سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن ویمن لیگ چکوال کے زیراہتمام سالانہ میلاد مصطفی ﷺ کانفرنس مکہ میرج ہال چکوال میں منعقد ہوئی۔ اس موقع پر خواتیں کی بہت بڑی تعداد پروگرام میں شریک ہوئی۔ پروگرام کا آغاز تلاوت و نعت سے ہوا، منہاج نعت کونسل کی رکن محترمہ سدرہ ظہوری نے دف پر آقا علیہ السلام کی بارگاہ میں کلام پیش کیا۔
منہاج القرآن ویمن لیگ کے فورم ایگرز کے زیراہتمام سانحہ آرمی پبلک سکول پشاور میں شہید ہونیوالے معصوم اور اساتذہ کی یاد میں دعائیہ تقریب منعقد کی گئی۔ تقریب میں چھوٹے چھوٹے بچوں اور بچیوں نے شمعیں روشن کر کے شہدائے پشاور کو یاد کیا اور خراج تحسین پیش کیا۔ بچوں نے آرمی پبلک سکول کے شہدا کے لواحقین کے عزم اور حوصلے کو بھی خراج تحسین پیش کیا۔
منہاج القرآن ویمن لیگ Woice کے زیراہتمام ماہ اکتوبر اور نومبر 2018ء میں مستحقین کی مالی امداد کی گئی۔ اس سلسلہ میں مستحقین کے ساتھ ماہ اکتوبر اور نومبر میں 40,500 روپے مالیت کا تعاون کیا گیا۔ Woice ٹیم کے ساتھ مالی معاونت کرنے میں محترمہ صاعقہ اظہر، ریحانہ عظیم، کرن منیر اور سیف اللہ نے اہم کردار ادا کیا۔
منہاج القرآن ویمن لیگ جہلم کے طرف سے ضیافت میلاد کا اہتمام کیا گیا۔ جس میں تحصیلی ٹیم کے علاوہ سینئر رفقاء کے ساتھ مختلف یونین کونسل کے ذمہ داران اور قرآن سکالرز اور ایگرز ٹیم نے بھی شرکت کی۔ پروگرام میں تلاوت قرآن مجید کی سعادت شہزانہ عنصر نے حاصل کی جبکہ غوثیہ نعت کونسل، ایگرز نعت کونسل، امر زہرہ، پاکیزہ اشرف نے نعت خوانی کی۔ اس موقع پر شرکاء کو شیخ الاسلام ڈاکٹر محمد طاہرالقادری کا خطاب بھی سنایا گیا۔
منہاج القرآن ویمن لیگ لودھراں کے زیراہتمام عظیم الشان ’’محفل میلاد البنی ﷺ‘‘ مورخہ 25 نومبر 2018 کو گھلو ہال میونسپل کمیٹی میں منعقد ہوئی جس میں خواتین کی بڑی تعداد نے شرکت کی۔ محفل میں شیخ الاسلام ڈاکٹر محمد طاہرالقادری کی شاگرد تحریک منہاج القرآن کی عظیم سکالر نبیلہ ظہیر نے خطاب کیا۔
منہاج القرآن ویمن لیگ تحصیل جہلم کی صدر محترمہ صفیہ رفعت نے مرکزی سیکرٹریٹ ماڈل ٹاون میں مرکزی صدر ویمن لیگ محترمہ فرح ناز سے ان کے آفس میں ملاقات کی۔ اس موقع پر محترمہ صفیہ رفعت نے منہاج ویمن لیگ جہلم کی کارکردگی رپورٹس پیش کیں، جس پر محترمہ فرح ناز نے ویمن لیگ جہلم کے کام کو خوب سراہا۔
منہاج القرآن ویمن لیگ کے زیراہتمام تحریک منہاج القرآن کے 38 ویں یوم تاسیس کی تقریب منائی گئی۔ 17 اکتوبر 2018ء کو منہاج القرآن ویمن لیگ جہلم کی قائدین نے کیک کٹنگ تقریب منعقد کی۔ اس موقع پر کیک کاٹا گیا اور تحریک اور قائد تحریک کی صحت و سلامتی کے لئے دعا کی گئی۔
تحریک منہاج القرآن کے زیراہتمام 35 ویں عالمی میلاد کانفرنس گریٹر اقبال پارک مینار پاکستان لاہور میں منعقد ہوئی، جس میں شیخ الاسلام ڈاکٹر محمد طاہرالقادری نے خصوصی خطاب کیا۔ تحریک منہاج القرآن کی سپریم کونسل کے چیئرمین ڈاکٹر حسن محی الدین قادری، صدر منہاج القرآن ڈاکٹر حسین محی الدین قادری نے بھی عالمی میلاد کانفرنس میں خصوصی شرکت کی۔ کانفرنس میں لاکھوں فرزندان اسلام و عشاقان مصطفیٰ نے قافلوں کیساتھ جوق دو جوق شرکت کی جبکہ ہزاروں خواتین بھی کانفرنس میں شریک ہوئیں۔
