سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام ڈاکٹر محمد طاہرالقادری نے کہا کہ بدقسمتی سے ہمارے ہاں جمہوریت کے معنی اور مفہوم کو بگاڑ کے رکھ دیا گیا ہے، پاکستان میں جمہوریت اس کی اصل روح کے مطابق نافذ نہیں ہے، انہوں نے کہا کہ دنیا میں اس وقت 25 ممالک ایسے ہیں جہاں پر جمہوریت کا پھل عوام کو مل رہا ہے، جبکہ دنیا کے 53 ممالک میں ناقص جمہوری نظام قائم ہے، جہاں پر انتخابات کو جمہوریت کہا جاتا ہے، لیکن بدقسمتی سے ان 78 ممالک میں پاکستان کا نام شامل نہیں ہے، پاکستان جمہوری لحاظ سے سب سے کم درجے پر فائز ہے، انہوں نے کہا کہ اگر ملک کو بچانا ہے تو اس ظالمانہ نظام کا خاتمہ کر کے ایسا نظام رائج کرنا ہوگا، جس سے غریب کو روزگار، تعلیم، صحت اور دیگر بنیادی سہولیات بآسانی میسر آ سکیں۔
منہاج القرآن یوتھ لیگ کے زیراہتمام کارنر میٹنگز کا سلسلہ جاری ہے۔ اب تک 4 یونین کونسلز میں 25 کارنر میٹنگز کی جا چکی ہیں۔ جن میں بریفنگ کے فرائض صدر منہاج القرآن یوتھ لیگ گلبرگ بی طیب خاں رند اور سینئر نائب صدر نذر نور نے ادا کئے، جبکہ دیگر انتظامات میں اجمل کیانی، زاہد بشیر اور مقرب سلطان نے ادا کئے۔
امیر تحریک منہاج القرآن آزاد جموں وکشمیر سید ابرار سرور شاہ نے 23 دسمبر کو استقبال قائد کے حوالے سے مظفر آباد ڈویژن کا تفصیلی دورہ کیا۔ جس میں انہوں نے تنظیمات کو مزید متحرک کیا اور ان کے کام کا جائزہ لیا۔ اس اہم دورہ میں ناظم تحریک منہاج القرآن آزاد جموں وکشمیر حافظ احسان الحق بھی ان کے ہمراہ تھے۔
تحریک منہاج القرآن اور اس کے تمام فورمز کے زیراہتمام شیخ الاسلام ڈاکٹر محمد طاہرالقادری کی پاکستان آمد کے حوالے سے مختلف تحصیلات میں تشہیری مہم مکمل کر لی گئی ہے، اس تشہیری مہم کے دوران علاقے بھر میں وال چاکنگ، فلیکس بورڈ، رکشہ ڈیزائن، پوسٹرز اور گزرگاہوں پر ہولڈنگ بورڈز آویزاں کیے گئے ہیں، جبکہ عوامی رابطہ مہم مسلسل جاری ہے، جس میں لوگوں کو 23 دسمبر کو مینار پاکستان پر ہونے والے ’سیاست نہیں ریاست بچاؤ عوامی اجتماع‘ میں شرکت کی دعوت دی جا رہی ہے۔
مختلف اداروں میں منعقدہ سیمینارز اور کارنر میٹنگز سے گفتگو کرتے ہوئے انہوں نے کہا کہ بلوچستان کی غیور عوام اور طلبہ پاکستان سے بے پناہ محبت کرتے ہیں، مشکل ترین حالات میں زندگی بسر کرنے کے باوجود امید لئے بیٹھے ہیں کہ ان شاء اللہ ہم اس نظام کو نیست و نابود کردیں گے، جس نے بلوچستان کو مایوسیوں اور اندھیرے کے سوا کچھ نہیں دیا۔
