سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل ریپبلک آف چلی کے زیرانتظام 2 دسمبر 2017 کو لاہوری ریسٹورنٹ اقیقے سٹی میں عظیم الشان محفل میلاد مصطفٰی صلی اللہ علیہ وآلہ و سلم کا انعقاد کیا گیا۔ لاطینی امریکہ میں یہ پہلی بار کسی بھی تنظیم کی جانب سے باقاعدہ محفل میلاد مصطفٰی صلی اللہ علیہ وآلہ و سلم کا انعقاد ہوا ہے۔
ڈبلن میں ایک عظیم الشان محفلِ میلاد النبی کا انعقاد کیا گیا، جس میں چوہدری عمران خورشید، شاہین احمد، عتیق باجوہ، عمار علی، ڈاکٹر مدثر، سلیم علی، حافظ محمد سعید، وقار بٹ، ساجد رضا نے محفل میں شرکت کی۔ یہ پروگرام ڈی آر سی ٹیکسی اور ماسٹر آٹوز نے منعقد کیا۔ محفل میں منہاج القرآن انٹرنیشنل آئرلینڈ کے امیر علامہ محمد عدیل نے خطاب کیا۔
منہاج القرآن انٹرنیشنل کینیڈا کے زیراہتمام سالانہ محفل میلاد 2017ء منعقد ہوئی، جس کی صدارت شازیہ شفیق نے کی۔ محفل کا باقاعدہ آغاز تلاوت و نعت سے ہوا۔ علی اکبر اور حسن شفیق نے تلاوت قرآن پاک کی سعادت حاصل کی۔ علینہ مغل نے قرآنی آیات کی ترجمہ پیش کیا جبکہ سسٹر مسرت مغل نے احادیث کی تلاوت بھی کی۔ منہاج یوتھ لیگ کی ٹیم نے حمد باری تعالیٰ کو پیش کیا، جس کے بعد منہاج سسٹرز لیگ اور سسٹر رحیمہ، عفیفہ کامران، ہانیہ شفیق اور ثناء شفیق الگ الگ نعت خوانی کی۔
منہاج القرآن انٹرنیشنل امریکا کا دوسرا سالانہ میلاد النبی ﷺ کا جلوس امریکی ریاست کنیٹیکٹ میں 10 دسمبر 2017 کو منعقد ہوa۔ پیس واک کے نام پر میلاد جلوس کا آغاز سال 2016 میں کیا گیا تھا۔ جلوس کی قیادت منہاج القرآن النور اسلامک سینٹر کے ڈائریکٹر علامہ محمد شریف کمالوی اور منہاج القرآن انٹرنیشنل کنیٹیکٹ کے صدر حاجی غلام سرور نے کی۔ جلوس میں یحیٰ ڈیلوینٹو، حا فظ شہاب الدین احمد، نائب صدر منہاج القرآن سینٹر کنیٹیکٹ وقار احمد بٹ، جنرل سیکرٹری منہاج القرآن سینٹر کنیٹیکٹ محمد عارف زیری اور خلیل احمدگجراتی سمیت عاشقانِ رسول صلی اللہ علیہ وآلہ وسلم کی بڑی تعداد نے بھی جلوس میں شرکت کی۔
ڈاکٹر طاہرالقادری نے شیخ رشید کے ہمراہ پریس کانفرنس کرتے ہوئے کہا ہے کہ جسٹس باقر نجفی کمیشن کی رپورٹ کے ذریعے چھپا ہوا سچ سامنے آگیا۔ عوام کے دباؤ کے ذریعے قاتلوں کے گریبان پکڑیں گے۔ شیخ رشید نے ہمیشہ سانحہ ماڈل ٹاؤن کے ظلم کے خلاف آواز بلند کی، آج بطور خاص ان کی آمد پر ان کے شکر گزار ہیں۔ عوام کی پرامن طاقت سے قاتلوں، لٹیروں کو کک آؤٹ کریں گے۔ جسٹس باقر نجفی کمیشن کی رپورٹ نے شہباز شریف اور رانا ثناء اللہ کو قاتل ڈیکلیئر کر دیا یہی وجہ ہے کہ یہ ساڑھے تین سال اس رپورٹ کو دبا کر بیٹھے رہے۔