منہاج القرآن ویمن لیگ ایگرز کے زیراہتمام میلاد النبی ﷺ کے سلسلے میں ضیافت میلاد اور نعتیہ محفل کا انعقاد کیا گیا۔ میلاد النبی ﷺ اور ضیافت میلاد کی اس منفرد تقریب کے میزبان 7 سال سے کم عمر کے بچے اور بچیاں تھیں۔ میلاد النبی ﷺ کی اس محفل کی مہمان خصوصی فضہ حسین قادری تھیں۔ صدر منہاج القرآن ڈاکٹر حسین محی الدین قادری کی صاحبزادی سُکینہ حسین قادری نے خوبصورت انداز میں نعت بحضور سرور کونین ﷺ پیش کر کے بے پناہ داد وصول کی۔ خرم نواز گنڈاپور نے بچیوں کو تحائف دئیے اور کامیاب تقریب کے انعقاد پر ویمن لیگ (ایگرز) کی جملہ عہدیداران کو مبارکباد دی۔
منہاج القرآن ویمن لیگ تحصیل جہلم سٹی کے زیراہتمام 40 روزہ عرفان القرآن کورس کی افتتاحی تقریب کا انعقاد 15 اکتوبر 2018ء کو ہوا، جس میں صدر صفیہ رفعت، ناظمہ دعوت مسز زین العابدین، ایگرز کوآرڈینیٹر ثانیہ ناصر سمیت علاقہ بھر سے خواتین نے بھر پور شرکت کی۔
منہاج القرآن ویمن لیگ جہلم کی یوسی کوارڈینیٹر جادہ محترمہ سمعیہ ظفر، سابقہ صدر ویمن لیگ محترمہ مریم نعیم اور ڈپٹی کوارڈینیٹر Woice محترمہ تہنیزہ شاہد نے 22 اکتوبر 2018ء کو پنجاب کالج آف ٹیکنالوجی جادہ کا دورہ کیا۔ اس دورے میں انہوں نے کالج کی طالبات کو حلقہ درود و فکر اور درس قرآن کا آغاز کیا۔
منہاج القرآن ویمن لیگ جہلم کی صدر محترمہ صفیہ رفعت اور ناظمہ دعوت و تربیت محترمہ مسز زین العابدین نے 13 نومبر 2018ء کو شیخ الاسلام ڈاکٹر محمد طاہرالقادری سے ملاقات کی۔ اس موقع پر انہوں نے منہاج ویمن لیگ جہلم کی اپنی تمام ٹیم ممبرز کی جانب سے شیخ الاسلام ڈاکٹر محمد طاہرالقادری کی خیریت دریافت کی اور اپنی تنظیم کی نیک تمنائیں پیش کیں۔
منہاج القران ویمن لیگ کے ذیلی فورم Eagers کے تحت جہلم کی دو یوسز کوٹلہ فقیر اور جہلم سٹی میں بچوں کے لئے استقبال ربیع الاول کے سلسلے میں کڈز ریلیاں نکالیں گئیں اور محافل میلاد کا انعقاد کیا گیا۔ ان محافل میں چھوٹے بچوں نے اپنے محبوب نبی کریم ﷺ کی بارگاہ میں درود پاک، قصیدہ بردہ شریف اور نعت کے نذرانے پیش کئے۔
منہاج ویمن لیگ کے زیراہتمام جہلم کے مختلف علاقہ جات سعیلہ، ارسل ٹاؤن اور کوٹھہ گورسیاں میں جاری عرفان القران کورسز اور اکیڈمیز میں استقبال ربیع الاول کے سلسلے میں خواتین کی خصوصی محافل میلاد کا انعقاد کیا گیا ۔ ان محافل میں تلاوت کے بعد درود شریف، قصیدہ بردہ شریف اور نعتوں کے نذرانے حضور صلی اللہ علیہ والہ وسلم کی بارگاہ میں پیش کئے گئے۔
منہاج القران ویمن لیگ تحصیل جہلم کے زیراہتمام جہلم کی دو یونین کونسلز کوٹلہ فقیر اور کالا گوجراں میں استقبال ربیع الاول کی محافل کا انعقاد کیا گیا۔ جس میں خواتین کی بڑی تعداد شریک ہوئی۔
4M
فیس بک
2M
ٹوٹر
© 1994 - 2026 Minhaj-ul-Quran International.