تحریک منہاج القرآن کی سپریم کونسل کے صدر ڈاکٹر حسن محی الدین القادری نے کہا ہے کہ کرپٹ نظام انتخاب کے ہوتے ہوئے آئندہ پچاس الیکشن بھی ملک میں تبدیلی نہ لا سکیں گے۔ 23 دسمبر کو مینار پاکستان میں عوام کا تاریخی اجتماع ہو گا۔ شیخ الاسلام ڈاکٹر محمد طاہر القادری کی کسی سیاسی اور مذہبی جماعت سے کوئی مخالفت نہیں ہے کیونکہ انکا کوئی سیاسی ایجنڈا نہیں ہے۔ وہ 23 دسمبر کو مینار پاکستان میں قوم کو سیاست نہیں ریاست بچانے کا ایجنڈا اور ایک نیا لائحہ عمل دیں گے۔ ہمارا مقصد ریاست بچانا ہے اس لئے طلبہ و طالبات سمیت زندگی کے ہر شعبہ سے تعلق رکھنے والے خواتین و حضرات کو شرکت کی دعوت دے رہے ہیں۔
مصطفوی سٹوڈنٹس موومنٹ سیالکوٹ کی دعوتی مہم زوو و شور سے جاری ہے۔ شیخ الاسلام ڈاکٹر محمد طاہرالقادری کی 23 دسمبر کو پاکستان آمد کے حوالے سے سیالکوٹ فیکٹری ایریا میں دعوتی مہم کا انعقادکیا گیا۔ جس میں صدر ایم ایس ایم تنویر حسین اور کارکنان نے کثیر تعداد میں شرکت کی۔ دعوتی مہم میں سیکٹر 5 کے تحریک منہاج القرآن کے ناظم غالب علی مغل اور سابق ناظم تحریک منہاج القرآن یو سی ماڈل ٹاؤن شاہد حسین نے بھرپور حصہ لیا۔
مورخہ 03 دسمبر 2012ء کو مصطفوی سٹوڈنٹس موومنٹ کے زیراہتمام ''ریاست بچاؤ'' ریلی نکالی گئی۔ جس میں طلباء نے موجودہ کرپٹ انتخابی نظام کے خلاف کتبے اٹھا رکھے تھے اور سارے راستے، سیاست نہیں ریاست بچاؤ، انقلاب انقلاب مصطفوی انقلاب، 23 دسمبر آیا قلندر، جیوے جیوے طاہر جیوے، ویلکم ویلکم طاہر القادری ویلکم کے نعرے لگاتے رہے۔ ریلی میں ڈگری کالج لودہراں، گوگڑاں، کامرس کالج اور مقامی کالجز سے طلباء نے سینکڑوں کی تعداد میں شرکت کی۔
ناظم یو سی92 گجیانہ محمد شفیق نے بتایا کہ تحصیل شیخوپورہ کی یونین کونسل 92 گجیانہ میں شیخ الاسلام ڈاکٹر محمد طاہرالقادری کی پاکستان آمد اور سیاست نہیں ریاست بچاؤ مہم کے حوالے سے تیاریاں مکمل کر لی گئی ہیں۔ اس سلسلے میں علاقے بھر میں بھرپور وال چاکنگ کروائی گئی ہے اور 15 سے زائد علاقوں میں بڑے سائز میں فلیکس سائن بھی آویزاں کیے گئے ہیں، جبکہ 5000 سے زائد افراد کو ’سیاست نہیں ریاست بچاؤ‘ ایجنڈے کے تحت دعوت دی جا چکی ہے۔
مصطفوی سٹوڈنٹس موومنٹ کے مرکزی صدر تجمل حسین انقلابی نے گزشتہ روز میر پور ماتھیلو کا دورہ کیا ،انہوں نے گرد نواح سے آئے ہوئے طلبہ سے ملاقات کی، اور 23 دسمبر کے حوالے سے خصوصی بریفنگ دی۔ طلبہ سے گفتگو کے دوران انہوں نے کہا کہ عوام کے محرومیاں موجودہ تباہ کن نظام کے تحت برھتی چلی جارہی ہیں۔ جب تک عوام اس نظام کے خلاف متحد نہیں ہو جاتے تو اس وقت تک تبدیلی ممکن نہیں۔ انہوں نے کہا کہ سندھ کے دور دراز علاقوں کی پسماندگی دیکھ کر دل خون کےآنسو روتا ہے۔ اب وقت آگیا ہے کہ محرومیوں کا خاتمہ کیا جائے اور اپنے ہاتھوں سے اپنی تقدیر لکھی جائے۔ اس دورے میں ان کے ساتھ غلام محمد میرانی راہ نما ایم ایس ایم تھے۔
