سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
ادارہ منہاج القرآن انٹرنیشنل کے ڈائریکٹر ایڈمنسٹریشن جواد حامد نے انسداد دہشتگردی کی عدالت میں دائر استغاثہ کے حوالے سے جسٹس خواجہ ظفر اقبال کی عدالت میں اپنا بیان قلمبند کرواتے ہوئے کہا کہ ڈاکٹر طاہرالقادری کو 2014 ء میں تحریک سے خوفزدہ حکومت نے پاکستان آنے سے روکنے کیلئے سانحہ ماڈل ٹاؤن میں خونی آپریشن کیا اور کارکنوں کو شہید اور 85 سے زائد کو زخمی کر دیا، انہوں نے کہا کہ جہاں تک تجاوزات ہٹانے کے آپریشن کی فرضی کہانی کا تعلق ہے تو یہ حفاظتی بیریئر عدالت کے حکم اور پولیس کی نگرانی میں لگائے گئے تھے
شیخ الاسلام ڈاکٹر محمد طاہرالقادری نے 14 مارچ 2016 کو اجمیر شریف میں حضرت معین الدین چشتی رحمۃ اللہ علیہ کے مزار پر حاضری دی، اجمیر شریف پہنچنے پر دربار کے خادم سلمان چشتی نے سینکڑوں زائرین کے ہمراہ ڈاکٹر طاہرالقادری کا استقبال کیا، مزار پر ان کی دستار بندی کی گئی اور انہیں روایتی تحائف دئیے گئے، ڈاکٹر طاہرالقادری کو اپنے درمیان دیکھ کر سینکڑوں زائرین نے ’’جیوے جیوے طاہر جیوے‘‘ کے فلک شگاف نعرے لگائے اور ان سے مصافحہ کرتے رہے۔
منہاج اسلامک سنٹر میں منہاج القرآن انٹرنیشنل فرانس کے نومنتخب صدر چوھدری محمد اعظم کی خوشدامن کے ایصالِ ثواب کے لیے ختم چہلم کا انعقاد کیا گیا، جس میں پاکستان پیپلز پارٹی فرانس کے صدر ڈاکٹر ارشاد کمبو، پاکستان مسلم لیگ (قائداعظم) کے صدر منیر احمد وڑائچ، پاکستان تحریک انصاف کے نائب صدر اصغر شمسی، مسجد قباء پیرس کے سابق صدر چوھدری افضل کھونن اور حاجی مزمل حسین سمیت منہاج القرآن انٹرنیشنل فرانس کے عہدیدارا، رفقاء اور وابستگان نے بڑی تعداد میں شرکت کی۔
شیخ الاسلام ڈاکٹر محمد طاہرالقادری کا نئی دہلی ایئرپورٹ پہنچنے پر منہاج القرآن انڈیا تنظیم کے عہدیداروں اورکارکنوں نے ان کا پرتپاک استقبال کیا۔ ڈاکٹر طاہرالقادری جیسے ہی لاؤنج سے باہر نکلے تو عہدیداروں ،کارکنوں نے ان پر پھولوں کی پتیاں نچھاور کیں اور ان کی آمد پر فلک شگاف نعرے لگائے اور انہیں والہانہ انداز میں خوش آمدیدکہا۔
شیخ الاسلام ڈاکٹر محمد طاہرالقادری کے دیرینہ رفیق عظمت علی بھٹی 13 مارچ کو انتقال کر گئے۔ (انَّا للّہ وَانَّـا الَيْہ رَاجعون)۔ عظمت علی بھٹی کی 27 سال سے شیخ الاسلام ڈاکٹر محمد طاہرالقادری سے رفاقت تھی اور وہ ایوان قائد پر پرسنل سیکیورٹی گارڈ کی ذمہ داری سرانجام دے رہے تھے۔ مرحوم صوم و صلٰوۃ کے پابند اور نیک انسان تھے۔ شیخ الاسلام نے عظمت علی بھٹی کی وفات پر گہرے دکھ اور افسوس کا اظہار کرتے ہوئے مرحوم کی بخشش و مغفرت کے لیے خصوصی دعا کی۔
