سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن چیچہ وطنی اور اسکے فورمز کے زیراہتمام قائد ڈے تقریبات کے سلسلے میں ’’سفیر امن سیمینار‘‘ کا انعقاد کیا گیا جس میں مرکزی صدر منہاج القرآن یوتھ لیگ مظہر محمود علوی نے خصوصی شرکت کی۔ اس موقع پر مظہر علوی نے خطاب کرتے ہوئے کہا کہ دور حاضر میں اعتدال پسندی کی عملی تصویر ڈاکٹر طاہرالقادری ہیں۔ شیخ الاسلام ڈاکٹر محمد طاہرالقادری نے ہر فیلڈ میں اعتدال پسندی کے رویوں کے ذریعے انتہا پسندانہ رجحانات کے خاتمے کے لئے اہم کردار ادا کیا۔
تحریک منہاج القرآن لودھراں کے زیراہتمام ماہانہ درس عرفان القرآن 20 فروری 2018ء کو معنقد ہوا، جس میں مرکزی ناظم دعوت علامہ غضنفر حسنین قادری نے خطاب کیا۔ انہوں نے کہا ہے کہ آج ہمیں اپنے ظاہر و باطن کو پاک کرنے کی ضرورت ہے، آج ہماری توجوہات کا مرکز صرف عبادات رہ گئی ہیں، محبت، خلوص، بھائی چارہ ہماری زندگی سے دور ہوتا جا رہا ہے۔
تحریک منہاج القرآن کے بانی و سرپرست اعلیٰ اور منہاج یونیورسٹی لاہور کے فاؤنڈر، چیئرمین بورڈ آف گورنرز ڈاکٹر طاہرالقادری کی 67 ویں سالگرہ کے موقع پر خصوصی تقریب منہاج یونیورسٹی لاہور میں منعقد ہوئی۔ بورڈ آف گورنرز کے وائس چیئرمین ڈاکٹر حسین محی الدین نے تقریب کی صدارت کی۔ پروگرام میں وائس چانسلر منہاج یونیورسٹی لاہور ڈاکٹر محمد اسلم غوری، ناظم اعلیٰ تحریک منہاج القرآن خرم نواز گنڈا پور، نائب صدر منہاج القرآن بریگیڈئر (ر) اقبال احمد خان، کرنل (ر) محمد مبشر، کرنل (ر) محمد احمد، یونیورسٹی کے لیکچررز، پروفیسرز نے شرکت کی۔
ڈاکٹر محمد طاہرالقادری کی 67 ویں سالگرہ 19 فروری کو منائی جارہی ہے، پاکستان سمیت 100 ممالک میں قائم تحریک منہاج القرآن کے اسلامک سنٹرز میں ان کی علمی تحقیقی خدمات پر سیمینارز اور خصوصی تقاریب منعقد ہورہی ہیں۔ مرکزی تقریب 19 فروری کی رات ادارہ منہاج القرآن لاہور میں منعقد ہورہی ہے۔ ڈاکٹر محمد طاہرالقادری کی 67 ویں سالگرہ کے موقع پر سیاسی، مذہبی جماعتوں کے سربراہان، سپورٹس، شوبز اور مختلف شعبہ ہائے زندگی سے تعلق رکھنے والی ممتاز شخصیات نے انہیں 67 ویں سالگرہ پر مبارکباد دی ہے۔
تحریک منہاج القرآن کے بانی و سرپرست پاکستان عوامی تحریک کے سربراہ ڈاکٹر محمد طاہر القادری کی 67 ویں سالگرہ پاکستان سمیت دنیا بھر میں منائی گئی۔ کینیڈا ٹورنٹو میں ڈاکٹر محمد طاہرالقادری کے پوتوں حماد مصطفی المدنی اور احمد مصطفی العربی نے ان کیلئے کیک کاٹنے کی تقریب کا اہتمام کیا۔
پاکستان عوامی تحریک سندھ کراچی کے زیراہتمام ڈاکٹر محمد طاہرالقادری کی 67 ویں سالگرہ کی تقریبات ندھ بھر میں منعقد ہوئیں۔ کراچی بلدیہ میں سفیر امن سیمینار، گلشن حدید میں لیڈر آ ف اسلام سیمینار، کورنگی میں ڈاکٹر قادری آرائونڈ دی گلوب سیمینار، ملیر میں کیک کٹنگ، طارق روڈ، کلفٹن، ڈیفنس، گلشن اقبال، دھوراجی، سندھی مسلم سوسائٹی اور عسکری میں بکروں کا صدقہ دیا گیا۔
شیخ الاسلام ڈاکٹر محمد طاہرالقادری کی 67 ویں سالگرہ جنوبی کوریا میں جوش و خروش سے منائی گئی۔ منہاج القرآن انٹرنیشنل (جنوبی کوریا) اور پاکستان عوامی تحریک (جنوبی کوریا) کے زیر اہتمام 19 فروری 2018ء کو سیئول (اتیوان سٹی) بمبئی گرل ہوٹل میں قائد ڈے تقریب منعقد ہوئی۔
شیخ الاسلام ڈاکٹر محمد طاہرالقادری کی 67 ویں سالگرہ کے موقع پر منہاج القرآن انٹرنیشنل کے زیراہتمام مرکزی سیکرٹریٹ میں دعائیہ تقریب کا انعقاد کیا گیا۔ دعائیہ تقریب کی صدارت ڈاکٹر حسین محی الدین قادری نے کی۔ شیخ الاسلام ڈاکٹر محمد طاہرالقادری کینیڈا سے ویڈیو لنک کے ذریعے تقریب میں شریک ہوئے۔ پروگرام تلاوت و نعت اور محفل سماع پر مشتمل تھا۔ محفل سماع میں معروف قوال فیض علی فیضی نے قوالی پیش کی۔
