سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن ویمن لیگ کی ملک بھر میں تنظیمات کے آنلائن اجلاس کا اہتمام کیا گیا، جس کی صدارت منہاج ویمن لیگ کی جنرل سیکرٹری محترمہ سدرہ کرامت نے کی۔ اس موقع پر انہوں نے تنظیمات کی کارکردگی کا جائزہ لیا۔ اس موقع پر انہوں نے منہاج القرآن ویمن لیگ کے 34ویں یوم تاسیس کے موقع پر شیخ الاسلام ڈاکٹر محمد طاہرالقادری کی طرف سے تہنیتی و حوصلہ افزائی کا خط بھی تنظیمات سے شیئر کیا، جو آپ نے اپنے ہاتھ سے لکھا تھا۔
منہاج القرآن ویمن لیگ کے 34ویں یوم تاسیس کی مرکزی تقریب میں منہاج القرآن انٹرنیشنل ویمن لیگ کی صدر ڈاکٹر غزالہ حسن قادری نے اظہار خیال کرتے ہوئے کہا کہ منہاج ویمن لیگ نے حقوق نسواں کی بحالی، دین اسلام کی اقدار کے فروغ کے ساتھ 34 برس کا سفر مکمل کیا ہے۔ یہ سفر ایک عزم و ہمت، حوصلہ اور استقلال کا سفر ہے۔ انہوں نے کہا کہ الحمدللہ شیخ الاسلام ڈاکٹر محمد طاہرالقادری نے چار دہائیاں قبل خواتین کی علمی و عملی رہنمائی کے لیے ایک جدوجہد کا آغاز کیا تھا، آج یہ چراغ منہاج القرآن ویمن لیگ کی شکل میں دنیا بھر میں روشن ہو چکا ہے۔
تحریک منہاج القرآن کے قائد شیخ الاسلام ڈاکٹر محمد طاہرالقادری نے منہاج القرآن ویمن لیگ کے 34 ویں یوم تاسیس کے موقع پر منہاج القرآن سے وابستہ خواتین کو مبارکباد دیتے ہوئے کہا ہے کہ پاکیزہ اور مہذب معاشرہ کی تشکیل میں تعلیم یافتہ خواتین کا کردار مرکزی ہے۔ علم، امن اور تربیت کے فروغ کے لئے ویمن لیگ نے مثالی خدمت انجام دے دی اور یہ سلسلہ آب و تاب کے ساتھ جاری ہے۔
منہاج القرآن ویمن لیگ کراچی کے زیراہتمام جامع مسجد رحمانیہ میں تحریک منہاج القرآن کے روحانی سرپرست حضور قدوۃ الاولیاء سیدنا طاہر علاؤالدین القادری الگیلانی البغدادی رضی اللہ عنہ کی صاحبزادی مرحومہ کے ایصال ثواب کے لیے قرآن خوانی کا اہتمام کیا گیا۔ اس موقع پر مرحومہ کے بلندی درجات کی خصوصی دعا کی گئی۔
منہاج القرآن ویمن لیگ ایگزیکٹو ٹیم نے مرکزی گوشۂ درود میں تحریک منہاج القرآن کے روحانی سرپرست حضور قدوۃ الاولیاء سیدنا طاہر علاؤالدین القادری الگیلانی البغدادی رضی اللہ عنہ کی صاحبزادی مرحومہ کے ایصال ثواب کے لئے دعائیہ تقریب کا انعقاد کیا، دعائیہ تقریب میں قرآن خوانی اور فاتحہ خوانی کا اہتمام کیا گیا، اس موقع پر مرحومہ کی بلندی دجارت کے لیے خصوصی دعا کی گئی۔
منہاج القرآن ویمن لیگ لاہور پی پی 167 کے زیرِاہتمام ’’محفلِ غوث الثقلین‘‘ کا انعقاد کیا گیا، جس میں مرکزی ناظمہ ویمن لیگ محترمہ سدرہ کرامت نے اُنہوں نے تعلیماتِ غوث الاعظم کے موضوع پر گفتگو کی۔ محفل میں مختلف شعبہ ہائے زندگی سے تعلق رکھنے والی دیگر معروف شخصیات نے بھی شرکت کی۔
منہاج القرآن ویمن لیگ کے زیرِاہتمام ’’فہم دین ٹریننگ ورکشاپ‘‘ کا انعقاد کیا گیا۔ اس موقع پر مرکزی ناظمہ ویمن لیگ نے ’’آؤ فکر قائد کو فروغ دیں‘‘ کے عنوان سے مہم کا اعلان کیا۔ فہم دین ٹریننگ ورکشاپ کا باقاعدہ آغاز تلاوتِ کلامِ پاک اور نعت رسولِ مقبول ﷺ سے ہوا جس کے بعد محترمہ سدرہ کرامت نے فہم دین پراجیکٹ کے اغراض و مقاصد کے متعلق آگاہی فراہم کرتے ہوئے سافٹ ویئر کی ٹریننگ کے متعلق چند ضروری ہدایات دیں۔