کامرہ: شیخ الاسلام ڈاکٹر محمد طاہرالقادری کی 65ویں سالگرہ کے موقع پر منہاج القرآن ویمن لیگ کامرہ اور حضرو کی تنظیمات نے منہاج القرآن گرلز ہائی سکول حضرو میں قائد ڈے کی تقریب کا اہتمام کیا۔ تقریب میں تحریک منہاج القرآن کے مرکزی راہنماء ساجد محمود، الحاج نوازش علی، تحریک منہاج القرآن اٹک کے ناظم حاجی عبداللطیف اور پاکستان عوامی تحریک اٹک کے صدر ملک وراثت علی سمیت منہاج القرآن پوسٹ گریجوایٹ کالج کامرہ اور منہاج القرآن پوسٹ گریجوایٹ کالج کامرہ کے اساتذہ اور طلبہ شریک تھے۔
لندن: منہاج القرآن انٹرنیشنل برطانیہ کے لندن میں قائم مرکز پر منہاج القرآن انٹرنیشنل برطانیہ کی ایگزیکٹیو کونسل کا اجلاس منعقد ہوا، جس کی صدارت چیئرمین سپریم کونسل ڈاکٹر حسن محی الدین قادری نے کی۔ اجلاس میں خارجہ امور کے سربراہ غلام مصطفیٰ ملک، منہاج القرآن انٹرنیشنل برطانیہ کے امیر ظہور احمد نیازی، علامہ صادق قریشی الازہری، سید علی عباس بخاری، معظم رضا اور حاجی عبدالغفور سمیت منہاج القرآن انٹرنیشنل برطانیہ کے عہدیداران شریک تھے۔
تحریک منہاج القرآن حلقہ پی پی 10 (B) راولپنڈی کینٹ کے زیراہتمام بانی و سرپرست اعلیٰ تحریک منہاج القرآن شیخ الاسلام ڈاکٹر محمد طاہرالقادری کی 65 ویں سالگرہ کے موقع پر محفل نعت رسول صلیٰ اللہ علیہ وآلہ وسلم منعقد کی گئی۔ محفل کا اہتمام صوفی محمد عارف اعوان کی رہائش پر کیا گیا تھا۔ محفل میں تحریک منہاج القرآن PP 10 کے صدر ملک وسیم سمیت تحریک منہاج القرآن کے کارکنان اور علاقہ کی سماجی شخصیات شریک تھیں۔
منہاج القرآن انٹرنیشنل فرانس کے بانی رہنما حاجی محمد فاضل کی اہلیہ گذشتہ دنوں فرانس میں انتقال کر گئیں۔ منہاج القرآن انٹرنیشنل کے بانی و سرپرست اعلیٰ شیخ الاسلام ڈاکٹر محمد طاہر القادری، چیئرمین سپریم کونسل ڈاکٹر حسن محی الدین قادری، صدر ڈاکٹر حسین محی الدین قادری، ناظم اعلیٰ خرم نواز گنڈاپور، ڈائریکٹر امور خارجہ جی ایم ملک، مرکزی قائدین و ناظمین نے حاجی محمد فاضل سے تعزیت کرتے ہوئے گہرے دکھ اور غم کا اظہار کیا ہے۔
منہاج القرآن فرانس کی مرکزی تنظیم اور جملہ فورمز کے نئے سربراہان کے انتخاب کےلیے منہاج القرآن انٹرنیشنل کے چیئرمین سپریم کونسل ڈاکٹر حسن محی الدین قادری پیرس پہنچ گئے۔ ان کے ہمراہ صدر یورپین کونسل اعجاز وڑائچ اور جنرل سیکریٹری بلال اوپل بھی ہیں۔ اورلی ائیرپورٹ پر شیخ زاہد فیاض، حسن میر قادری، نعیم چوہدری، عبدالرازق گجر اور دیگر مرکزی ساتھیوں نے استقبال کیا۔
