سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
پاکستان عوامی تحریک ضلع لیہ کے آرگنائزر صاحبزادہ محمد اکرم شاہین انتقال کر گئے، پاکستان عوامی تحریک کے قائدین نے محمد اکرم شاہین کے انتقال پر گہرے دکھ اور رنج کا اظہار کرتے ہوئے کہا ہے کہ صاحبزادہ اکرم شاہین مصطفوی مشن کا عظیم اثاثہ تھے۔ انکی ناگہانی وفات پوری تحریک کے لیے بڑا سانحہ ہے۔ انہوں نے پاکستان عوامی تحریک اور تحریک منہاج القرآن کے لیے اکرم شاہین کی خدمات کو سراہا اور ان کے بلندئ درجات کے لیے دعا کی۔
منہاج القرآن حیدرآباد کے وفد نے منہاج علماء کونسل حیدرآباد کی سرپرستی کے حوالے سےحضرت پیر علامہ عرفان چشتی سے ملاقات کی۔ ملاقات میں ماہانہ درسِ عرفانُ القرآن کے ذریعے سے مشن کے فروغ کا عمل زیرِغور لایا گیا۔ وفد کی قیادت امیرِ تحریک یونس القادری، ناظم علامہ جان محمد بروہی اور پاکستان عوامی تحریک کے صدر خالد راجپوت نے کی۔
تحریک منہاج القرآن ضلع صحبت پور کے امیر سردار علی بنگلزئی کی قیادت میں سانحہ درگاہ فتح پور شریف اور آئین میں ختم نبوت بل کی ترمیم کے خلاف احتجاجی ریلی نکالی گئی۔ ریلی مین چوک سے نکل کر شہر کے مختلف راستوں سے ہوتی ہوئی ڈسٹرکٹ پریس کلب صحبت پور پہنچی ۔ ریلی کے شرکاء کے ہاتھوں میں پلے کارڈ ز تھے جن پر دہشت گردوں اور حکومت کے خلاف نعرے درج تھے ۔
تحریک منہاج القرآن لیہ کے زیر اہتمام 10 اکتوبر 2017 کو ادارہ افکار اسلامیہ میں ماہانہ درسِ عرفان القرآن کا انعقاد کیا گیا جس سے ادارہ افکار اسلامیہ کے ڈائریکٹر سید ساجد شاہ نے خطاب کیا۔ درسِ عرفان القرآن میں تحریک منہاج القرآن لیہ کے صدر مقبول میرانی، جنرل سیکرٹری طالب سہارن، شبیر بھٹی، منہاج القرآن یوتھ لیگ کے ضلعی صدر حسنین رضا، وقاراحمد، محمد اسماعیل، مختیار احمد، تحریک منہاج القرآن، منہاج یوتھ لیگ اور مصطفوی سٹوڈنٹس موومنٹ کے عہدیداران و کارکنان سمیت مختلف سیاسی و سماجی شخصیات اور اہلِ علاقہ نے شرکت کی۔
منہاج القرآن انٹرنیشنل اٹلی بریشیا کے زیراہتمام ’’ذکر حسین علیہ السلام اور پیغام کربلا‘‘ کانفرنس منعقد ہوئی، جس میں صدر منہاج القرآن انٹرنیشنل ڈاکٹر حسین محی الدین قادری نے خصوصی خطاب کیا۔ کانفرنس میں تمام مکاتب فکر افراد سمیت اٹلی بھر سے لوگوں کی ایک بہت بڑی تعداد شریک ہوئی۔ ڈاکٹر حسین محی الدین قادری نے خطاب کرتے ہوئے کہا کہ ذکر حسین اور پیغام کربلا سے ہمیں دو پیغام ملتے ہیں۔ ایک صبرورضا اور دوسرا پیغام اتحاد امت کا ہے۔