پاکستان مسلم لیگ کے مرکزی صدر چودھری شجاعت حسین، سینئر مرکزی رہنما چودھری پرویز الہیٰ اور مجلس وحدت المسلمین کے سیکرٹری جنرل علامہ راجہ ناصر عباس نے عوامی تحریک کے مرکزی سیکرٹریٹ میں ڈاکٹر طاہرالقادری سے ملاقات کی اور شہدائے ماڈل ٹاؤن کے انصاف کیلئے اپنی بھر پور حمایت کا اعادہ کرتے ہوئے مطالبہ کیا کہ جسٹس باقر نجفی کمشن کی رپورٹ آنے کے بعد شہباز شریف اور رانا ثناء اللہ فی الفور استعفیٰ دے کر خود کو قانون کے سامنے سرنڈر کریں۔ ڈاکٹر طاہرالقادری نے چوہدری برادران اور راجہ ناصر عباس کا شکریہ ادا کرتے ہوئے کہا کہ دونوں جماعتوں کے قائدین و کارکنان پہلے دن سے حصول انصاف کی جدوجہد میں شانہ بشانہ ہیں۔
منہاج القرآن ویمن لیگ کے ذیلی پروجیکٹس ایگرز اور وائس کے زیراہتمام لیڈیز چلڈرن کمپلیکس لاہور میں 2 روزہ ’’کڈز میلاد فیسٹول‘‘ مؤرخہ 10 دسمبر 2017 کو منعقد ہوا، شیخ الاسلام ڈاکٹر محمد طاہرالقادری نے فیسٹیول کے آخری روز دورہ کیا اور مختلف سٹالز پر گئے، انکے ہمراہ خواتین رہنما فضہ حسین قادری، فرح ناز، عائشہ مبشر، افنان بابر، زینب ارشد، ایمن یوسف و دیگر شریک تھیں۔
منہاج القرآن ویمن لیگ ساؤتھ کوریا کے زیراہتمام پہلی سالانہ میلاد النبی ﷺ کانفرنس کا انعقاد کیا گیا۔ اس کانفرنس کا انعقاد بمبے گرل ریسٹورنٹ ایتوان سیول میں کیا گیا۔ یہ کوریا میں اپنی نوعیت کی پہلی میلاد کانفرنس تھی جس کا اہتمام صرف خواتین کیلئے کیا گیا۔ اس کانفرنس میں پاکستان ایمبیسی کی نمائندگان، بزنس کمیونٹی کی خواتین سمیت کثیر تعداد میں یونیورسٹی کی طالبات نے شرکت کی۔
پاکستان عوامی تحریک کے سربراہ ڈاکٹر طاہرالقادری نے پاک سرزمین پارٹی کے چیئرمین مصطفی کمال کے ہمراہ عوامی تحریک کے مرکزی سیکرٹریٹ میں پریس کانفرنس سے خطاب کرتے ہوئے کہا کہ سانحہ ماڈل ٹاؤن کی تحقیقات کیلئے پاناما طرز کی غیر جانبدار جے آئی ٹی بنائی جائے۔ جسٹس باقر نجفی کمیشن کی رپورٹ کی روشنی میں ملزمان عہدے چھوڑ کر خود کو قانون کے حوالے کر دیں۔ اتنے کمزور نہیں ہیں کہ استعفیٰ مانگیں ہم استعفے کا حکم دے رہے ہیں بصورت دیگر قانونی، سیاسی اور فیصلہ کن عوامی جدوجہد کیلئے تیار ہیں۔ ماڈل ٹاؤن میں بیریئر نہیں مجھے راستے سے ہٹانے کیلئے آپریشن کیا گیا اور یہ سب حقائق جسٹس باقر نجفی کمیشن کی رپورٹ میں درج ہیں۔
پاکستان عوامی تحریک کے سربراہ ڈاکٹر محمد طاہرالقادری نے تحریک انصاف کے سینئر مرکزی رہنماؤں جہانگیر ترین اور شاہ محمود قریشی کی قیادت میں آنیوالے وفد کے ہمراہ پریس کانفرنس میں سانحہ ماڈل ٹاؤن کے انصاف کیلئے 3 مطالبات پیش کرتے ہوئے کہا کہ شہباز شریف اور رانا ثناء اللہ فوری استعفیٰ دیں، 2 سانحہ ماڈل ٹاؤن میں بالواسطہ، بلاواسطہ ملوث افسران کیس کے حتمی فیصلہ تک عہدے چھوڑ دیں، 3 سانحہ کی تحقیقات کیلئے پانامہ لیکس کی طرز پر با اختیار، غیر جانبدار جے آئی ٹی تشکیل دی جائے۔