شیخ الاسلام ڈاکٹر محمد طاہرالقادری کی 67 ویں سالگرہ کے موقع پر پاکستان عوامی تحریک حیدرآباد کی جانب سے قائد ڈے تقریب منعقد کی گئی۔ تقریب کی صدارت یونس القادری نے کی۔ اس موقع پر عوامی تحریک حیدرآباد کے قائدین نے بھی پروگرام میں شرکت کی۔ یوتھ کی جانب سے سیّد مبشّر شاہ، وقار یونس، زوہیب چنّہ، زوہیب حسین، دلنواز بلوچ، آصف بلوچ اور دیگر کارکنان پروگرام میں شریک ہوئے۔
شیخ الاسلام ڈاکٹر محمد طاہرالقادری کی آبائی رہائش گاہ دارالفرید جھنگ میں 19 فروری 2018ء کو قائد ڈے کی تقریب کا اہتمام کیا گیا۔ یہ پروگرام منہاج القرآن جھنگ کے زیراہتمام دارالفرید فریدیہ ٹرسٹ میں ہوا، جس میں صاحبزادہ الحاج محمد صبغت اللہ قادری، رضا المصطفیٰ قادری اور محمد زین العابدین قادری مہمان خصوصی تھے۔
شیخ الاسلام ڈاکٹر محمد طاہرالقادری کی 67 ویں سالگرہ پر مرکزی تقریبات میں آرفن ہوم آغوش کے زیراہتمام قائد ڈے تقریب منعقد ہوئی۔ تقریب کی صدارت منہاج القرآن کے صدر ڈاکٹر حسین محی الدین قادری نے کی۔ تقریب میں خرم نواز گنڈاپور، عالمی شہرت یافتہ نقیب تسلیم صابری، معروف نعت خوان شہباز قمر فریدی، کرنل (ر) محمد مبشر، جی ایم ملک، سید امجد علی شاہ، مرکزی سیکرٹری اطلاعات نور اللہ صدیقی، فرح ناز، شاہد لطیف، عمران بٹ، محمد عامر، رانا محمد فاروق اور ادارہ آغوش کے اساتذہ اور ذمہ داران نے بھی شرکت کی۔
تحریک منہاج القرآن نورکوٹ پی پی 134، شورکوٹ کے زیراہتمام شیخ الاسلام ڈاکٹر محمد طاہرالقادری کی 67 ویں سالگرہ کے موقع پر ’’عالمی سفیر امن کانفرنس‘‘ کا انعقاد کیا گیا، جس میں مرکز سے نائب ناظم اعلیٰ کورآڈینیشن انجینئر محمد رفیق نجم، مرکزی صدر منہاج القران یوتھ لیگ مظہر محمود علوی، مرکزی صدر مصطفوی سٹوڈنٹس موومنٹ چوہدری عرفان یوسف اور پاکستان عوامی تحریک پنجاب کے مرکزی رہنما میاں ریحان مقبول نے بھی خصوصی شرکت کی۔ پروگرام میں سیاسی، سماجی، مذہبی شخصیات اور کارکنان کی بڑی تعداد بھی شریک ہوئی۔
تحریک منہاج القرآن ہارون آباد اور پاکستان عوامی تحریک ہارون آباد کے زیراہتمام 19 فروری 2018ء کو قائد ڈے منایا گیا۔ اس موقع پر شیخ الاسلام ڈاکٹر محمد طاہرالقادری کی سالگرہ کا کیک کاٹا گیا۔ پروگرام میں نائب ناظم دعوت تحریک منہاج القرآن لاہور حضرت علامہ محمد لطیف مدنی نے خصوصی شرکت کی اور سالگرہ کا کیک کاٹا۔ سید عنایت شاہ قادری، حافظ محمد طاہر سعیدی اور سمیر احمد گل بھی پروگرام میں شریک ہوئے۔
شیخ الاسلام ڈاکٹر محمد طاہرالقادری کی 67 ویں سالگرہ کے موقع پر پاکستان عوامی تحریک حیدرآباد کی جانب سے 67 پاؤنڈ کا کیک کاٹا گیا۔ قائد ڈے کی اس تقریب کی صدارت جناب یونس القادری نے کی جبکہ یوتھ کی جانب سے سیّد مبشّر شاہ، وقار یونس، زوہیب چنّہ، زوہیب حسین، دلنواز بلوچ، آصف بلوچ اور دیگر کارکنان نے بھرپور شرکت کی۔ اس موقع پر شیخ الاسلام کی تصانیف کا اسٹال بھی لگایا گیا۔
منہاج القرآن انٹرنیشنل کینیڈا کے زیراہتمام 19 فروری 2018ء کو قائد ڈے منایا گیا، قائد ڈے تقریب کی صدارت شیخ الاسلام ڈاکٹر محمد طاہرالقادری نے کی جبکہ صاحبزادہ حماد مصطفیٰ المدنی اور صاحبزادہ احمد مصطفیٰ العربی نے بھی خصوصی شرکت کی۔ منہاج القرآن انٹرنیشنل کینیڈا کے صدر زاہد سراج، نائب صدر کامران رشید، قائدین و کارکنان سمیت جیو نیوز کے سینئر رپورٹر بدر منیر چودھری بھی پروگرام میں شریک ہوئے۔
4M
فیس بک
2M
ٹوٹر
© 1994 - 2026 Minhaj-ul-Quran International.
