سر سبز پاکستان“ کے عنوان سے شجر کاری مہم کا آغاز کیا گیا جس میں ایگرز فورم کی عہدیداران اور ایگرز کلب کے بچوں نے بڑی تعداد میں شرکت کی۔ بچوں نے شجر کاری مہم میں بھرپور حصہ لیتے ہوئے اپنے والدین کے نام کے پودے بھی لگائے۔ اس سال لاہور سمیت پورے ملک میں 10 ہزار پودے لگائے جائیں گے۔
منہاج القرآن ویمن لیگ کے زیر اہتمام 75ویں یوم آزادی کے موقع پر مرکزی سیکرٹریٹ میں ”تحریک پاکستان میں خواتین کا کردار“ کے عنوان سے ایک پروقار تقریب کا انعقاد کیا گیا۔ تقریب میں مختلف شعبہ ہائے زندگی سے تعلق رکھنے والی خواتین رہنماؤں نے شرکت کی۔ مقررین نے تحریک پاکستان میں حصہ لینے والی خواتین کو خراج تحسین پیش کرتے ہوئے کہا کہ تحریک پاکستان ہو یا تعمیر پاکستان کی جدوجہد خواتین نے مرکزی کردار ادا کیا، آبادی کے 50 فی صد کو ترقی کے دھارے سے باہر رکھ کر کوئی بھی ہدف حاصل نہیں کیا جا سکتا۔
4M
فیس بک
2M
ٹوٹر
© 1994 - 2026 Minhaj-ul-Quran International.