مصطفوی سٹوڈنٹس موومنٹ کے مرکزی نائب صدر انجینئر محمد حنیف مصطفوی نے گزشتہ روز 4 دسمبر 2012ء کو بہاولپور کا دورہ کیا جہاں ایک تقریب سے خطاب کرتے ہوئے انہوں نے کہا کہ موجودہ ا ستحصالی نظام کی وجہ سے عام پا کستانی کو عدل، انصاف اور روزگار میسر نہیں ہے۔ مو جودہ الیکشن سسٹم انڈسٹر ی بن چکا ہے۔ موجودہ الیکشن سسٹم میں ہر امیدوار ایک سیٹ کے لیے 15 سے 20 کروڑ روپے خر چ کر کے اسمبلی میں جا تا ہے۔ اس کے بعد بھی اگر کوئی یہ سمجھتا ہے کہ وہ اسمبلی میں جا کر عوام کے حقوق، عدل و انصاف اور حق کی بات کرے گا تو اس کی عقل پر پردہ ہے کیو نکہ یہاں تو الیکشن میں انویسٹمینٹ اس لیے کی جاتی ہے کہ اسمبلی میں پہنچ کر قومی وسائل کو لوٹ کر اثاثہ جات بنائے جائیں۔
مورخہ 03 دسمبر 2012ء کو عوامی استقبال کے سلسلے میں ایگزیکٹو کونسل کا اجلاس تحریک منہاج القرآن شیخوپورہ کے آفس میں مرکزی نگران عوامی استقبال کمیٹی ضلع شیخوپورہ علامہ غلام مرتضیٰ علوی (مرکزی ناظم تربیت) کے سربراہی میں منعقد ہوا۔ جس میں شیخ الاسلام ڈاکٹر محمد طاہرالقادری کی پاکستان آمد کے موقع پر عوامی استقبال کے سلسلے میں تمام یونین کونسلز میں جاری سرگرمیوں کا جائزہ لیا گیا۔
منہاج القرآن یوتھ لیگ کے زیراہتمام گھر گھر ’نظام بدلو عوامی استقبال مہم‘ جاری ہے۔ جس کا آغاز 3 دسمبر 2012ء صبح 8:30 کیا گیا۔ مرکز کی طرف سے آئے ہوئے 7 نوجوانوں نے منہاج القرآن یوتھ گلبرگ بی کے ساتھ ڈور ٹو ڈور کمپین میں حصہ لیا۔ ابھی تک یو سی 98 میں کمپین کو مکمل کر لیا گیا ہے، جبکہ یو سی 99، مدینہ کالونی، علی کالونی اور پیر کالونی میں ڈور ٹو ڈور کمپین جاری ہے۔ کمپین کا شیڈول کارنر میٹنگز کے شیڈول کو سامنے رکھ کر تیار کیا گیاہے۔
مصطفوی سٹوڈنٹس موومنٹ ضلع بھمبر کے زیراہتمام شیخ الاسلام ڈاکٹر محمد طاہرالقادری کی پاکستان آمد کے حوالے سے مختلف تحصیلات میں تشہیری مہم مکمل کر لی گئی ہے، اس تشہیری مہم کے دوران علاقے بھر میں وال چاکنگ، فلیکس بورڈ، پوسٹرز اور گزرگاہوں پر ہولڈنگ بورڈز آویزاں کیے گئے ہیں، جبکہ عوامی رابطہ مہم مسلسل جاری ہے، جس میں لوگوں کو 23 دسمبر کو مینار پاکستان پر ہونے والے ’سیاست نہیں ریاست بچاؤ عوامی اجتماع‘ میں شرکت کی دعوت دی جا رہی ہے۔
میزبان چیئرمین پاکستان غربا پارٹی ممتاز حسین نیازی اور ان کے جملہ احباب نے 23 دسمبر کو شیخ الاسلام ڈاکٹر محمد طاہرالقادری کے ایجنڈے ’سیاست نہیں ریاست بچاؤ‘ کی بھرپور حمایت اور شرکت کو یقینی بنانے کا وعدہ کیا۔ انہوں نے بتایا کہ پنجاب کوآپریٹو ہاؤسنگ سوسائٹی 3500 مکمل گھروں پر مشتمل ہے، جن کے تمام رہائشی 23 دسمبر کو مینار پاکستان آئیں گے۔
4M
فیس بک
2M
ٹوٹر
© 1994 - 2026 Minhaj-ul-Quran International.
