سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج سسٹرز یورپ کے زیراہتمام بارسلونا سپین میں ’’التربیہ کیمپ 2022‘‘ کا آغاز ہو گیا، افتتاحی تقریب میں ڈاکٹر غزالہ حسن قادری نے تربیتی خطاب کرتے ہوئے کہا کہ دین اسلام کی خدمت کرنا اور منہاج القرآن کے ساتھ وابستگی کا تعلق ہونا ایک بہت بڑی نعمت الہی ہے، جس پر ہمیں اجتماعی شکر ادا کرنا چاہیے۔ انہوں نے کہا کہ دنیا بھر میں دعوت دین اور منہاج القرآن کا تجدیدی کام شیخ الاسلام ڈاکٹر محمد طاہرالقادری کا وہ کام ہے، جس پر ہمیں طور کارکن فخر ہے۔
منہاج القرآن ویمن لیگ اسلام آباد کی طرف سے تحریک منہاج القرآن کے زیراہتمام خواتین شہراعتکاف 2022ء میں شریک ہونے والی معتکفات کے اعزاز میں عید ملن پارٹی کا اہتمام کیا گیا۔ جس میں مختلف اضلاع سے تعلق رکھنے والی معتکفات نے شرکت کی۔ اس موقع پر ایگرز کے بچوں کے درمیان تحائف بھی تقسیم کیے گئے۔
منہاج القرآن ویمن لیگ کے زیراہتمام خواتین شہر اعتکاف 2022ء کا جائزہ اجلاس مرکزی سیکرٹریٹ میں صدر فرح ناز کی زیرصدارت منعقد ہوا، جس میں منہاج ویمن لیگ کی مرکزی کمیٹی سمیت تمام کمیٹیوں کی سربراہان نے شرکت کی۔ اس موقع پر کمیٹی سربراہان نے اپنی اپنی کمیٹی کی کارکردگی رپورٹ مرکزی صدر فرح ناز کو پیش کی۔
منہاج القرآن ویمن لیگ لاہور پی پی 155 کے زیرِ اہتمام ’’فہم دین ورکشاپ‘‘ کا انعقاد کیا گیا۔ جس میں صدر منہاج القرآن ویمن لیگ لاہور محترمہ نورین علوی، ناظمہ لاہور محترمہ فہنیقہ ندیم اور نائب ناظمہ نصرت رفیق نے خصوصی شرکت کی۔
منہاج ویمن لیگ مڈلینڈ ٹیم کی ڈاکٹر غزالہ حسن قادری کے ساتھ ملاقات ہوئی، جس میں مڈلینڈ کی 10 زونل ٹیموں کی عہدیدار بھی شامل تھیں۔ اس موقع پر مڈلینڈ ٹیم کی عہدیداروں نے ورکنگ پلان، کارکردگی رپورٹ، دعوۃ پراجیکٹ اور مختلف زونز کے نتائج کے حوالے سے ڈاکٹر غزالہ حسن قادری کو اگاہ کیا، جسے انہوں نے سراہا۔
منہاج ویمن لیگ برطانیہ کی ایگزیکٹیو ٹیم نے ڈاکٹر غزالہ حسن قادری سے برمنگھم میں ملاقات کی۔ اس موقع پر ایگزیکٹیو ٹیم کی ممبران نے منہاج ویمن لیگ یوکے کی سالانہ کارکردگی رپورٹ پیش کی، جس میں منہاج ویمن لیگ یوکے کی مختلف زونل صدور کی کارکردگی کو بھی سراہا گیا۔
منہاج القرآن ویمن لیگ یوکے کے زیراہتمام ایوارڈ تقریب منعقد ہوئی، جس میں منہاج ویمن لیگ انٹرنیشنل کی صدر ڈاکٹر غزالہ حسن قادری نے خطاب کیا۔ اس موقع پر منہاج ویمن لیگ یوکے کی 38 تنظیمات اور برطانیہ بھر سے منہاج ویمن لیگ کی 400 ایگزیکٹیو ممبران نے بھی تقریب میں شرکت کی۔ ڈاکٹر غزالہ حسن قادری نے اظہار خیال کرتے ہوئے کہا کہ منہاج ویمن لیگ یوکے کے دعوتی پراجیکٹ کی کامیابی میں تمام ممبران کا کردار ہے، جس پر وہ تمام مبارکباد کی مستحق ہیں۔
منہاج القرآن ویمن لیگ کے زیرِاہتمام ملک بھر کی عہدیداران و ذمہ داران کے ساتھ آن لائن اجلاس بسلسلہ فہم دین پراجیکٹ منعقد ہوا، جس میں مرکزی ناظمہ منہاج القرآن ویمن لیگ محترمہ سدرہ کرامت نے سوشل میڈیا کو دعوت دین کا مؤثر ذریعہ قرار دیا۔
منہاج القرآن انٹرنیشنل کے صدر ڈاکٹر حسین محی الدین قادری نے خواتین کی تربیتی نشست سے خطاب کرتے ہوئے کہا کہ تہذیب یافتہ معاشرہ کی تشکیل میں تعلیم یافتہ ماں کا کردار مرکزی ہے، قرآن و سنت کے تابع گزرنے والی زندگی ہی کامیاب زندگی ہے، اچھا اخلاق رزق اور زندگی میں برکت کا سبب بنتا ہے۔