آئرلینڈ کے شہر کارک میں پاکستانی کمیونٹی کارک کے زیراہتمام میلاد کانفرنس کارک سٹی میں منعقد ہوئی، جس کی صدارت پیر غلام دستگیر نے کی۔ محفل میں مختلف شعبہ ہائے زندگی سے تعلق رکھنے والے عاشقان مصطفیٰ نے کثیر تعداد میں شرکت کی۔ محفل کا آغاز مرتضی احمد نے تلاوت کلام پاک سے کیا۔ فیاض احمد، عبدالوہاب یونس، ڈاکٹر رضوان صالح، امداد علی، ڈاکٹرسلیم شریف، عامر بٹ، اسد علی، ڈاکٹر گلزار احمد، علی بٹ قادری اور محمد احمد نے حضور نبی اکرم صلی اللہ علیہ وسلم کی بارگاہ اقدس میں گلہائے عقیدت پیش کیے۔
منہاج سکول آف اسلامک سائنسز ڈنمارک کے زیراہتمام اس وقت پانچ شعبہ جات کام کررہے ہیں، اس سکول کے شعبہ اردو لینگوئج اینڈ اسلامک سائنسز ڈنمارک کی تمام کلاسز کے سمسٹر امتحانات کا انعقاد 7، 8 اور 9 دسمبر 2017ء کو کیاگیا، تمام اساتذہ نے امتحانات سے قبل طلباء و طالبات کو سلیبس کے مطابق بھرپور تیاری کروائی اور والدین نے بھی بھرپور تعاون کیا۔
تحریک منہاج القرآن الہ آباد یونین کونسل رسول پور کے زیراہتمام تاجدار ختم نبوت کانفرنس 8 دسمبر 2017ء کی شب جامع مسجد کھجور والی پولیکے میں منعقد ہوئی، جس کی صدارت منہاج القرآن کے مرکزی ناظم دعوت علامہ محمد لطیف مدنی نے کی۔ یہ پروگرام محمد سیلم منہاجین کے والد گرامی حافظ محمد منشاء سلیمی، چچا حاجی رشید احمد اور کزن حافظ محمد سعید عطاری کی سالانہ برسی کے سلسلہ میں منعقد کیا گیا تھا۔ پروگرام میں پتوکی سے خطیب اعظم اور اہل سنت کے نامور عالم علامہ محمد رمضان نقشبندی مہمان خصوصی تھے۔ آستانہ عالیہ بابا ولی سرکار کے سجادہ نشین صاحبزادہ ظفراقبال جنید، منہاج القرآن الہ آباد کے رہنماء شیخ محمد نواز شریف نے بھی کانفرنس میں خصوصی شرکت کی۔
تحریک منہاج القرآن کی عالمی تاجدار ختم نبوت ﷺ کانفرنس میں شرکت کیلئے پاکستان آنے والے نیلسن میڈیلا کے پوتے چیف مانڈلا منڈیلا کے ہمراہ وفد نے پاکپتن میں درگاہ بابا فرید الدین مسعود گنج شکر پر حاضری دی۔ ڈربن جنوبی افریقہ سے تعلق رکھنے والے اسماعیل عبدالحسن خطیب اور ان کے اہل خانہ کے علاوہ منہاج القرآن سائوتھ افریقہ کے رہنماء علامہ طاہر رفیق نقشبندی بھی وفد میں شامل تھے۔
سربراہ پاکستان عوامی تحریک ڈاکٹر محمد طاہرالقادری اور پاکستان پیپلز پارٹی کے شریک چیئرمین آصف علی زرداری نے مشترکہ پریس کانفرنس سے خطاب کرتے ہوئے کہا کہ جسٹس باقر نجفی کمشن کی رپورٹ نے شہباز شریف کو سانحہ ماڈل ٹاؤن کا ذمہ دارٹھہرا دیا لہذا وہ فی الفور مستعفی ہو جائیں، دونوں رہنماؤں نے القدس کو اسرائیلی دارلحکومت بنائے جانے کے فیصلے کی شدید الفاظ میں مذمت کی اور کہا کہ اس فیصلے پر نظر ثانی کی جائے، اس فیصلہ سے مشرق وسطیٰ میں امن کوششوں کو شدید دھچکا لگا ہے، یہ فیصلہ اقوام متحدہ کی قراردادوں کے بھی بر عکس ہے۔
4M
فیس بک
2M
ٹوٹر
© 1994 - 2026 Minhaj-ul-Quran International.
