سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآں انٹرنیشنل جاپان اور مولود النبی صلی اللہ علیہ وآلہ وسلم کمیٹی جاپان کے زیر اہتمام مورخہ 27 فروری 2104 کو جاپان کی تاریخی مسجد ایساساکی میں عظیم الشان محفل میلاد کا انتظام کیا گیا جس کی صدارت علامہ حافظ محمد احمد قمر نے کی۔ جاپان بھر سے عاشقان مصطفی صلی اللہ علیہ وآلہ وسلم نے جوق در جوق شرکت کی۔ چیبا کین،اباراکی کین، گماکین،ٹوکیو، توچکی اور یاشیو سے بھی لوگوں نے شرکت کی
مصطفوی سٹوڈنٹس موومنٹ بھکر کا دہشت گردی کے خلاف امیدِ پاکستان کنونشن، پاک فوج کے حق میں زبردست نعرے بازی، دہشت گردی کے خلاف قرار داد بھی منظور، موجودہ حالت میں پاک فوج کا ساتھ نہ دینا ملک سے غداری ہے، پاکستان ہمارے آباؤ اجداد نے بنایا اسے بچانے کے لیے جانیں بھی قربان کر دیں گے، مرکزی صدر چوہدری عرفان یوسف کا کنونشن سے خطاب۔ تفصیل کے مطابق MSM نے وزیرستان میں شروع ہونے والے ملٹری آپریشن کے دوران پاک فوج کا مورال بلند کرنے کے لیے ملک بھر میں ریلیوں، جلسوں، کنونشنز اور کارنر میٹنگز کا آغاز کر دیا ہے۔
تحریک منہاج القرآن دولتالہ، یونٹ جاتلی، یونٹ ہجو، یونٹ سکھو، یونٹ ڈھوں، ڈونگی خورد اور یونٹ بھیر رتیال کے زیراہتمام عظیم الشان جشن محافل میلاد مصطفی صلی اللہ علیہ وآلہ وسلم کا انعقاد کیا گیا۔ محافل کی صدارت حضرت پیر سید صاحبزادہ انوارالحق شاہ آستانہ عالیہ سوہاوہ شریف اور پیر سید مخدوم مسکین شاہ بخاری آستانہ عالیہ حصال شریف نے کی۔ محافل سے خصو صی خطابات حضرت علامہ مفتی ارشاد حسین سعیدی سکالر منہاج یونیورسٹی کراچی، حضرت علامہ علی اختر اعوان مرکزی رہنما تحریک منہاج القرآن نے کیے۔
مرکزی سیکرٹری کوآرڈینیشن منہاج القرآن یوتھ لیگ ایچ وقار قادری نے مختلف تحصیلات و اضلاع کا وزٹ کیا۔ انہوں نے 21 فروری کی صبح اپنے وزٹ کا آغاز تحصیل جہلم کی یونین کونسل سنگھوئی سے کیا جہاں نوجوانوں سے ملاقات کی اور تنظیم نو کے سلسلے میں نوجوانوں کو بریف کیا۔ اِس کے بعد یونین کونسل چک جمال میں تنظیم نو کی اور نوجوانوں کو تنظیمی کام کرنے کے حوالے سے بریف کیا اور ٹارگٹس کے بارے میں بھی آگاہ کیا۔
مصطفوی سٹوڈنٹس موومنٹ رحیم یار خان کے زیر اہتمام مڈ درباری میں ویڈیو پروگرام منعقد ہوا جس میں قائد انقلاب ڈاکٹر محمد طاہرالقادری کا پیغام بیدارئ شعور سنایا گیا۔ مصطفوی سٹوڈنٹس موومنٹ کے نائب صدر رضی طاہر نے خصوصی شرکت کی، ضلعی کوآرڈینیٹر معین الدین، سوشل میڈیا کوآرڈینیٹر محمد فہیم مصطفوی، ناظم منہاج القرآن رحیم یار خان محمد شفیق قادری ان کے ہمراہ تھے۔ پروگرام میں کثیر تعداد میں طلبہ شریک تھے۔