منہاج القرآن ویمن لیگ کے زیراہتمام خواتین شہر اعتکاف میں حلقات التربیہ کا انعقاد کیا گیا، جس میں سینکڑوں معتکفات خواتین کی روحانی بالیدگی کے ساتھ تعلیم و تربیت کی جا رہی ہے۔ حلقات التربیہ میں منہاج القرآن ویمن لیگ کی اسکالرز کے لیکچرز پر مشتمل 9 تربیتی حلقہ جات شامل ہیں۔ ویمن اعتکاف 2022 کے پہلے روز تربیتی حلقہ جات میں قرآن مجید کو تجوید کے ساتھ پڑھنے کے بنیادی اصول پڑھائے کے ساتھ ساتھ عملی مشق کے ذریعے نماز پڑھنے کا طریقہ بھی سکھایا گیا۔
منہاج ویمن لیگ کے زیراہتمام خواتین شہر اعتکاف میں بعد از نمازِ عصر استقبالیہ تقریب ’’مجالس الاعتکاف‘‘ میں صدر منہاج القرآن ویمن لیگ انٹرنیشنل ڈاکٹر غزالہ قادری نے خصوصی شرکت کی۔ اس موقع پر انہوں نے ’’خلوت نشینی کے آداب‘‘ پر خصوصی گفتگو کی۔ انہوں نے کہا کہ خواتین شہراعتکاف میں پاکستان کے طول و عرض سے دل کی دنیا بدلنے کی نیت سے تشریف لائی، اللہ تعالیٰ ان کی نیات کو قبول فرمائے۔
شہر اعتکاف (توبہ اور آنسوؤں کی بستی) ویمن اعتکاف گاہ میں معتکف سیکڑوں خواتین کے لیے جہاں روحانی بالیدگی اور اجتماعی عبادات کا اہتمام کیا گیا ہے وہیں خواتین کی تعلیم و تربیت کے لیے منہاج القرآن ویمن لیگ کی اسکالرز کے زیرِ نگرانی 9 تربیتی حلقہ جات کا بھی انعقاد کیا جا رہا ہے جس کا بنیادی مقصد خواتینِ معاشرہ کو حقوق العباد، صحبت صالح کی اہمیت، انفاق فی سبیل للہ اور قرون اولیٰ کی خواتین کے کردار کو مشعل راہ بنا کر معاشرے کی تعمیر و ترقی میں اپنا مثبت کردار ادا کرنے کی طرف راغب کرنا ہے۔
منہاج کالج برائے خواتین میں ’’رمضان المبارک محاسبہ نفس اور تعمیر و تطہیرِ کردار کا مہینہ‘‘ کے موضوع پر تربیتی سیشنز کا انعقاد کیا گیا تھا، اس کی اختتامی نشست و افطار ڈنر میں محترمہ فضہ حسین قادری نے خصوصی شرکت کی۔ اس موقع پر انہوں نے طالبات سے ’’صبر و استقامت‘‘ کے موضوع پر گفتگو کرتے ہوئے کہا کہ رمضان المبارک عبادت و ریاضت میں اضافہ و سبقت کا مہینہ ہے۔ بلاشبہ رمضان المبارک روزہ داروں کو اللہ رب العزت کی رضا کی خاطر بھوک اور پیاس برداشت کر کے عملی طور پر صبر کا درس دیتا ہے۔
منہاج القرآن ویمن لیگ کے ذیلی فورم ایگرز کا اجلاس مرکزی سیکرٹریٹ ماڈل ٹاؤن میں منعقد ہوا۔ اجلاس میں بچوں کیلئے تیسرے سالانہ نفلی اعتکاف کے انعقاد کا اعلان کیا گیا۔ ایگرز کی رہنماؤں نے اجلاس میں بتایا کہ بچوں کیلئے نفلی اعتکاف کا مقصد نسل نو کو دین اسلام کی عبادات کے تصور ذہن نشین کروانا ہے۔ اجلاس میں فضہ حسین قادری، صدر منہاج القرآن ویمن لیگ ڈاکٹر فرح ناز، ناظمہ منہاج القرآن ویمن لیگ سدرہ کرامت، انیلہ الیاس، ام حبیبہ اسماعیل، عائشہ مبشر و دیگر خواتین رہنماؤں نے شرکت کی۔
منہاج القرآن ویمن لیگ حافظ آباد وائس کے زیراہتمام رمضان المبارک کی آمد پر اہل علاقہ میں سے مستحقین کے لیے رمضان راشن پیکج تقسیم کیا گیا۔ اس سلسلہ میں منہاج ویلفیئر فاؤنڈیشن حافظ آباد کے تعاون سے وائس کی ٹیم محترمہ نسیم صابر گجر، محترمہ غلام فاطمہ اور محترمہ مسرت انجم نے حافظ آباد میں 10 مستحق خاندانوں تک رمضان راشن پیکج پہنچایا۔
4M
فیس بک
2M
ٹوٹر
© 1994 - 2026 Minhaj-ul-Quran International.