پاکستان عوامی تحریک ہارون آباد کے نائب صدر الحاج عبدالغفور عادل کی اہلیہ 2 اکتوبر 2017ء کو انتقال کر گئیں، انا للہ و انا الیہ راجعون۔ تحریک منہاج القرآن ہارون آباد اور تحریک کے تمام فورمز کے قائدین و کارکنان نے مرحومہ کے انتقال پر حاجی عبدالغفور سے اظہار تعزیت کیا ہے۔
شیخ الاسلام ڈاکٹر محمد طاہرالقادری نے سہ روزہ علوم الحدیث کانفرنس کے تیسرے اور آخری روز چاروں صوبوں سے آئے ہوئے علما، مشائخ، خواتین سکالرز سے خطاب کرتے ہوئے کہا کہ پاکستان کے دشمن خارجیت اور فرقہ واریت پھیلا کر اسلام کے قلعہ پاکستان کی بنیادوں کو کھوکھلا کررہے ہیں۔ پاکستان اور اسلام کے بارے میں فکری مغالطے پیدا کر کے نوجوانوں کو گمراہ، حلال اور حرام، سچ اور جھوٹ، نیکی اور بدی، دیانت اور خیانت، امن اور دہشتگردی، جہاد اور فساد کی تمیز ختم کر رہے ہیں اور اہم عہدوں پر براجمان کچھ عہدیدار آلہ کار کا کردار ادا کررہے ہیں۔
سمرقند، بخارا، نیشاپور اور کوفہ و بغداد کی قرونِ اُولیٰ میں ہونے والی علمی و فکری اور تحقیقی مجالس کی یاد تازہ کرتے ہوئے منہاج القرآن علماء کونسل کے زیراِہتمام جامع المنہاج، بغداد ٹاؤن لاہور میں سہ روزہ دورہ علوم الحدیث کا انعقاد کیا گیا جس میں پورے پاکستان سے علماء کرام و مشائخ عظام، شیوخ الحدیث، متعدد مدارس و یونیورسٹیز کے پروفیسرز، ڈاکٹرز، لیکچرار، اساتذہ کرام، معلمات اور منتہی کلاسز کے طلبہ و طالبات نے کثیر تعداد میں شرکت کی۔
شیخ الاسلام ڈاکٹر محمد طاہرالقادری نے میڈیا کانفرنس سے خطاب کرتے ہوئے کہا ہے کہ ختم نبوت کے حلف نامے کو ختم کرنے کے سنگین جرم کی تحقیقات سپریم کورٹ کی سطح پر غیر جانبدار جے آئی ٹی کی طرف سے ہونی چاہیے اور ذمہ داروں کو کڑی سزائیں ملنی چاہیے، چور اپنی چوری کی تحقیقات کیسے کر سکتے ہیں؟ انہوں نے نااہل نواز شریف کی بنائی ہوئی کمیٹی کو مسترد کرتے ہوئے کہا کہ کمیٹی نواز شریف بنائیں یا وزیراعظم ایک ہی بات ہے۔ یہ تحقیقات سپریم کورٹ کرے، ایک مسلّمہ جھوٹا شخص پوچھتا ہے کہ مجھے کیوں نکالا؟
3 ہزار سے زائد علماء، مشائخ، اسلامک سکالرز پر مشتمل جامع المنہاج لاہور میں منعقدہ علوم الحدیث کانفرنس میں ایک قرارداد کے ذریعے مطالبہ کیا گیا کہ ختم نبوت کے حلف میں تبدیلی مسلمہ عقیدہ ختم نبوت پر منظم حملہ تھا، اس حملہ کے پس پردہ تمام کرداروں اور ذمہ داروں کے خلاف سخت کارروائی کی جائے اور انہیں کڑی سزا دی جائے۔ محض ترمیم واپس لینا کافی نہیں ہے۔ ذمہ داروں کے خلاف کارروائی کرنا ریاستی اداروں کی آئینی، ملی اور دینی ذمہ داری ہے۔ اگر ریاستی اداروں نے یہ ذمہ داری پوری نہ کی تو پھر اس ملک کا اللہ ہی حافظ ہے۔ یہ قرارداد پاکستان عوامی تحریک کے سربراہ ڈاکٹر طاہرالقادری نے کانفرنس میں خود پیش کی جس کی چاروں صوبوں بشمول آزاد کشمیر، گلگت بلتستان سے آئے ہوئے علماء، مشائخ اور اسلامک سکالرز نے منظوری دی۔