تحریک منہاج القرآن مانسہرہ کے زیراہتمام شیخ الاسلام ڈاکٹر محمد طاہر القادری کی 63 ویں سالگرہ کے موقع پر قائد ڈے کی تقریب کا انعقاد کیا گیا جس میں مرد وخواتین کی کثیر تعداد نے شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا، بعد ازاں کارکنان نے ترانوں کے ذریعے اپنے قائد سے عقیدت ومحبت کا اظہار کیا۔ اس موقع پر راجہ وقار احمد صوبائی جنرل سیکرٹری پاکستان عوامی تحریک اور ڈاکٹر مظہر خیال نے خصوصی شرکت کی۔
تحریک منہاج القرآن گلبرگ ٹاؤن بی کے زیراہتمام مصطفوی کارکنان کی تربیت کے سلسلہ میں ورکشاپ کا انعقاد کیا گیا۔ اس سلسلہ کی پہلی ورکشاپ یونین کونسل 99 میں انعقاد پذیر ہوئی جس میں مصطفی آباد یونٹ کے کارکنان نے شرکت کی۔ ورکشاپ کا انعقاد محترم محمد اکرم ناظم تحریک منہاج القرآن یونین کونسل 99 نے کیا جبکہ ٹاؤن کی طرف سے طیب خان رند صدر تحریک، نیاز احمد فاروقی نائب صدر تحریک اور مقرب سلطان ناظم تحریک نے شرکت کی۔
اسلام آباد () مؤرخہ 16 فروری 2014ء منہاج القرآن یوتھ لیگ کے زیر اہتمام قائد ڈے کے موقع پر ورکرز کنونشن یونین کونسل سوہان شکریال میں منعقد ہوا۔ جس میں مہمان خصوصی حافظ وقار قادری سیکرٹری کوآرڈینیٹر یوتھ کے علاوہ جواد ارجمند سیکرٹری ممبر شپ منہاج یوتھ لیگ، جاوید راجہ ممبر مرکزی کیبنٹ منہاج یوتھ لیگ، محمد قاسم صدر منہاج یوتھ لیگ راولپنڈی نے بھی شرکت کی۔
منہاج القرآن یوتھ لیگ کے زیر اہتمام ڈاکٹر محمد طاہر القادری کی 63 ویں سالگرہ کے موقع پر Ambassador of Peace Conference منعقد کی گئی۔ جس میں بڑی تعداد میں خواتین و حضرات نے شرکت کی۔ اس سیمینار میں دیگر مذاہب کے رہنماؤں نے بھی شرکت کی اور شرکاء سے خطاب کرتے ہوئے ڈاکٹر محمد طاہر القادری کی امن کے قیام کے لئے خدمات کو سراہا۔
عہد حاضر میں شیخ الاسلام ڈاکٹر محمد طاہر القادری نوجوانوں کے آئیڈیل ہیں۔ ڈاکٹر طاہر القادری نے اپنے کام سے ثابت کیا ہے کہ وہ حقیقی لیڈر ہیں۔ ان خیالات کا اظہار ملک اسلم حماد نے تحریک منہاج القرآن کے زیر اہتمام ڈاکٹر طاہر القادری کی 63 ویں سالگرہ کی تقریب سے خطاب کے دوران کیا۔ انہوں نے مزید کہا کہ پاکستان کے شب وروز تبدیل ہو سکتے ہیں اگر قوم ڈاکٹر طاہر القادری کی قیادت میں اٹھ کھڑی ہو اور کرپٹ نظام سے ٹکرا جائے۔ اس موقع پر علامہ نصیر بابر نے بھی خطاب کیا۔