منہاج القرآن ویمن لیگ کے زیراہتمام ماہانہ حلقہ درود و فکر اور ماہانہ اجلاس منعقد ہوا، جس میں منہاج ویمن لیگ ڈگری کی صدر محترمہ عافیہ نے شرکت کی جبکہ اجلاس کی صدارت زونل ناظمہ سندھ محترمہ عائشہ مبشر نے کی۔ اجلاس میں ملک بھر میں حلقات درود و فکر اور عرفان الھدایہ کے شارٹ کورسز کے دوبارہ اجراء پر غور کیا گیا۔
منہاج القرآن ویمن لیگ پتوکی ضلع قصور کے زیرِاہتمام محفلِ میلاد النبی ﷺ کا انعقاد کیا گیا جس میں نائب ناظمہ منہاج القرآن ویمن لیگ محترمہ عائشہ مبشر نے خطاب کیا۔ انہوں نے سیرت النبی ﷺ کے مختلف گوشوں پر گفتگو کی۔ اس موقع پر شہر بھر سے خواتین کی بڑی تعداد محفل میں شریک ہوئی۔
منہاج القرآن ویمن لیگ دیپالپور کی نظامتِ دعوت و تربیت کے زیرِاہتمام دسویں سالانہ محفل میلادالنبیﷺ کا انعقاد کیا گیا، جس میں محترمہ کلثوم طارق نے ’’عشق مصطفیٰ ﷺ کی برکات اور صحابہ کرام کی زندگی میں محبت مصطفی صلی اللہ علیہ وسلم کی فضیلت‘‘ بیان کی اور شیخ الاسلام ڈاکٹر محمد طاہرالقادری کی کتابوں کا تعارف بھی پیش کیا۔
منہاج القرآن ویمن لیگ نے دورہ بلوچستان کے دوران جعفر آباد میں محفلِ میلاد النبی ﷺ کا اہتمام کیا جس میں زونل ناظمہ بلوچستان محترمہ انیلہ الیاس نے خصوصی گفتگو کی۔ اس موقع پر خواتین کی بڑی تعداد محفل میں شریک ہوئی۔ محترمہ انیلہ الیاس نے سیرت النبی ﷺ کے حوالے سے گفتگو کرتے ہوئے کہا کہ حضور صلی اللہ علیہ وآلہ وسلم کی محبت ہی اصل ایمان ہے۔
منہاج القرآن ویمن لیگ کے مرکزی وفد کی جانب سے گورنمنٹ ڈگری کالج سبی کا وزٹ کے دوران محفل میلاد النبی ﷺ کا اہتمام کیا گیا، جس میں ڈائریکٹر دعوت و تربیت ڈیپارٹمنٹ سحر عنبرین نے اظہار خیال کرتے ہوئے ’’صحابیات رسولﷺ کی تعلیمات اور دور حاضر میں خواتین کی خدمت دین کے لئے ذمہ داریاں‘‘ بیان کیں۔ ڈپٹی ڈائریکٹر عرفان الہدیہ اقراء مبین نے الہدایہ ڈیپارٹمنٹ کا تعارف بالخصوص ڈپلومہ ان قرآن سٹڈیز اور دیگر کورسز کے حوالے سے بریفنگ دی۔
منہاج القرآن ویمن لیگ کوئٹہ کے زیراہتمام محفل میلاد النبی ﷺ میں زونل ناظمہ بلوچستان انیلہ الیاس نے ’محبت مصطفیٰ ﷺ ایمان کی بقاء کی ضامن ہے‘ کے موضوع پر خطاب کرتے ہوئے کہا کہ ایمان دراصل تعلقِ مصطفیٰ ﷺ ہی کا نام ہے۔ اگر یہ تعلق استوار نہ ہو تو کوئی شخص ایمان کے درجے کو نہیں پہنچ سکتا۔ انہوں نے کہا کہ ایمان کا معیار اس کے سوا اور کچھ نہیں کہ دنیا و مافیہا کی ہر شے سے بڑھ کر حضور نبی اکرم ﷺ کی ذات سے محبت کی جائے۔
منہاج القرآن ویمن لیگ کے وفد نے منہاج القرآن ماڈل سکول راڑا شم ضلع موسیٰ خیل (بلوچستان) کا دورہ کیا، اس موقع پر وفد کی سکول کے اساتذہ کرام اور سٹاف کے ساتھ تعارفی نشست کا انعقاد کیا گیا، جس میں منہاج ویمن لیگ کی زونل ناظمہ بلوچستان محترمہ انیلہ الیاس نے منہاج القران ویمن لیگ کا تعارف کروایا۔ اس موقع پر منہاج القرآن ویمن لیگ کی 5 رکنی تنظیم تشکیل دی گئی۔
منہاج ویمن لیگ کے زیراہتمام 10 روزہ ڈپلومہ ان قرآن سٹڈیز کی اختتامی تقریب منعقد ہوئی، جس میں منہاج القرآن ویمن لیگ کے مرکزی وفد نے شرکت کی۔ وفد میں نائب زونل ناظمہ محترمہ مصباح مصطفیٰ اور ڈائریکٹر کورسز عرفان الہدایہ ڈیپارٹمنٹ محترمہ صائمہ نور شامل تھیں۔ تقریب میں سابقہ زونل ناظمہ محترمہ ادیبہ چوہدری نے بھی شرکت کی۔ اس موقع پر اختتامی تقریب میں نمایاں کارکردگی دکھانے والے طلباء وطالبات میں اسناد تقسیم کی گئی۔
4M
فیس بک
2M
ٹوٹر
© 1994 - 2026 Minhaj-ul-Quran International.