منہاج القرآن انٹرنیشنل یو ایس اے کے زیراہتمام 07 اکتوبر 2017 کو منہاج القرآن النور اسلامک سینٹر کنیٹیکٹ میں فکر امام حسین علیہ السلام کانفرنس کا انعقاد کیا گیا۔ کانفرنس کا آغاز تلاوتِ قرآنِ مجید سے ہوا جس کی سعادت حافظ نعمان سرور نے حاصل کی، جبکہ النور اسلامک سینٹر کے طلبہ و طالبات نے بارگاہِ نبوی صلی اللہ علیہ وآلہ وسلم میں درود و سلام کا نذرانہ اور قصیدہ بردہ شریف پیش کیا۔ محمد داؤد جعفری اور ارشد لطیف نے نعت اور طارق محمود علوی نے منقبت کی صورت میں گلہائے عقیدت پیش کیے۔ نقابت کے فرائض منہاج القرآن النور اسلامک سینٹر کنیٹیکٹ کے ڈائریکٹر علامہ محمد شریف کمالوی نے انجام دئیے۔
منہاج القرآن انٹرنیشنل کے صدر ڈاکٹر حسین محی الدین قادری 07 اکتوبر 2017 کو منہاج القرآن انٹرنیشنل یونان کی دعوت پر یونان کے 3 روزہ دعوتی و تنظیمی دورے پر پہنچے۔ ایتھنز ایئرپورٹ پر منہاج القرآن انٹرنیشنل یونان کے عہدیداران و کارکنان نے سرکاری پروٹوکول کے ہمراہ ان کا پرتپاک استقبال کیا۔
منہاج القرآن انٹرنیشنل ناروے کے زیراہتمام سالانہ عظیم الشان شہادت امام حسین علیہ السلام کانفرنس کا انعقاد 07 اکتوبر 2017 کو منہاج اسلامک سینٹر اوسلو میں کیا گیا۔ کانفرنس کے مہمانِ خصوصی منہاج القرآن انٹرنیشنل ہاگن (جرمنی) کے ڈائریکٹر علامہ پروفیسر صفدر مجید قادری تھے، جبکہ انگلینڈ سے علامہ مفتی یار محمد قادری، پرویز نثار، علامہ مفتی زبیر تبسم، علامہ اسرار احمد نقشبندی، علامہ مفتی طاہر عزیز، علامہ حافظ نصیر احمد نوری، علامہ صداقت علی قادری اور نوجوان سکالر ناصر علی اعوان سمیت منہاج القرآن انٹرنیشنل کے قائدین و کارکنان اور پاکستانی و مسلم کمیونٹی کے افراد نے شرکت کی۔
پاکستان عوامی تحریک لودھراں کے صدر مہر شعبان ورک کے چچا جان کی قل خوانی کی محفل 04 اکتوبر 2017 کو ان کی رہائش گاہ پر منعقد ہوئی۔ محفل میں ان کے عزیز و اقارب سمیت مختلف سیاسی و سماجی شخصیات، اہلیان علاقہ اور تحریک منہاج القرآن کے کارکنان و عہدیداران نے شرکت کی. محفل سے علامہ عبدالواحد یمنی نے خطاب کیا۔
منہاج القرآن انٹرنیشنل جنوبی افریقہ کے زیراہتمام پاون ٹاون کی مسجد میں شہادت امام حسین کانفرنس یکم اکتوبر 2017ء کو منعقد ہوئی۔ پروگرام میں نٹال کے نائب صدر چوھدری افضل دتہ، وسیم بیگ، پاکستان ایسوسی ایشن پائن ٹان کے محمد عاصم، وسیم بیگ، حیات خان، پاکستان ایسوسی ایشن ڈربن سے محمد اعجاز اور پاکستانی کمیونٹی نے شرکت کی۔
4M
فیس بک
2M
ٹوٹر
© 1994 - 2026 Minhaj-ul-Quran International.