تحریک منہاج القرآن ڈسکہ پی پی 129 کا تنظیمی اجلاس مورخہ 28 فروری 2016 کو منعقد ہوا، جس میں تحریک منہاج القرآن، پاکستان عوامی تحریک، منہاج القرآن یوتھ لیگ اور مصطفوی سٹوڈنٹس موومنٹ کی تنظیم نو کی گئی۔ تحریک منہاج القرآن، پاکستان عوامی تحریک، منہاج یوتھ لیگ اور مصطفوی سٹوڈنٹس موومنٹ کے کارکنان نے نومنتخب عہدیداران کو مبارکباد پیش کی ہے۔
منہاج القرآن انٹرنیشنل پیرس، فرانس کے زیراہتمام امن کانفرنس منعقد ہوئی جس کے مہمان خصوصی چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری تھے۔ امن کانفرنس سے خطاب کرتے ہوئے ڈاکٹر حسن محی الدین قادری نے کہا کہ عالم میں امن کے لیے بھائی چارے کا فروغ اشد ضروری ہے۔ ان کا کہنا تھا کہ انتہا پسندی اور دہشت گردی دنیا کا بہت بڑا مسئلہ ہے، اس سے نبرد آزما ہونے کے لیے آپس میں بھائی چارے کو فروغ دینا ہوگا۔
تحریک منہاج القرآن ڈسکہ پی پی 129 کی یونین کونسل سہجوکالا کے کارکنان کا اجلاس منعقد ہوا۔ جس میں تحریک منہاج القرآن، پاکستان عوامی تحریک، منہاج القرآن یوتھ لیگ اور مصطفوی سٹوڈنٹس موومنٹ کی تنظیم سازی مکمل کی گئی۔ تنظیم سازی کے بعد یونین کونسل سہجو کالا میں سید احسن رضوی کو تحریک منہاج القرآن کا صدر اور محمد فیاض گھمن کو ناظم کی ذمہ داریاں تفویض کی گئیں۔
6 مارچ 2016 کو تحریک منہاج القرآن ڈسکہ پی پی 129 کے کارکنان کا اجلاس منعقد ہوا۔ جس میں یونین کونسل بھڑتھانوالہ میں تحریک منہاج القرآن اور ذیلی فورمز کی تنظیم سازی کی گئی۔ نومنتخب عہدیداران میں محمد اصغرعلی قادری کو تحریک منہاج القرآن یونین کونسل بھڑتھانوالہ کے ناظم، محمد اشرف کو نائب ناظم، محمد رزاق کو ناظم مالیات’ محمد ارشد بسراء کو پاکستان عوامی تحریک یونین کونسل بھڑتھانوالہ کے صدر، ظفر حسین کو سیکرٹری جنرل‘محمد اظہر بسراء کو منہاج القرآن یوتھ لیگ یونین کونسل بھڑتھانوالہ کے صدر، صوفی اللہ دتہ کو جنرل سیکرٹری اور محمد سہیل کو مصطفوی سٹوڈنٹس موومنٹ یونین کونسل بھڑتھانوالہ کے صدر کی ذمہ داریاں دی گئیں۔
6 مارچ 2016 کو تحریک منہاج القرآن ڈسکہ پی پی 129 کا اجلاس منعقد ہوا۔ جس میں یونین کونسل مالومہے میں تحریک منہاج القرآن، پاکستان عوامی تحریک، منہاج القرآن یوتھ لیگ اور مصطفوی سٹوڈنٹس موومنٹ کی تنظیم سازی کی گئی۔ نومنتخب عہدیداران میں حافظ قیصر فرید منڈ کو تحریک منہاج القرآن کے ناظم، محمد احسان اللہ بٹ کو نائب ناظم، محمد ادریس کو ناظم مالیات‘ رانا عطاءالمصطفٰے کو پاکستان عوامی تحریک کے صدر، رانا محمد شفیق کو جنرل سکریڑی’ محمد نعمان شاہد کو منہاج القرآن یوتھ لیگ کے صدر، لقمان رزاق کو جنرل سکریڑی’ محمد فیاض مغل کو مصطفوی سٹوڈنٹس موومنٹ کے صدر اور ارسلان اسلم کو جنرل سکریڑی کی ذمہ داریاں تفویض کی گئیں۔
4M
فیس بک
2M
ٹوٹر
© 1994 - 2026 Minhaj-ul-Quran International.