شیخ الاسلام ڈاکٹر محمد طاہر القادری کی سالگرہ کی تقریبات کے سلسلے میں تحریک منہاج القرآن کوہاٹ نے ایوب صابر ہال باچا خان لائبریری میں عالمی سفیر امن سیمینار کا انعقاد کیا، جس میں مرد وخواتین کی کثیر تعداد نے شرکت کی۔ تقریب کا باقاعدہ آغاز تلاوت کلام پاک سے ہوا جس کی سعادت حافظ قاری عبد القیوم نے حاصل کی،جبکہ بارگاہ سرور کونین صلی اللہ علیہ وآلہ وسلم میں محمد انور خان قادری نے نذرانہ عقیدت پیش کیا۔ اس موقع پر ضیاء اللہ بنگش رکن خیبر پختونخواہ اسلمبلی مہمان خصوصی تھے۔
ڈاکٹر طاہرالقادری نے اپنے انٹرویو میں کہا کہ دہشت گردی کے باعث ملک کو معاشی حوالے سے 78 ارب ڈالر کا نقصان ہوچکا ہے۔ دنیا بھر میں پاکستان بدترین دہشت گردی کے حوالے سے دوسرے نمبر پر جبکہ دہشت گردی سے متاثرہ ممالک میں پہلے نمبر پر ہے۔ انہوں نے کہا کہ نام نہاد مذاکرات کا سلسلہ لامتناہی ہے، حکومت کے پاس ٹائم فریم ہی نہیں کہ کب سے کب تک مذاکرات کرنے ہیں؟ ڈاکٹر قادری نے کہا کہ افواج پاکستان کا مورال بلند کرنے کے لیے ان کے ساتھ کھڑا ہونا ہو گا اور انکی خدمات کی حوصلہ افزائی کرنا ہو گی اس لیے کہ ایک یہی ادارہ رہ گیا ہے جو ملک کو دہشت گردی سے نجات دلا کر امن دے سکتا ہے۔
مجاہدوں شہیدوں اور غازیوں کی سرزمین آزادکشمیر کی ایک خوبصورت وادی تحصیل عباس پور میں مورخہ 19 فروری بروز بدھ دن گیارہ بجے شیخ الاسلام پروفیسر ڈاکٹر محمد طاہر القادری کی 63ویں سالگرہ کے حوالہ سے ایک پر وقار تقریب کا انعقاد منہاج ماڈل سکول عباس پور میں ہوا۔ جس میں کارکنان وعہدیداران نے شرکت کی۔ تقریب کا آغاز باقاعدہ تلاوت قرآن مجید سے ہوا۔ تلاوت کے بعد شرکاء نے وجدانی کیفیت میں اپنے آقا ومولا تاجدار کائنات صلی اللہ علیہ وآلہ وسلم پر درود شریف کے نذرانے پیش کئے۔
تحریک منہاج القران گوجرہ کے زیر اہتمام منہاج اسلام سنٹر چک نمبر 298 ج۔ب میں شیخ الاسلام ڈاکٹر طاہر القادری کی سالگرہ کے سلسلہ میں ایک تقریب منعقد ہوئی جس میں کارکنان کی کثیر تعداد نے شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا۔ اس موقع پر تحریک منہاج القرآن کے جملہ فورمز کے عہدیدارن وکارکنان نے شرکت کی۔ تقریب سے انجیئر رفیق نجم نے خصوصی خطاب کیا۔ اختتام پر کیک کاٹا گیا اور ساتھ ہی دعائیہ کلمات سے تقریب کا اختتام ہوا۔
منہاج القرآن یوتھ لیگ سرگودھا کے زیراہتمام مہنگائی، کرپشن، بےروزگاری اور نجکاری کے خلاف پرامن احتجاج کیا گیا جس میں لوگوں کی کثیر تعداد نے شرکت کی۔ اس موقع پر صدر پاکستان عوامی تحریک شیخ زاہد فیاض نے خصوصی شرکت کی اور خطاب کیا۔ احتجاج میں شرکاء نے مخلتف بینرز اٹھا رکھے تھے جن پر ملکی اداروں کی لوٹ سیل اور حکومت کی کارکردگی کے خلاف نعرے لکھے ہوئے تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
